JESAYA 22:6 - BIBEL JAMITA NA DENGGAN

⁶ Madung ro Elam marsinjatahon sior dohot pana, jana tentara ni Siria pe madung ro markudo dohot markareta, dohot tentara ni Kir mambuka parincena.

JESAYA 22:6 ပူးပေါင်းရင်းမြစ်များ

PAMUNGKAAN 10:22

Angka anak ni si Sem i ma si Elam, si Asur, si Arpaksad, si Lot dohot si Aram. Halahi ma ompu ni angka bangso na nigoaran mangihutkon goar ni halahi.

2 RAJA-RAJA 16:9

Dioloi Raja Tiglat-Pileser do pangidoan ni si Ahas i, diroro ia ma kota Damaskus lalu dirampas ia. Dioban ia ma halak kota i tu Kir gabe taban, jana dibunu ia ma anggo Raja Resin.

JESAYA 11:11

Di ari i, sanoli nari giot pakeon ni Tuhan ma kuasoNia jana obanonma bangsoNia na teba i di Asur dohot Mesir, di angka luat ni Patros, Sudan dohot Elam, di Babel, Hamat dohot di angka pulo na di laut.

JESAYA 15:1

On ma Tona Ni Debata salaho tu Moab. Madung dironcohon kota Ar dohot Kir di bagasan saborngin, jana mamolngit ma Luat Moab.

JESAYA 21:2

Madung dipatuduhon tu au taringot tu na jorbut na giot masa, halumbaan taringot tu hajahatan dohot hasesegona. Maju ma hamu parangan ni Elam, roro ma! O hamu parangan ni Madai, hobuk hamu ma angka kota i! Na giot paujungonKu noma sude pardangolan na nibaenan ni Babel.

JESAYA 22:7

Gok ma angka napa ni Juda dohot kareta porang. Madung hobas angka parangan na markudo di jolo ni angka horbangan ni Jerusalem.

AMOS 1:5

SegohononKu angka pintu horbangan ni Damaskus jana paorotonKu halak na tinggal di Rura Awen sian inganan ni halahi. PaijuronKu sian habangsana parkuaso na di Bet-Eden, jana halak Siria tabanon lalu dioban tu Luat Kir.”

AMOS 9:7

Didok Tuhan ma, “Ale halak Israel, Huparrohahon do halak Etiopia laing songon Huparrohahon hamu. Huoban do halak Pilistin sian Kreta dohot halak Siria sian Kir laing songon parobanKu di hamu sian Mesir.