JESAYA 22:5 - BIBEL JAMITA NA DENGGAN

⁵ Tutu nian na dung ditontuhon Tuhan, Tuhan Na Markuaso i do ari on gabe ari hataluan, dohot hagaoron di Rura Halumbaan. Madung dirumpakkon angka tembok ni kota. Marsaringar ma habegean sora ni angguk na mangido tolong di angka dolok.”

JESAYA 22:5 ပူးပေါင်းရင်းမြစ်များ

2 RAJA-RAJA 19:3

Songon on ma tona ni si Hiskia na nipalalu ni halahi tu si Jesaya, “Ari siluluton do sadari on; diuhum do hita jana dipabile. Songon dia ma ina na giot manyorangkon hita, hape abis gogo.

2 RAJA-RAJA 25:10

Disegohon angka parangannia muse ma angka tembok ni kota i.

ESTER 3:15

Tibu ma markehean angka suruan na pataruhon surat i tu sude propinsi ni harajaan i. Diparentahon raja i ma anso laing dipabotohon barita i di Susan, kota sabungan ni Persia. Dung salpu i juguk-juguk ma si Haman dohot raja i minum anggur, tapi anggo kota Susan ma pola gaor patunda ni barita i.

JESAYA 10:6

Hutongos do Asur laho manguhumi bangsongKu na marbalik jana na mambaen Au muruk. Husuru do Asur laho mangarampas dohot manangko lalu mangalonca-lonca bangsongKu songon abu na di dalan i.”

JESAYA 22:1

On ma alatan taringot tu Rura Halumbaan: O hamu na maringanan di Jerusalem, biasi manaek hamu sude tu tarup ni bagas?

JESAYA 25:10

Ondihonon ni Tuhan ma Dolok Sion, tapi anggo Moab dege-degeonNia do songon durame di inganan ni rompak.

JESAYA 37:3

On ma tona ni si Hiskia na nipasahat ni halahi tu si Jesaya, “Ari siluluton do sadari on; diuhum do hita jana dipabile. Tudos do hita on tu dadaboru na giot hipas, hape abis gogo.

JESAYA 5:5

Antong, songon on noma baenonKu kobun anggurKi: AngkatonKu noma handang na humaliang kobun i, tembok na manjagohon kobun i pe rumpakkononKu noma i, padiaronKu ma angka binatang riar manjampali i lalu mandege-degesa.

JESAYA 63:3

“Huporo angka bangso songon anggur, nada adong na ro mangurupi. Sasada Au do mangkarejohonsa; di bagasan murukKu Hudege-dege halahi. Mamincar mudarna i, mangaehi bajungKi, pahodarkon sude pakeanKi.

JESAYA 63:6

Di rimas ni rohangku na jorbut i Hulonca-lonca angka jolma i. Hugopu halahi lopus malantuk, mamincar mudarna i sap tu tano.”

JEREMIA 30:7

Madung dapot ari na jorbut, ari na so adong tudosanna. Anggo di bangsongKi ari i ma na mambaen sak ni roha; tapi paluaonKu do halahi.”

ANDUNG 1:5

Marbungaran angka musuna hara ni na dung mangarajai ia. Tuhan mambaen ia humasusa, patunda ni bahatna dosania. Hona taban do halakna, jana dioban tu habuanganna di jolo ni musuna.

ANDUNG 2:2

Ganop kota na adong di Juda, dironcohon Ia nada adong ibo ni roha. Angka benteng na mangondingi luat i dionjarkon Ia lopus marumpahi. Didabuhon Ia lopus marbile noma harajaan i dohot angka pamimpinna.

ANDUNG 2:8

Madung putus di roha ni Tuhan anso tarbaen Ia manyegohon Sion i sudena. Angka tembok dohot palas-palasna, ma pola gabe maropuk i sudena.

JEHESKIEL 7:7

Madung marujung sasudena di ho, ale bangso na maringanan di luat on. Saonnari nada adong be angka hariburon di langgatan na di dolok; hum hagaoron noma na adong.

HOSEA 10:8

Angka bagas pamelean na di angka tor Awen inganan pamelean ni halak Israel, roncohonon noma i. Martubuan ma duhut dohot duri di langgatan ni halahi i. Dung i marsurak ma halahi pio-pio tu angka dolok, “Ondingi ma hami!” dohot tu angka tor, “Dondoni ma hami!”

MIKA 7:4

Halak na umburju sian tonga-tonga ni halahi, i ma songon suan-suanan na marduri. Na umtigor sian tonga-tonga ni halahi songon pagar na marduri. Madung dapot hatiha di angka pamata-mataimunu dohot ari panguhumanmu. Saonnari angkon mulai ma hagaoron di tonga-tonga ni halahi!

ZEPANYA 1:15

Ari haririmas do ari i, ari hamaolon dohot hasusaan, ari hadadabu dohot hasegoan, ari hagolapan dohot haholomon, ari na rambon jana na manyorop.

MATEUS 24:16

Muda tulus ma i, angkon marlojongi ma halak na di Judea tu dolok-dolok an.

LUKAS 23:30

Dokkonon ni halak ma di hatiha i tu angka dolok, ‘Tinggangi ma hami!’ Jana tu angka partoran, ‘Lingkupkon ma hami!’