JESAYA 22:16 - BIBEL JAMITA NA DENGGAN

¹⁶ “Ise ma he ho didok rohamu lakna? Aha hakmu manuhil kuburan di ho di dolok batu i?

JESAYA 22:16 ပူးပေါင်းရင်းမြစ်များ

PAMUNGKAAN 50:5

‘Di na marayak marujung ngolu ni amanta hami, disuru ia do anso hujanjihon tusia mandok angkon dikuburkon ia di bagasan kuburan na dung sidung diparade ia di tano Kanaan. Jadi hara ni i, na mangido isin ma au di raja i anso kehe au jolo manguburkon damang i. Dung sidung, manigor mulak pe au.’ ”

2 SAMUEL 18:18

Taran di ngolu ni si Absalom dope, na dung dipajongjong ia humani do disia sandiri sada tugu di Rura Raja, angke nada adong anak halaklahi disia laho paudutkon pomparan disia. Dibaen ia ma goar ni tugu i mangihutkon goarnia sandiri, jana lalu tu sadari on laing na habotoan do tugu i, tugu ni si Absalom.

2 JUJUR TAON 16:14

Dibaen ma tu bangkenia ramuan na sian parmasak dohot angka na huskus, lalu dikuburkon ma di kuburan ni angka raja na di Kota Ni si Daud. Jana laho mangalehen sangap tusia, dipagara rayat i ma purunan na godang situtu.

JOB 3:14

songon angka raja dohot parkuaso, na mangulahi mambangun bagas godang na sian na jolo.

JESAYA 14:18

Sude raja na satano on modom do di tanoman ni halahi na jeges sun,

JESAYA 14:19

hape anggo ho umpe adong kuburanmu; diambungkon do bangkemu jana dipadiar gabe busuk didondoni angka bangke ni parporang na marmatean di bagasan porang, disampakkon rap dohot halahi tu bagasan liang batu lalu dilonca-lonca.

JESAYA 22:17

Jago ho, ambungkonon ni Tuhan ma ho tu sihadaoan. JomahonNia ma ho jana balun-balunonNia. BuangonNia ma ho tu luat na gumodang. Mate disi ma ho di lambung ni angka kareta na sai nipangasahonmi. Ditilakoi ho goar ni bagas ni tuanmu.

JESAYA 52:5

Tapi saonnari, aha dope urusanKu di son? BangsongKu madung dirampas songon i sajo. Halahi na markuaso tusia, madung manyombong, songon i ma didok Tuhan, jana goarKu torus dipabile halahi ganop ari.

MIKA 2:10

Jongjong ma hamu jana morot; nada aman be dison. Gabe ro ma parmaraan, hasegoan tu inganan on hara ni angka dosamunu i.

MATEUS 27:60

Dipayakkon si Josep ma bangke ni Jesus i di bagasan kuburan, ia puna sandiri. Na baru dituhil dope i, i ma di sada dolok batu. Digulang ia ma sada batu na godang tu baba ni kuburan i, kehe ma ia.