JESAYA 22:1 - BIBEL JAMITA NA DENGGAN

¹ On ma alatan taringot tu Rura Halumbaan: O hamu na maringanan di Jerusalem, biasi manaek hamu sude tu tarup ni bagas?

JESAYA 22:1 ပူးပေါင်းရင်းမြစ်များ

PAMUNGKAAN 21:17

Dibege Debata ma sora ni tangis ni si Ismael i jana ro ma sora ni surusuruan ni Debata sian langit mandok hata tu si Hagar, ninna ma, “Aha dehe na niarsakkonmu Hagar? Ulang ho mabiar, madung dibege Debata tangis ni anakmi.

2 SAMUEL 14:5

“Aha do i?” ning raja i mangalusi. Dialusi anakboru i ma, “Sada anakboru na mabalu jana na pogos do au. Madung jumolo halaklahingku.

2 RAJA-RAJA 6:28

Aha do hasompitanmu?” Dialusi anakboru i ma, “Na dielek ni dongankon do au anso hami pangan parjolo anakki, dung i ancogotna i hami pangan muse ma anaknia.

MASMUR 114:5

Ale Laut, biasi he marlojong ho? Ale Batang aek Jordan, biasi marbalik ho?

MASMUR 125:2

Songon angka dolok na mangondingi Jerusalem, songon i ma pangondingi ni Tuhan di bangsoNa, saonnari ro di salolot-lolotna.

PODA 29:18

Muda nada adong panogu-noguon ni Tuhan di sada bangso, gaor ma bangso i. Martua ma halak na maniop uhum.

JESAYA 13:1

On ma tona ni Debata na nijagit ni si Jesaya anak ni si Amos, taringot tu Babel:

JESAYA 15:3

Mamake abit goni ma halak di dalan-dalan i tanda ni habot ni roha; di tano lapang dohot di tarup ni bagas, mangandungi jana martangisan halak.

JESAYA 22:5

Tutu nian na dung ditontuhon Tuhan, Tuhan Na Markuaso i do ari on gabe ari hataluan, dohot hagaoron di Rura Halumbaan. Madung dirumpakkon angka tembok ni kota. Marsaringar ma habegean sora ni angguk na mangido tolong di angka dolok.”

JEREMIA 19:13

Sude bagas na adong di Jerusalem dohot sude bagas ni angka raja ni Juda gabe hodar ma i songon Tofet; angke madung ditutung halak di ginjang ni ganop bagas i dupa tu angka debata langit, jana dipelehon anggur tu angka debata na asing.”

JEREMIA 21:13

Satutuna gabe alomu ma Au, o kota na di ginjang ni rura, dolok batu di adaran; Au Tuhan mandok songon i, o hamu na mandok: Ise ma he na puluk ro tu hami jana ise ma he na puluk masuk tu inganannami?

JEREMIA 32:29

jana surbuonna lopus abis. Mosok muse ma angka bagas na gabe boncir ni hamumurukKu, harana di ginjang ni tarupna i ma ditutungi halak dupa tu Baal dohot manduruskon anggur baen pelean tu angka debata.

JEREMIA 32:32

hara ni sude hajahatan na nibaen ni halak Juda dohot halak Jerusalem rap dohot raja, pamimpin, malim dohot angka panurirang ni halahi.

JEREMIA 48:38

Di ginjang ni sude bungkulan ni bagas dohot di angka tano lapang sora ni na tangis noma na tarbege. Angke madung Hutaporkon Moab songon hudon tano na so marguna.

JOEL 3:12

Didok Tuhan dope, “Angkon markobas do angka bangso lalu kehe tu Rura Josafat. Disi ma uhumanKu angka bangso, Au Tuhan manguhumi hombar balok ni bangsongKi.

JOEL 3:14

Marribu-ribu jolma na ro di Rura Josafat i. Angke manigor ro noma disi ari ni Tuhan i.

MIKA 3:6

“O Panurirang, marujung ne ma hatihamu; mamungka lusut ma mataniarimu. Dipaoto-oto hamu do bangsongKi, hara ni i nada jagitonmunu be parnidaan na pabotohon angka sangkapKu. Nada be tarlumbahon hamu sanga na aha.”

ZEPANYA 1:5

Ias haisonKu sude sanga ise na manaek tu tarup laho manyomba mataniari, bulan dohot angka bintang. AbiskononKu muse dope halahi na manyomba Au jana na marsumpa mandok setia tu Au, hape marsumpa muse halahi mangasahon goar ni Debata Milkom.

MATEUS 10:27

Sanga aha na Hudok tu hamu di na golap, hobarkon hamu ma i di arian raya. Sanga aha na Huhusipkon tu pinggolmunu, jamitahon hamu ma i sian bungkulan ni bagas!

SURAT NI SI PAULUS TU PARLAGUTAN ROM 3:2

Tontu bahat do i. Parjolo, harana halahi do hasahatan ni angka hata ni Debata.

PANGARATAION 22:8

Muda pajongjong bagas hamu, angkon baenonmunu do handang humaliang tarupna i. Gabe nada hamu be martanggung jawab ampot adong sanga na ise na madabu sian tarup i lalu mate.

HAKIM-HAKIM 18:23

marsurak-surak ma si Mika tu halahi. Manaili ma angka Marga Dan i jana disapai halahi ma si Mika, “Aha do? Biasi songon i bahat ni jolma on?”

1 SAMUEL 11:5

Na baru mulak sian ladangna dope hatiha i si Saul maroban lombuna. Disapai ia muse ma, “Aha na masa? Biasi martangisan halak sude?” Dung i dipaboa ma tusia barita na nioban ni utusan na sian Jabes.

1 SAMUEL 3:1

Anggo si Samuel na danak i dope, laing dioloi ia do Tuhan di hatiha i di bagasan panogu-noguon ni si Eli. Jarang sajo do di hatiha i adong tona dohot parnidaan sian Tuhan.