JESAYA 21:4 - BIBEL JAMITA NA DENGGAN

⁴ Hancit sajo simajujungku jana gok biar ma au. Dipangido rohangku ma anso humipas borngin, hapengani mur tamba dope biarku disi.

JESAYA 21:4 ပူးပေါင်းရင်းမြစ်များ

1 RAJA-RAJA 1:49

Gabe mabiar ma angka tamu ni si Adonia, lalu jongjong ma halahi sude kehe marsitopot dalanna be.

ESTER 5:12

Didok ia muse dope, “Salang Ratu Ester pe hum raja i do dohot au na niundangnia tu parjamuan na nibaennia di hami, jana ancogot borngin laing diundang ia muse dope hami.

MASMUR 55:5

Didondoni biar do au jana humitir, dirongomi pangkilalaan na manyikur.

MASMUR 55:6

Iale, sugari adong ma nian habongku songon darapati, habang noma au manjalahi inganan na sonang.

JEREMIA 4:19

Iale hancit ni rohangkon, jana na dangol ma antong di au on. Nada be tarpompom au diringku gumadobur taroktokku, angke hubege do sarune mangkulingi, jana sora ni surak-surak porang marsaringari.

JEREMIA 51:39

Di na manggogo roha ni halahi giot mangan, pasingkoponKu ma sipanganon di halahi, jana baenonKu ma halahi mabuk jana ribur lopus tarpodom jana nada tarsunggul-tarsunggul be.

JEREMIA 51:57

BaenonKu ma mabuk angka parkuaso ni Babel – angka hatobangon, pamimpin, dohot tentara, lopus tarpodom halahi salolot-lolotna. Madung Hudok hatana; Au ma da Raja, Au do Tuhan Na Markuaso.

DANIEL 5:1

Sanoli diontang Raja Belsasar ma saribu halak angka na godang-godang anso ro mandohoti pestania na marlobi-lobi, dohot na minum-minum anggur.

DANIEL 5:30

Laing di borngin i, hona bunu ma si Belsasar raja ni Babel i.

DANIEL 5:5

Laing di hatiha i tarida ma jari-jari ni jolma na manyuratkon sisuratonna di dingding ni bagas godang i, di inganan na tumorang hona sinondang ni lampu, gabe tangkas ma i diida raja i.

NAHUM 1:10

Angke halahi pe angkon mago songon duri na marsijalin-jalinan, abis matutung songon durame na mahiang.

PANGARATAION 28:67

Gumadobuk ma taroktokmunu hara ni biar marnida sanga aha. Manyogot dope hurang tibu ro borngin, jana muda borngin-borngin intean ho di arian.

PANGARATAION 32:11

Songon halihi na mangajar anakna habang, ditarehon habongna anso ulang madabu. Songon i do Tuhan manjagahon Israel, anso ulang madabu.