JESAYA 20:5 - BIBEL JAMITA NA DENGGAN

⁵ Tarhirim jana agoan arop ni roha ma sanga ise halak na mangasahon Sudan dohot na manggodangkon Mesir.

JESAYA 20:5 ပူးပေါင်းရင်းမြစ်များ

2 RAJA-RAJA 18:21

Dipangasahon ho ma hape Mesir, tudos tu na martungkotkon arung do i; maponggol ma tungkotmi, hona susuk muse ma tanganmi. Songon i ma halak Mesir di sude halak na mararop roha tusi.’ ”

JESAYA 2:22

Antong, ulang be da mararop roha hamu tu jolma na pasti mate, harana nada mararga i.

JESAYA 30:3

Hape pabilehon halahi do parlindungan ni Parao, jana parlinggoman na nipainte-inte i sian Mesir marujung tu hasusaan sajo do.

JESAYA 30:5

gabe hahaila noma i di bangso Juda hara ni na dung marpos ni roha halahi tu bangso na so tarpangasahon i. Nada pangurupion na dapot halahi, tapi tilako do.”

JESAYA 30:7

Parcuma do pangurupi ni Mesir. Hara ni i gabe Hubaen ma panggoar-goari ni Mesir, ‘Naga na so sihabiaran.’ ”

JESAYA 31:1

Marjaya ma halak na kehe tu Mesir laho mangido pangurupion. Dipangasahon halahi do hagogoan ni tentara ni Mesir, dohot parangan na manengget kudo dohot kudonia na gogo i songon i karetana na bahat i. Hape nada porsaya halahi tu Tuhan, Debata Na Badia ni Israel sanga pe mangido pangurupionNia.

JESAYA 36:6

Pangurupi ni Mesir do diarop rohamu. Anggo i do, tudos tu na martungkotkon arung do i; – maponggol do i naron gabe susuk tu tanganmi. Songon i do raja Mesir di sude halak na mararop ni roha tusia.’ ”

JESAYA 36:9

Mangadopi perwira partoru pe sian tentara ni Asur nada tumbuk dope hamu alo ni i. Hape haru songon i laing mararop roha dope hamu tu Mesir manongos bantuan kareta porang dohot tentara na markudo!

JESAYA 37:9

Madung lalu barita tu halak Asur na ro parangan ni Mesir na niuluhon ni si Tirhaka raja ni Sudan laho manyerang halahi. Umbege i, ditongos raja Asur ma surat tu si Hiskia

JEREMIA 17:5

Didok Tuhan do, “Muda ditadingkon halak Au, Tuhanna, jana marpos ni roha tu jolma jana marpangunsandean tu hagogoonna, jadi gabe uhumonKu ma ia.

JEREMIA 46:25

Didok Tuhan Na Markuaso i, Debata ni Israel, “Uhumanku ma Amon, debata na sian Tebe, rap dohot Mesir sudena maradu angka debatana dohot raja-rajana. Raja ni Mesir dohot sude na mangasahon ia

JEHESKIEL 29:16

Nada be mangido pangurupion Israel tu hamu. Taringot ma Israel paida-ida bagianmu, ale bangso Mesir, sanga songon dia liluna mangasahon Mesir, songon na dung unjung dibaensa. Jadi gabe botoon ni Israel ma, Au do Tuhan Debata.”

NAHUM 3:9

Etiopia ma hagogoanna, dohot Mesir na so marbatas: Put dohot Libia i ma gabe panolongna.

ZEPANYA 2:12

Pangisi ni Etiopia pe mate noma uhuman ni Tuhan.

1 KORINTUS 3:21

Antong anggo songon i, ulang ma adong sanga ise na marmogahon dirina maradopkon jolma, angke madung dilehen sasudena gabe hamu puna: