JESAYA 20:3 - BIBEL JAMITA NA DENGGAN

³ Dompak hona hobuk kota Asdod, didok Tuhan ma, “Madung tolu taon marsae mara jana nada marsolop naposongKu si Jesaya. On ma tanda ni na giot tarjadi tu Mesir dohot Sudan.

JESAYA 20:3 ပူးပေါင်းရင်းမြစ်များ

JESAYA 19:4

PasahatonKu ma Mesir tu tangan ni sada raja na jungkat na giot mamarenta halahi mamake hakejamon. Au Tuhan Na Markuaso do mandok i.”

JESAYA 37:9

Madung lalu barita tu halak Asur na ro parangan ni Mesir na niuluhon ni si Tirhaka raja ni Sudan laho manyerang halahi. Umbege i, ditongos raja Asur ma surat tu si Hiskia

JESAYA 43:3

Angke Au do Tuhan, Debatamu. Debata Na Badia ni Israel, Sipaluamu. Hulehen Mesir gabe partobusmu, Sudan dohot Seba baen gontimu.

JESAYA 8:18

On ma da au rap dohot angka dakdanak na nipasahat ni Tuhan tu au. Tuhan Na Markuaso i na mamarenta di Dolok Sion, Ia do na marsuru hami gabe angka saksi na mangolu tu halak Israel.

JEREMIA 13:1

Disuru Tuhan ma au manobusi bobat abit sian linen jana anso hupake i; tapi nada tola sornomkononku i tu aek.

JEHESKIEL 30:4

Ro ma arsak godang mandondoni Etiopia. Di Mesir giot masa ma parporangan. Maragean ma angka haul; sude luat i dirampas jana dibaen marsegoan.

JEHESKIEL 30:6

Didok Tuhan Debata i ma, “Sian Migdol di Utara lalu tu Siene di Selatan, marmatean ma sude dongan ni Mesir di parporangan. Au Tuhan Debata i madung mandok songon i.

JEHESKIEL 4:1

Didok Debata ma, “Ale jolma parsantongkinan, buat ma sada batu bata, payakkon ma i di jolomu jana gurat ma di ginjangna i gambaran ni Jerusalem.

JEHESKIEL 4:3

Buat ma panci bosi jana etong ma i tarsongon sada dinding bosi; payakkon ma panci i di antaramu dohot kota Jerusalem. Dung i paadop ma tu kota i, songon na ho sandiri ma na manghobuk kota i. Songon tanda do i di bangso Israel.

ZEPANYA 2:12

Pangisi ni Etiopia pe mate noma uhuman ni Tuhan.

ZAKARIA 3:8

Tangihon ma, ale Malim Godang Josua, dohot hamu ale angka malim na asing, hamu ma da na songon gambaran ni hatiha hasonangan na giot ro. PatidahononKu ma di hatiha i naposongKu i ma Sada Tunas.

BILANGAN 14:34

Angkon taononmu ma panginona ni dosamunu opat pulu taon lolotna, sataon gonti ni sadari sian na opat pulu ari hamu mangaliati tano i. Botoonmunu sanga na bia daina, muda Au mangalo hamu!