JESAYA 20:1 - BIBEL JAMITA NA DENGGAN

¹ Domu tu parenta ni si Sargon raja ni Asur, diroro panglima ni tentara Asur ma mamorangi Asdod, sada kota ni Pilistin.

JESAYA 20:1 ပူးပေါင်းရင်းမြစ်များ

2 RAJA-RAJA 18:17

Tapi laing disuru raja Asur dope sian Lakis sada pasukan sibahat-bahat laho mamorangi Jerusalem. Pasukan i na nipimpin ni tolu halak soridadu, i ma panglima parhobas ni siinumon dohot kapala pangawal ni raja. Lalu ma halahi tu kota i jana diingani halahi ma dalan na margoar Ladang Panyucian di lambung ni undung-undung hapuasan ni aek na sian tobat parginjang.

2 JUJUR TAON 26:6

Marporang ma si Usia mangalo halak Pilistin. Ditolbak ia ma angka tembok ni kota Gat, Jabne dohot Asdod lalu dipajongjong ia ma angka kota na marbenteng di lambung ni Asdod dohot di luat na asing di Pilistin.

JESAYA 14:31

Martangisan ma hamu, jana marsurahi mangido tolong, hamu ale angka kota ni Pilistin! Humitir ma hamu sugari nian mabiar! Marbual-bual do abuan sian Utara tanda ni haroro ni tentara na garang-garang; nada adong sahalak pe sian halahi parbiar.

AMOS 1:8

PangabisonKu ma angka parkuaso na di Asdod dohot Askelon. UhumanKu kota Ekron, jana marmatean ma sude halak Pilistin na teba i.”

JOSUA 11:22

Umpe sahalak sian bangso Anaki i na tinggal di Luat Israel; tapi anggo di Gasa, di Gat dohot di Asdod laing adong dope na tinggal piga-piga halak nari.

1 SAMUEL 5:1

Dung dirampas halak Pilistin Poti Parjanjian ni Debata, dioban halahi ma i sian Eben-Haeser tu kota ni halahi, di Asdod.

1 SAMUEL 6:17

Marhite na songon i madung ditongos halak Pilistin haul panobus dosa tu Tuhan di halak na mangingani kota na lima na niparenta ni raja Pilistin na lima i. I ma angka kota: Asdod, Gasa, Askelon, Gat dohot Ekron.