JESAYA 2:8 - BIBEL JAMITA NA DENGGAN

⁸ Sanga na di dia sap gana-ganaan, jana marsomba tu angka patung na nipauli ni tanganna sandiri do halahi.

JESAYA 2:8 ပူးပေါင်းရင်းမြစ်များ

2 RAJA-RAJA 17:10

Ganop di puncut ni dolok, dohot di toru ni hayu na rumbun dipajongjong halahi do tugu ni debata sileban dohot gana-ganaan ni debata boru-boru Asera.

2 RAJA-RAJA 17:16

Dilaosi halahi do sude Tona Ni Tuhan, Debata ni halahi jana dibaen halahi do dua lombu logam sisombaon ni halahi. Dibaen halahi ma gana-ganaan ni Debata Asera, disomba halahi angka binatang jana marsomba halahi tu Debata Baal.

2 JUJUR TAON 27:2

Dipatupa ia do na pasonangkon roha ni Tuhan, mangihutkon tiruan ni amangnia. Hum on tutu, nada manutung dupa ia di Bagas Ni Debata songon na nibaen ni amangnia i. Tapi haru songon i pe, laing dipupu rayat i do na mardosa.

JESAYA 17:8

Indada be mararop ni roha halahi tu suha ni parkarejoan ni halahi sandiri, i ma angka langgatan inganan panutungan ni dupa, dohot angka patung ni debata boru-boru Asera.

JESAYA 26:13

Ale Tuhan Debatanami! Madung bahat na unjung mangarajai hami; tapi hum Ho sajo do sioloannami.

JESAYA 37:19

Ditutungi jana ditapori halahi angka debatana, dibaen nada i Debata. Hum patung na nibaen sian hayu dohot batu sajo do i antong na nibaen ni tangan ni jolma; hara ni i do umbaen na bisa disegoi jolma.

JESAYA 40:19

Nada sarupa Ia dohot patung na nibaen ni jolma, na marlampis sere dohot perak baen ojahanna.

JESAYA 41:29

Hamu sude nada adong gunana, nada margogo mambaen sanga aha. Patung sajo do hamu na nituang ni tangan ni jolma, gale jana nada margogo.”

JESAYA 57:5

Ale angka halak na matutung dibaen hagiot ni daging donok tu angka hayu parbeguan, ditoru ni hayu na rimbun, ale angka halak na manyambol dakdanak di rura-rura, di bagasan holang-holang ni dolok batu.

JEREMIA 1:16

UhumanKu ma bangsongKi patunda ni na mardosa halahi jana dihudukkon halahi Au. Dihaulkon halahi do antong haul tu angka debata na asing, jana dipambaeni halahi patung lalu disomba halahi.

JEREMIA 11:13

Sun do bahatna debata ni halak Juda, sarupa dohot bahat ni kota ni halahi. Madung dipajongjong halak Jerusalem angka langgatan sabahat ni angka dalan di kota Jerusalem, i ma parhaulan ni haul tu Debata Baal sihagigian i.

JEREMIA 2:28

Di dia ma he angka debatamunu na nipaturemunu i? Muda masa hasusaan suruhon ma halahi paluahon hamu, anggo tarbaensa do! O ale Juda, bahat ni angka debatamu sabahat ni angka kotamu!

HOSEA 12:11

Madung manghobari Au tu angka panurirang, jana Hulehen bahat parnidaan tu halahi. Marhite sian halahi Hulehen do sipaingot tu hamu, bangsongKu

HOSEA 13:2

Lopus saonnari laing torus dope mardosa angka halak Efraim i; dipambaeni halahi do angka patung sian perak na nirangrangan ni akal ni jolma jana na nigana ni tangan ni jolma lalu disomba ma i. Didok halahi, “Pelehon ma haul tu angka patung on!” Padiar ma diummai jolma i angka anak ni lombu i!

HOSEA 14:3

Mulak ma hamu tu Tuhan jana palalu hamu ma tangiang on gabe songon haul tuSia, “Tuhan, sesa ma sude dosanami jana jagit ma tangiangnami on, gabe pujionnami ma Ho laing songon na dung hami janjihon i.

HOSEA 8:6

Lombu sere na di Samaria i karejo ni tangan ni angka na pande do i di Israel! Nada Debata na nisomba ni halahi i, jadi angkon taporhonon do i!

MIKA 5:12

RopuhonKu angka patungmu dohot angka tugu pameleanmu; nada be sombaonmunu angka barang-barang na nibaen ni tanganmu sandiri.

BAENON NI ANGKA RASUL 17:16

Di na painte-intehon si Silas dohot si Timoteus si Paulus di Atena, marsak ma rohania mida kota i hara ni gokna disi angka gana-ganaan.

PANGARATAION 4:28

Marsomba tu angka debata na nibaen ni tangan ni jolma ma hamu disi, tu angka debata na sian hayu dohot batu, na so marnida sanga marbinege, na so tarbaen mangan sanga marnianggo.

HALUMBAAN 9:20

Hape laing so ra dope jolma na so hona bunu i pauba rohana sian sasude na nibaen ni halahi sandiri. Laing na so mantak do halahi marsomba tu angka begu dohot tu angka gana-ganaan sere, perak, tumbaga, batu dohot hayu na so marnida sanga marbinege, sanga pe mardalan.