JESAYA 2:2 - BIBEL JAMITA NA DENGGAN

² Angkon tarjadi ma di angka ari na parpudi, dolok inganan ni Bagas Ni Tuhan angkon jongjong di julu ni angka dolok jana tardas di ginjang ni angka dolok marudur ma tu si angka bangso.

JESAYA 2:2 ပူးပေါင်းရင်းမြစ်များ

PAMUNGKAAN 49:1

Dung i dipiohon si Jakob ma angka dakdanaknia i, didok ia ma, “Marlagut ma hamu tu lambungkon, anso hupaboa tu hamu sanga aha na giot masa tu hamu di pudian ni ari.

JOB 19:25

Huboto do anggo di banua ginjang, adong disi pangondianku; di ujungna ro Ia manolong au.

MASMUR 102:23

Dibuat Tuhan gogongku dompak di haposoonku, madung dipapendek Ia umurku.

MASMUR 2:8

Pangido ma, gabe sandok bangso ma lehenonKu, lopus sude portibi on gabe nampunamu.

MASMUR 22:27

Ingoton ni sude bangso ma Tuhan, sian desa na walu halahi marroan, sude horong ni bangso mulak ma tuSia, lalu marsomba tuSia.

MASMUR 22:28

Angke Tuhan do raja na markuaso, Ia do mamarenta angka bangso.

MASMUR 48:2

Sion, dolok ni Debata na jeges jana gincat marsijongjong, kota ni Raja Godang hajopan ni roha ni sude portibi on.

MASMUR 68:17

Mardongan angka kareta na togu, bahatna marpulu ribu, ro ma Tuhan sian Sinai tu ingananNa Na Badia i.

MASMUR 72:8

Sian laut tu laut mur mabidang ma harajaanna sian Batang aek Efrat lalu tu ujung ni portibi.

MASMUR 86:9

Ale Tuhan, giot marroan sandok bangso na nijadihonMu, laho marsomba Ho jana mamuji hagodanganMu.

MASMUR 87:1

Di ginjang ni dolok na badia adong kota na dipajongjongNia.

MASMUR 87:2

Sian sasude kota na diingani ni si Jakob Sion do na umbahat dihaholongi Tuhan.

JESAYA 11:10

Dapot do hatihana, ro sada raja pomparan ni si Daud na gabe pamusatan ni roha ni angka bangso. Marlagut ma halahi di kota ni harajaan jana mangalehen sangap tusia.

JESAYA 25:6

Di Dolok Sion, dihobasi Tuhan Na Markuaso i ma pesta di sude bangso na di tano on. Rade ma dibaen angka sipanganon na tumabo dohot anggur pilian.

JESAYA 27:13

Paluon ma di hatiha i sarune laho marpio sude halak Israel na hona buang di Asur dohot di Mesir. Ro ma halahi tu Jerusalem marsomba tu Tuhan di dolokNa na badia.

JESAYA 30:29

Tapi anggo hamu, marjop ni roha jana marendei ma hamu songon na masa di borngin ni pesta ugamo. Marmoga-moga ma hamu songon halak na ribur mardalan didongani sora ni suling laho manaek tu dolok ni Tuhan, na mangondihon Israel.

JESAYA 49:6

“Pamenek tu ma ho muda hum gabe naposongKu, laho pajongjongkon marga-marga ni Jakob, laho paulakkon halak Israel na tading i. Tapi baenonKu ma ho gabe sinondang di angka bangso anso haluaan na sian Au lalu tu ujung ni tano on.”

JESAYA 56:5

LehenonKu ma tu halahi di bagasan bagasKu, dohot di bagasan tembok-tembok ni ingananKu sada tanda parningotan dohot goar. Dumenggan dope i sian halaklahi dohot dadaboru. LehenonKu ma sada goar na manongtong tu halahi.”

JESAYA 56:7

“BoanonKu ma hamu tu dolokKu na badia i, lehenonKu jop ni roha di hamu di bagas paribadatanKu. JagitonKu angka haul na nihaulkonmunu di langgatanKu. Goaran ma bagasKu bagas partangiangan ni sandok bangso.”

JESAYA 60:3

Marroan ma angka bangso tu hatiuranmu, tartarik ma angka raja hara ni habibincarmu na imbaru.

JESAYA 65:11

Tapi nada songon i anggo bagian ni angka halak na manadingkon Au, na so parduli di Sion, dolokKu na badia i, boti na marsomba tu Gad dohot Meni, i ma angka debata pardoharan dohot nasib.

JESAYA 66:20

Sian angka luat i obanon ni halahi ma mulak angka kahanggimu sabangso songon silua di Au. Obanon ni halahi ma angka jolma i tu dolokKu na Badia di Jerusalem mangalombut kudo, halode dohot unto, dohot na markareta maradu dohot na marpadati; songon na somal halak Israel maroban tu Bagas Ni Tuhan haul gandum di bagasan inganananna na ias.

JESAYA 66:23

Ganop Bulan Na Imbaru, ganop Ari Sabat, marroan ma angka jolma sian ganop bangso mardongan sangap, laho manyomba Au di Jerusalem on.

JEREMIA 16:19

O Tuhan, Ho do na mangondihon au dohot na margogoihon au; diurupi Ho do au taran di hagogotan. Marroan ma angka bangso sian ujung ni tano on tu Ho jana dokkononna ma, “Hum debata na so tutu jana na so marguna do debata ni ompunami.

JEREMIA 23:20

Nada ra mombun hamumurukNia i salolot so abis sude mardalan na disangkaphonNia. Di pudian ni ari muse botoon ni bangso ni Tuhan do torang taringot tusi.

JEREMIA 26:18

“Taran si Hiskia raja di Juda dipalalu Panurirang Mika na sian Moreset do hata on sian Tuhan Na Markuaso i, ‘Ombahon ma Sion songon ladang, Jerusalem gabe timbunan ni na marsegoan jana Dolok Ni Bagas Ni Debata gabe harangan.’

JEREMIA 3:17

Goaron ma Jerusalem di hatiha i ‘Habangsa ni Tuhan’, jana marlagut ma di kota on sandok bangso laho manyomba Au. Nada be ihutkonon ni halahi giot-giot ni roha ni halahi na oto bope na jat i.

JEREMIA 31:12

Marroan ma halahi tu Dolok Sion jana marende disi marjop ni roha, hara ni sude na Hulehen tu halahi: gandum, miak, anggur dohot biri-biri. Tudos ma halahi tu kobun na tuk aekna, jana na so hurangan di bagi aha.

JEREMIA 48:47

Tapi di pudian ni ari, pasuangon ni Tuhan do pangalaho ni Luat Moab i.” I ma na nidok ni Tuhan taringot tu na giot masa tu Moab.

JEREMIA 49:39

Tapi di pudian ni ari pasuangonKu do mangulahi pangalaho ni halahi. Au Tuhan, madung mandok songon i.”

JEREMIA 51:44

Bel, debata ni tano Babel, giot uhumonKu. Giot baenonKu paulahonnia sanga aha na nirampasnia. Nada be sombaon ni angka bangso ia. Madung marumpak angka tembok ni Babel.

JEHESKIEL 38:16

Songon halingsungsung na manondong portibi on. Muda dung dapot hatihana, tongosonKu ma ho laho mambuat tanongKi. Marhite na Hubaen i di na Hupake ho ale Gog, botoon ni angka bangso ma sanga ise do Au, i ma Debata Na Badia.

JEHESKIEL 40:2

Di sada parnidaan, dioban Debata ma au tu Jerusalem jana dibaen ma au di dolok na gincat. Adong ma huida di jolongku saluhutan bangunan na tudos tu sada kota.

DANIEL 10:14

Ro do au laho mambaen ho mangastui sanga aha na giot tarjadi sanoli on di bangsomu. Taringot tu hatiha na giot ro do parnidaan on.”

DANIEL 2:28

Tapi adong do di banua ginjang Debata na mambuka sude rahasia, jana madung dipaboa Ia tu raja i sanga aha na giot tarjadi tu pudi on. Jadi on ma nipi ni raja i dohot astuanna:

DANIEL 2:35

jana maropuk ma bosi, tano liat, tumbaga, perak dohot sere i songon abu di pardegean ni gandum taran di logo ni ari. Marhabangan ma abu na i diombus angin, lopus nada adong be partinggalna. Tapi anggo batu na godang na mangunggalkon patung i gabe sagodang ni dolok jana gabe digohi ma tano on.

DANIEL 2:45

Nada he diida raja i do sada batu na magulang sian dolok-dolok i haru pe nada adong halak na mandabuhonsa, lalu manondong dohot mangaropuk patung na sian bosi, tumbaga, tano liat, perak dohot sere i? Didok Debata na sun godang i do tu raja i sanga aha muse na giot masa tu pudi on. Madung hupaboa nipi ni raja i na satutuna jana hupatorang astuanna na sasintongna.”

HOSEA 3:5

Tapi ro do i hatihana mulak bangso Israel tu Tuhan Debata ni halahi dohot tu raja ni halahi na sian pomparan ni si Daud. Jadi gabe mabiar ma halahi jana marhabiaran tu Tuhan boti jagiton ni halahi ma angka pasupasuNa.

ZAKARIA 14:10

Sandok luat mamungka sian Geba di Utara lopus tu Rimon di Selatan, gabe napa ma sudena i. Tapi anggo Jerusalem marsijongjong ma i diginjang adu i, gumincat sian tano na humaliang i; mabidang ma kota i mamungka sian Pintu Horbangan Benyamin lopus tu Pintu Horbangan Suhi-suhi, i ma inganan ni Pintu Horbangan na jolo dohot sian Menara Hananael lopus tu inganan pamoroan ni anggur nampuna ni raja i.

ZAKARIA 14:9

Jadi mamarenta ma Tuhan gabe raja di sandok portibi on; sombaon ni ganop jolma ma Ia songon Debatana jana tandaon ni halahi ma Ia di bagasan goar na sarupa.

ZAKARIA 8:22

Jadi marroan ma bahat halak dohot bangso na gogo tu Jerusalem laho marsomba tu Au Tuhan Na Markuaso jana pangidoonna ma pasupasu sian Au.

ZAKARIA 8:3

Songon on do hata ni Tuhan Na Markuaso i, “Mulak noma Au tu Jerusalem tu kotangKu na badia i, jana maringanan ma Au disi. Tarbarita ma Jerusalem songon kota na tigor jana goaron ma Dolok Ni Tuhan Na Markuaso i, Dolok Na Badia.”

MALEAKI 3:12

Jadi dokkonon ni sandok bangso ma hamu na martua, angke gabe tano siinganan na denggan do tanomunu.”

BILANGAN 24:14

Didok si Bileam ma tu si Balak, “Mulak ma au saonnari tu bangsongku. Tapi taran so kehe au, giot dohononku siingotonmu sanga aha na giot baenon ni halak Israel tu bangsomu di pudian ni ari.”

BAENON NI ANGKA RASUL 2:17

Tulus ma di angka ari na parpudi, ninna Debata, usehononKu ma tondingKu tu sude jolma. Jadi manyurirangi ma angka anak dohot borumunu, maruli parnidaan ma angka naposo bulungmunu, marnipi ma angka simatobangmunu.

2 TIMOTEUS 3:1

Angkon ingotonmu do on: Saulahon di angka ari na parpudi marroan ma bahat hasusaan.

IBRANI 1:2

Tapi di hatiha na parpudi on madung mangkatai Ia tu hita markite-hite AnakNia, na dung ditontuhon do Ia gabe sipanean ni sasude na adong. Marhite Ia madung ditompa Debata hasiangan on.

2 PETRUS 3:3

Parjolo angkon diboto hamu, di ari na parpudi marroan ma angka jolma na mardalan mangihutkon giot-giot ni rohana sandiri. Incahan ni halahi ma hamu

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”

HALUMBAAN 20:4

Dung i huida ma angka habangsa dohot angka halak na juguk di habangsa i; dilehen ma kuaso tu halahi laho mandabu uhuman. Huida muse dope angka tondi ni halak na hona ponggol uluna hara ni hasaksian taringot tu Jesus dohot hara ni hata ni Debata. Halak on ma na so jungada ra manyomba binatang i bope patungna i. Tanda ni binatang i pe nada jungada dijagit halahi di bohi sanga pe di tangan ni halahi. Gabe mangolu ma halahi mangulahi jana mamarenta ma halahi songon raja rap dohot Kristus di na saribu taon i.