JESAYA 19:4 - BIBEL JAMITA NA DENGGAN

⁴ PasahatonKu ma Mesir tu tangan ni sada raja na jungkat na giot mamarenta halahi mamake hakejamon. Au Tuhan Na Markuaso do mandok i.”

JESAYA 19:4 ပူးပေါင်းရင်းမြစ်များ

MASMUR 31:8

Nada dipadiar Ho au ditangkup musungku, tapi dijagohon Ho do au gabe sonang.

JESAYA 19:2

Didok Tuhan, “PamasaonKu ma na marsiporangan di Mesir. Marsibunuan ma na sada tu na asing angka na markahamaranggi, jana na pahombar tu hombarna. Angka kota na maralo, marsiporangan noma jana angka raja-rajana marsibunuan, marsirampasan kuaso ma.

JESAYA 20:3

Dompak hona hobuk kota Asdod, didok Tuhan ma, “Madung tolu taon marsae mara jana nada marsolop naposongKu si Jesaya. On ma tanda ni na giot tarjadi tu Mesir dohot Sudan.

JESAYA 20:4

Tabanon ni raja Asur ma angka jolma sian luat na dua i jana na giot iringon ma halahi marsae mara. Na tobang dohot na poso, mardalan ma sudena i so marpakean dohot na so marsolop, tarida pantatna i, laho palayaskon Mesir.

JEREMIA 46:26

pasahatonKu ma i tu si Nebukadnesar raja ni Babel dohot tu tentarana na giot mamatehon halahi. Tapi inganan ni halak do Mesir muse songon di hatiha na salpu. Au Tuhan, madung mandok songon i.”

JEHESKIEL 29:19

Hara ni i, Au Tuhan Debata mandok: LehenonKu ma tano Mesir tu Raja Nebukadnesar. Samunon jana rampasonnia ma lalu obanonna sude sinadongan ni Mesir baen upa ni tentarania i.

JEHESKIEL 30:12

PahiangonKu ma Batang aek Nil jana pasahatonKu ma Mesir sudena tu angka halak parjahat. SuruhononKu ma angka halak sileban mangabisi sude luat i. Au Tuhan, madung mandok songon i.”

NAHUM 3:10

Haru songon i pe, laing dioban do Tebe tu habuangan. Di sude sirpang ni dalan dibalbali do angka anakna lopus marmatean. Angka halak na godang na disi, ditambat dohot rante jana dibagi-bagi angka na manangkup i.

1 SAMUEL 23:7

Dung dipaboa tu si Saul na di Kehila si Daud, ning rohania ma, “Ma dipasahat Debata si Daud tu au. Ma hona jorat ia di na masuk ia tu kota na martembok jana na marpintu horbangan i.”