JESAYA 18:7 - BIBEL JAMITA NA DENGGAN

⁷ Dapot do i hatihana, pasahaton ma angka silua somba-somba tu Tuhan Na Markuaso i sian luat na nibolus ni angka batang aek i, sian bangsona na gogo jana na markuaso i, sian angka halakna na ginjang godang jana na marhuling-huling na halus boti na nihabiaran di sude portibi on. Marroan ma halahi tu Dolok Sion, tu inganan parsombaan tu Tuhan Na Markuaso i.

JESAYA 18:7 ပူးပေါင်းရင်းမြစ်များ

2 JUJUR TAON 32:23

Bahat do halak marroan tu Jerusalem maroban haul tu Tuhan dohot angka hadiah di si Hiskia, jadi mamungka sian i gabe dipasangap sandok bangso ma ia.

MASMUR 68:32

Marende ma di Debata, o hamu sude harajaan, endehon ma puji-pujian di Tuhan,

JESAYA 16:1

Sian kota Sela na di parhorsihan, ditongos halak Moab ma anak ni biri-biri na gabe silehen-lehen ni halahi tu angka na markuaso di Jerusalem.

JESAYA 18:2

Marroan ma angka suruan sian luat i mamolus sian Batang aek Nil mamake angka parau pandan. Hamu ale angka suruan na lingkas-lingkas, ompoti hamu ma mulak tu tanomunu na nibolus ni angka batang aek i. Palalu hamu ma sada tona tu bangsomunu na gogo jana na barani i, angka na ginjang na godang boti parhuling-huling na halus jana sihabiaran di na satano on.

JESAYA 18:4

“Pohom do Au mangaligi sian ingananKu, nada marsora songon nambur di hatiha logo ni ari di sabion, songon pangkohom ni mataniari di arian.

JESAYA 45:14

Ninna Tuhan ma tu Israel: “Buat ma di ho arta ni Mesir dohot Sudan. Angka halak Seba na tongam i gabe hatoban, mardalan di pudimu halahi marrante-rante. Marsomba ma halahi, lalu dokkononna, ‘Debata mandongani ho; hum Ia do tutu Debata!

MIKA 4:13

Didok Tuhan do, “Ale halak Jerusalem, kehe ma hamu manguhumi angka musumunu! BaenonKu ma hamu margogo songon lombu na martanduk bosi jana marsisilon tumbaga. Ropuhonmunu ma bahat bangso jana sinadonganna i na dapot songon barang rampasan haulkononmunu ma i tu Au, Tuhan ni sandok tano on.”

HABAKUK 1:7

Jorbut jana sihabiaran do bangso i, hasintongan dohot habonggalon ia do na manontuhon.

ZEPANYA 3:10

Salang sian Kasdim na dao i pe marroan ma angka bangsongKu na marserak i jana haulkononna haul tu Au.

MALEAKI 1:11

Dipasangap angka bangso na di tano on do Au sudena. Sanga na di dia ditutung halahi do dupa laho pasangapkon Au jana dihaulkon halahi do angka haul na patut tu Au. Olo! sude do halahi pasangapkon Au!”

MATEUS 2:11

Masuk ma halahi tu bara i, diida halahi ma Dakdanak i dohot si Maria inangNia i. Dung i dibuat halahi ma panyimpanan ni silua ni halahi, marsomba ma halahi pasahatkon silua, angka sere, hamonyan dohot miak na huskus.