JESAYA 18:2 - BIBEL JAMITA NA DENGGAN

² Marroan ma angka suruan sian luat i mamolus sian Batang aek Nil mamake angka parau pandan. Hamu ale angka suruan na lingkas-lingkas, ompoti hamu ma mulak tu tanomunu na nibolus ni angka batang aek i. Palalu hamu ma sada tona tu bangsomunu na gogo jana na barani i, angka na ginjang na godang boti parhuling-huling na halus jana sihabiaran di na satano on.

JESAYA 18:2 ပူးပေါင်းရင်းမြစ်များ

2 JUJUR TAON 14:9

Sanoli di sada hatiha ro ma sada halak Sudan na margoar si Zerah mamorangi Juda mardongan sajuta parajurit dohot tolu ratus kareta porang. Maju ma halahi lalu tu Maresa.

2 JUJUR TAON 16:8

Nada he lakna martentara na bahat Sudan dohot Libia mardongan kareta porang dohot tentara na markudo bage? Haru pe songon i dilehen Tuhan do hamonangan di ho maradopkon halahi, dibaen marpangunsandean ho tuSia.

JOB 9:26

Songon parau na manjurur, manigor salpu ngoluniba, sahipas ni halihi na manungki, na manyoro soroanna.

HARURUAR 2:3

Dung mur lolot nada tarbunihon ia be. Gabe dibuat ia ma karanjang na nibayu sian galoga, dilapis ia ma i dohot ter anso tahan tu aek. Dipamasuk ia ma dakdanak i tu bagasan karanjang i, lalu dioban tu batang aek, jana dipayakkon ia ma tu galoga na di topi ni batang aek i.

JESAYA 18:7

Dapot do i hatihana, pasahaton ma angka silua somba-somba tu Tuhan Na Markuaso i sian luat na nibolus ni angka batang aek i, sian bangsona na gogo jana na markuaso i, sian angka halakna na ginjang godang jana na marhuling-huling na halus boti na nihabiaran di sude portibi on. Marroan ma halahi tu Dolok Sion, tu inganan parsombaan tu Tuhan Na Markuaso i.

JEREMIA 49:14

Au si Jeremia, hudok ma, “Ale Edom, madung hujagit sada barita sian Tuhan. Madung disuru utusan tu angka bangso laho marsuru halahi palagutkon tentara lalu marhobas laho mamorangi ho.

JEHESKIEL 30:9

“Muda dung dapot ari i, jana madung maronco Mesir, tongosonku ma angka utusan marhite angka kapal laho manyonggot halak Etiopia na topet lalap i, jadi gabe bajoaraon ma halahi. Ligi da, tutu do angkon ro ari i!”

OBAJA 1:1

On ma parnidaan ni si Obaja; dipalalu ia do tona ni Tuhan Na Gumincat i taringot tu bangso Edom: Ditongos Tuhan ma angka suruanNa tu angka bangso, jana hubege do tona na niobanna i, “Markobas ma hamu marporang! Beta ma hita mamorangi Edom.”

HABAKUK 1:7

Jorbut jana sihabiaran do bangso i, hasintongan dohot habonggalon ia do na manontuhon.

LUKAS 10:19

Ingot hamu ma! Madung dijagit hamu kuaso sian Au laho mandegei ulok dohot hala, songon i muse kuaso laho manaluhon sude kuaso ni musu. Jana umpe sada na tarbaen mangkahua hamu.