JESAYA 17:8 - BIBEL JAMITA NA DENGGAN

⁸ Indada be mararop ni roha halahi tu suha ni parkarejoan ni halahi sandiri, i ma angka langgatan inganan panutungan ni dupa, dohot angka patung ni debata boru-boru Asera.

JESAYA 17:8 ပူးပေါင်းရင်းမြစ်များ

2 SAMUEL 22:42

Marsurak halahi, hape soada na manolong. Pio-pio tu Tuhan, hape laing manghohom Ia.

2 JUJUR TAON 14:5

Sude inganan pamelean ni gana-ganaan dohot inganan panutungan ni dupa dipaorot ia do sian angka kota ni Juda. Jadi gabe sonang ma harajaan i di hatiha ia mamarenta,

2 JUJUR TAON 31:1

Dung sidung pesta i, kehe ma sude rayat i tu ganop kota na di Juda, lalu diropuk halahi ma angka tugu ni gana-ganaan, diparumpakkon halahi ma angka patung na dipajongjong di Debata Asera jana diabiskon ma angka langgatan maradu angka inganan pamelean tu gana-ganaan. Laing dibaen halahi ma songon i di angka kota na asing di Juda dohot di Luat Benyamin, Efraim dohot Manase. Dung i marmulahan ma halahi sude tu ingananna be.

2 JUJUR TAON 34:4

Diropuk-ropuk anak bua ni si Josia i ma angka patung dohot gana-ganaan i lalu diambungkon ma abuanna i tu ginjang ni kuburan ni angka jolma na mangahaulkon haul tu angka gana-ganaan i. Diparrumpakkon halahi ma angka langgatan ni Baal dohot angka langgatan pardupaan na adong disi.

HARURUAR 34:13

Sabalikna do, angkon rumpakkononmunu angka langgatan ni halahi angka tugu ni gana-ganaan ni halahi be tabaonmunu do.

JESAYA 1:29

Manyosal noma hamu hara ni na dung jungada hamu marsomba parhayu dohot na paradehon angka kobun gabe hapunjungan ni angka debata.

JESAYA 10:20

Dapot ma hatihana, bangso Israel na teba i nada be marguru tu bangso na markuaso na giot mangago halahi, tapi tu Tuhan, Debata Na Badia ni Israel noma.

JESAYA 17:9

Di ari i, gabe ropuk-ropuk jana mamolngit ma angka kota na togu partahananna, songon kota na nitadingkon ni halak Hewi dohot Amori di na maporus halahi sian halak Israel.

JESAYA 2:8

Sanga na di dia sap gana-ganaan, jana marsomba tu angka patung na nipauli ni tanganna sandiri do halahi.

JESAYA 27:9

Tapi anggo dosa ni Israel hum sada do dalanna anso tarsesa i, i ma muda digiling lamot songon soda angka langgatan parsombaan tu angka debata. Sandok panutungan ni hamonyan dohot tiang gana-ganaan Debata Asera angkon nisarsarkon muse.

JESAYA 30:22

Ambungkononmunu ma angka patung ni gana-ganaanmunu na marlampis perak dohot sere, jana dokkononmunu ma: “Morot ma sian au!”

JESAYA 37:19

Ditutungi jana ditapori halahi angka debatana, dibaen nada i Debata. Hum patung na nibaen sian hayu dohot batu sajo do i antong na nibaen ni tangan ni jolma; hara ni i do umbaen na bisa disegoi jolma.

JESAYA 41:29

Hamu sude nada adong gunana, nada margogo mambaen sanga aha. Patung sajo do hamu na nituang ni tangan ni jolma, gale jana nada margogo.”

JESAYA 44:15

Deba sian hayu i gabe soban do dibaen ia baen parsisuduan dohot pamanggang ni roti sanga juhut, gabe dabu rohania. Marsisudu ma ia jana didok ia ma, “Olo da, tabo do antong jana las! Tabona i di lambung api on!” Deba nari hayu i dipake ia ma mambaen patung. Mangunduk ma ia marsomba tusi jana martangiang, “Ho do debatangku, palua ma au!”

JEREMIA 17:2

Marsomba angka halakmu di angka langgatan dohot angka tiang gana-ganaan na dipajongjong di Debata Boru-boru Asera, di sandok hayu na rumbun, di puncu ni angka dolok,

JEHESKIEL 36:25

Dung i pispisonKu ma hamu dohot aek na lan, anso ias hamu sian sude gana-ganaanmunu dohot sian sasude na pahodarkon hamu.

HOSEA 14:8

Sanoli nari giot mulak halahi jana ondihononKu noma halahi. Tibu do halahi maradu sonang, songon gandum di tano napu na tibu martumbur. Tudos ma halahi tu kobun anggur, songon anggur Libanon tibu goar ni halahi tarbarita.

HOSEA 14:9

Efraim, aha dope he lakna hubunganKu dohot angka gana-ganaan? Au do na mangalusi dohot na mamparate-atehon ho! Songon hayu sanobar na rata do Au, sian Au ma ho mandapot parbatuna.”

ZEPANYA 1:3

sude jolma dohot binatang sude unggas dohot ihan. PutusanKu noma sandok jolma manusia, sahalak pe nada paloasonKu be mangolu. Au Tuhan, madung mandok songon i.

ZAKARIA 13:2

Di ari i, sesaonKu ma angka gana-ganaan i sian tano on, lopus nada adong be umpe sahalak marningotsa. SoadahononKu ma hagiot laho marsomba gana-ganaan. Sude jolma na mangoKu dirina panurirang, paorotonKu.

PANGARATAION 7:5

Antong, angkon parrumpakkononmunu do angka langgatan ni bangso i, ropuhi hamu angka tiang batu na nietong ni halahi keramat, rumpakkon hamu angka gambaran ni Asera dewi ni halahi i jana tutungi hamu angka patung na nisomba ni halahi.