JESAYA 17:7 - BIBEL JAMITA NA DENGGAN

⁷ Di ari i, mangulahi ma halak mangido tolong tu na manompasa, Debata Na Badia ni Israel.

JESAYA 17:7 ပူးပေါင်းရင်းမြစ်များ

2 SAMUEL 22:42

Marsurak halahi, hape soada na manolong. Pio-pio tu Tuhan, hape laing manghohom Ia.

2 JUJUR TAON 31:1

Dung sidung pesta i, kehe ma sude rayat i tu ganop kota na di Juda, lalu diropuk halahi ma angka tugu ni gana-ganaan, diparumpakkon halahi ma angka patung na dipajongjong di Debata Asera jana diabiskon ma angka langgatan maradu angka inganan pamelean tu gana-ganaan. Laing dibaen halahi ma songon i di angka kota na asing di Juda dohot di Luat Benyamin, Efraim dohot Manase. Dung i marmulahan ma halahi sude tu ingananna be.

MASMUR 95:6

Beta ma hita tungkap, jana marsinggang ma hita tu jolo ni Tuhan na manompa hita.

JESAYA 19:22

Uhumon ni Tuhan ma bangso Mesir, tapi dung salpu i pamalumonNia do halahi. Mulak ma halahi tu Tuhan, jana tangihononNia ma tangiang ni halahi lalu mangalehen hamalumon.

JESAYA 22:11

dibaen hamu ma tobat di bagasan kota i jana dipamasuk ma tusi aek na sian tobat na lolot i. Hape nada dirohahon hamu Ia na dung honok mambaen sangkap i sude, jana na mambaen sudena tarjadi.

JESAYA 29:24

Marsiajar mangastui ma halak na dodong, jana mangastui ma roha ni halak na sai manjua diajari.”

HOSEA 3:5

Tapi ro do i hatihana mulak bangso Israel tu Tuhan Debata ni halahi dohot tu raja ni halahi na sian pomparan ni si Daud. Jadi gabe mabiar ma halahi jana marhabiaran tu Tuhan boti jagiton ni halahi ma angka pasupasuNa.

HOSEA 6:1

“Beta ma mulak hita tu Tuhan. Ia do na mambaen marhancit hita, tapi laing Ia muse do na pamalumkon. Ia do na mambugangi hita, tapi laing Ia muse do na mambalut angka bugangta.

AMOS 3:12

Songon on do didok Tuhan, “Songon sada halak parmahan na paluahon dua pat sanga sabariba pinggol ni biri-biri sian baba ni singa, songon i ma halak Samaria i giot paluaon, saotik sajo noma na tading.”

MIKA 7:7

Tapi anggo au marpos ni roha tu Tuhan do; mardongan pos ni roha na godang hupainte Debatangku. Ditangihon Ia tangiangku jana dipalua Ia do au.