JESAYA 17:6 - BIBEL JAMITA NA DENGGAN

⁶ Tarsongon zetun na abis diputik batuna, hum sada dua na tinggal di puncutna i jana adong sanga na piga di dangka na toruk-toruk, laing songon i ma di Israel, saotik sajo do halak na malua. Au, Tuhan, Debata ni Israel, madung mandokkon i.”

JESAYA 17:6 ပူးပေါင်းရင်းမြစ်များ

1 RAJA-RAJA 19:18

Tapi malua do baenonKu pitu ribu halak di Israel, i ma angka halak na tongtong mangoloi Au jana na so jungada marsomba gana-ganaan ni Baal sanga mangummasa.”

JESAYA 1:9

Sugari sura nada dipalua Tuhan Na Markuaso i piga-piga halak, anggo Jerusalem i madung mago sude, sarupa tu Sodom dohot Gomora.

JESAYA 10:22

Haru pe halak Israel na saonnari sarupa bahatna dohot horsik na di topi ni laut, hum piga-piga halak sajo noma i na giot mulak. Madung disadiahon Tuhan uhuman pangabiskon halahi anso jongjong hatigoran.

JESAYA 24:13

Songon i ma na giot masa di tano on sudena di ganop bangso. Laing sarupa ma pangalahona di masa ni panen, di na mambuat batu ni zetun lopus abis dohot batu ni anggur na parpudi diputik sian bonana.

JESAYA 27:12

Di hatiha i, palaguton ni Tuhan ma bangsoNia i pasada-sada sian Batang aek Efrat lopus tu batas ni Mesir. SirangonNia ma halahi songon pamiari ni halak di eme sian lapungna.

JEREMIA 4:27

Pandok ni Tuhan angkon gabe padang halongonan do sude luat on, tapi nada segohononNia.)

JEHESKIEL 39:29

UsehononKu ma tondingKu tu bangso Israel jana nada be tadingkononKu halahi. Au Tuhan Debata madung mandok songon i.”

OBAJA 1:5

Anggo panangko na ro borngin-borngin, hum por ni rohania do dibuat ia. Halak na mamutik anggur di kobunna, ditinggalkon ia do i deba. Tapi anggo ho, abis noma baenon ni angka musumu.

MIKA 7:1

Marjaya ma au! Harana parngoluonku songon dompak papunguhon batu ni anggur di ari logo, songon dompak painte masa parbatu ni anggur, nada adong anggur na giot sipanganon, dohot parbatu ni ara na huhajopkon.

SURAT NI SI PAULUS TU PARLAGUTAN ROM 11:26

Jana i do gabe dalan, anso malua sandok bangso Israel, hombar tu na tarsurat i, “Ro ma sian Sion Sipalua i, sesaonNia ma hajahatan sian pomparan ni si Jakob.

SURAT NI SI PAULUS TU PARLAGUTAN ROM 9:27

Torang do didok Panurirang Jesaya taringot tu halak Israel, “Haru pe sabahat ni horsik na di topi ni laut bilangan ni bangso Israel, hum saotik do i sipaluaon;

PANGARATAION 4:27

Sarsarkonon ni Tuhan ma hamu di tonga-tonga ni angka bangso na asing jana saotik noma sian hamu na mangolu.

HAKIM-HAKIM 8:2

Tapi dialusi si Gideon ma, “Sanga aha na hubaen i nada bagi aha dope i martimbangkon na dung nibaenmunu. Hum saotik do dibaen hamu nian, tapi na saotik i pe dao do ummarga sian sude na dung dibaen ni sude parangan na sian margangku.