JESAYA 17:4 - BIBEL JAMITA NA DENGGAN

⁴ Didok Tuhan, “Muli dapot do i hatihana marujung bungaran ni Israel, jana hamoraonna i digonti dohot hapogoson.

JESAYA 17:4 ပူးပေါင်းရင်းမြစ်များ

PAMUNGKAAN 41:3

Dung i ruar muse ma da pitu nari lombu na asing; anggo on hum na marniang do jana hum holi-holi noma idaon. Jongjong ma angka lombu i di lambung ni angka lombu na mokmok-mokmok sinangkin di topi ni batang aek i.

2 RAJA-RAJA 17:3

Diporangi jana dipapatu si Salmaneser raja ni Asur ma ia, lopus angkon manggarari pajak ia ganop taon tu Asur.

2 RAJA-RAJA 17:6

i ma muse taon pasambilankon dung mamarenta si Hosea, dirampas si Salmaneser ma Samaria. Dioban ia ma halak Israel gabe tabanan tu Asur. Dibaen ia ma deba halahi di kota Hala, deba di lambung ni Batang aek Habor na di Luat Gosan jana deba nari di angka kota na di Luat Madai.

JESAYA 10:16

Dibaen madung manyombong halak Asur, paroon ni Tuhan Na Markuaso i ma nyae laho manguhumi angka perwira na mamokmohi saonnari. Hona arun na lobi milas ma halahi songon api na torus manutungi.

JESAYA 10:3

Aha ma na giot baenonmunu di ari panguhuman, jana hatiha hasesego na giot ro sian sihadaoan? Tu ise ma ho kehe mangido pangurupion? Di dia ma he tabunihononmunu hakayoonmunu i?

JESAYA 10:4

Mate di bagasan porang sajo ma bagianmunu, sanga disarat-sarat songon halak na tartaban. Tapi laing na muruk dope Tuhan jana sai giot manguhumi.

JESAYA 17:3

Nada margogo Israel jana mago ma habebason ni Damaskus. Mangolu di bagasan habilean ma halak Siria na tinggal i, songon halak Israel. Au, Tuhan Na Markuaso, madung mandokkon i.”

JESAYA 24:13

Songon i ma na giot masa di tano on sudena di ganop bangso. Laing sarupa ma pangalahona di masa ni panen, di na mambuat batu ni zetun lopus abis dohot batu ni anggur na parpudi diputik sian bonana.

JESAYA 24:16

Sian angka ujung ni tano on tarbege ma ende puji-pujian di Israel, bangso na tigor i. Hape nada adong arop ni rohangku! Marhancit do au! Laing mangarampok do parjahat, mur martamba jahat dope tehe halahi.

JESAYA 9:21

Marsiporangan ma halak Manase dohot halak Efraim, jana rap mamorangi ma i tu Juda. Tapi laing muruk dope Tuhan jana sai giot manguhumi.

JESAYA 9:8

Madung dipaboa Tuhan uhum tu Israel angka pinompar ni si Jakob.

JEHESKIEL 34:20

Hara ni i, Au Tuhan Debata mandok tu hamu, ale angka biri-biri na mokmok, na giot ro ma Au manguhumi di tonga-tonga ni biri-biri na gogo dohot biri-biri na gale.

AMOS 3:12

Songon on do didok Tuhan, “Songon sada halak parmahan na paluahon dua pat sanga sabariba pinggol ni biri-biri sian baba ni singa, songon i ma halak Samaria i giot paluaon, saotik sajo noma na tading.”

ZEPANYA 2:11

Mabiar ma halahi baenon ni Tuhan. PatoruhonNia ma sahala ni angka debata na di tano on lopus nada adong be arga ni i sude. Jadi gabe marsomba tu Tuhan noma sandok bangso, di tanona sandiri be.