JESAYA 17:3 - BIBEL JAMITA NA DENGGAN

³ Nada margogo Israel jana mago ma habebason ni Damaskus. Mangolu di bagasan habilean ma halak Siria na tinggal i, songon halak Israel. Au, Tuhan Na Markuaso, madung mandokkon i.”

JESAYA 17:3 ပူးပေါင်းရင်းမြစ်များ

2 RAJA-RAJA 16:9

Dioloi Raja Tiglat-Pileser do pangidoan ni si Ahas i, diroro ia ma kota Damaskus lalu dirampas ia. Dioban ia ma halak kota i tu Kir gabe taban, jana dibunu ia ma anggo Raja Resin.

2 RAJA-RAJA 17:6

i ma muse taon pasambilankon dung mamarenta si Hosea, dirampas si Salmaneser ma Samaria. Dioban ia ma halak Israel gabe tabanan tu Asur. Dibaen ia ma deba halahi di kota Hala, deba di lambung ni Batang aek Habor na di Luat Gosan jana deba nari di angka kota na di Luat Madai.

JESAYA 10:9

Hurampas do angka kota Kalno dohot Karkemis, Hamat dohot Arpad. Hurampas muse do kota Samaria dohot Damaskus.

JESAYA 16:14

Jana saonnari didok Tuhan: “Pas tolu taon nari, limpot ma sude arta sinadongan ni Moab. Gabe saotik noma rayatna na bahat i boti gale.”

JESAYA 17:4

Didok Tuhan, “Muli dapot do i hatihana marujung bungaran ni Israel, jana hamoraonna i digonti dohot hapogoson.

JESAYA 25:2

Angka kota dibaen Ho gabe lobu, angka bentengna i sarge manghagopu. Bagas Godang na nipajongjong ni musu madung soada nada patureon be i salolot-lolotna.

JESAYA 7:16

Harana painte so diboto anak i manulak na jat bope mamili na denggan anggo luat ni raja na dua na nihabiaranmi, gabe tarulang noma i.

JESAYA 7:8

harana Damsik i ma kota sabungan ni Aram, jana Resin i ma raja ni Damsik. Di bagasan onom pulu lima taon on, mabola ma Efraim jana nada gabe bangso be.

JESAYA 8:4

Harana painte so tuk umur ni dakdanak i laho mandok ‘Amang’ dohot ‘Inang’, sasude sinadongan ni Damaskus dohot sude barang na nirampas ni Samaria, haldungon ni raja Asur ma i.”

HOSEA 1:4

Dung i didok Tuhan ma tu si Hosea, “Baen ma goar ni anakmi si Jisreel, angke nada sadia honok nari be uhumanKu ma pomparan ni si Jehu hara ni mudar na diduruskon di Jisreel, jana paujungonKu ma pangarajaion ni halak Israel.

HOSEA 1:6

Dung i denggan ma muse pamatang ni dadaboru i jana manubuhon sada dakdanak dadaboru. Didok Tuhan ma tu si Hosea, “Baen ma goar ni borumi si Lo-Ruhama, angke nada holong be rohangKu mida bangso Israel, jana nada ampunanKu be halahi.

HOSEA 10:14

gabe lingkupon ni porang ma rayatmi, jana sarsarkononna sude bentengmi. Tudos ma i songon na masa di ari parabis ni kota Bet-Arbel di parporangan na nibaen ni Raja Salman jana hona giling angka ina-ina rap dohot dakdanakna.

HOSEA 3:4

Songon i muse ma pangalaho ni bangso Israel; lolot halahi mangolu tapi nada adong rajana, nada marpamimpin nada adong haul, nada adong gana-ganaan, jana nada adong efod dohot terafim.

HOSEA 8:8

Songon barang na so diparhagiot halak, nada marguna be Israel, angke madung marcampur dohot angka bangso na asing.

HOSEA 9:11

Habang noma hagodangan ni Israel mago songon unggas; nada adong be na mardenggan pamatang jana nada adong be dakdanak na sorang.

AMOS 8:14

Angka jolma na marsumpa mangasahon gana-ganaan ni Samaria na mandok, ‘Mangasahon goar ni debata ni bangso Dan’, sanga, ‘Mangasahon debata ni Berseba’ – tinggang noma i jana nada tarsunggul-tarsunggul be.”