JESAYA 17:13 - BIBEL JAMITA NA DENGGAN

¹³ Ro ma halahi songon ombak na margulung-gulung. Tapi dipaingot Tuhan ma halahi, gabe sumurut ma halahi, dihais songon abuan di lereng ni tor sanga songon guapak diombus haba-haba.

JESAYA 17:13 ပူးပေါင်းရင်းမြစ်များ

MASMUR 9:5

Angka bangso diuhumi Ho, halak na jahat dipusa Ho. Goar ni halahi madung diapuskon; ro di salolotna halahi dihalupahon.

MASMUR 1:4

Tapi suhar-suhar ni i do anggo halak parjahat; songon guapak na niombuskon ni haba-haba do.

JOB 21:18

Unjung ma he halahi songon durame dohot abuan na niombus ni halingsungsung dohot haba-haba?

JESAYA 29:5

Hape na giot mago do sude parangan ni alomu songon abu sanga songon lapung diombuskon alogo. Na so niambang-ambang ompot ma

HOSEA 13:3

Jadi hara ni i angkon mago ma angka jolma i songon nambur jana songon ombun manyogot. Songon durame di pardegean ma halahi na niombus ni alogo jana songon timus na ruar sian tataring.

DANIEL 2:35

jana maropuk ma bosi, tano liat, tumbaga, perak dohot sere i songon abu di pardegean ni gandum taran di logo ni ari. Marhabangan ma abu na i diombus angin, lopus nada adong be partinggalna. Tapi anggo batu na godang na mangunggalkon patung i gabe sagodang ni dolok jana gabe digohi ma tano on.

JESAYA 27:1

Pakeon ni Tuhan ma podangNia na togu jana na tajom i laho manguhumi Lewiatan, ulok na margeldok-geldok jana na mangarpe i dohot mamunu naga laut i.

JESAYA 14:25

PusaonKu ma halak Asur na di Israel tanongKi jana na maringanan di angka dolok Hudege-dege ma i. PaluaonKu ma bangsongKi sian boban na nipaksahon ni halak Asur tu halahi.

MASMUR 35:5

Padiar ma diburu Surusuruan Ni Tuhan halahi songon lapung hiap na niombus ni alogo.

JOB 38:11

Hudok ma tusi, ‘On do batasmu. Ulang salpui be! Mantak dison ma angka ombakmu na gogo pe.’

MASMUR 65:7

Dipademak Ho do pardobur ni laut dohot pangamuk ni ombak, dipasonang Ho do hagaoran ni angka bangso.

JESAYA 8:7

Jadi hara ni i, Au, Tuhan, paroonKu ma raja ni Asur dohot sude tentarana i laho mamorangi Juda. Nada haambatan be i songon pangalantap ni Batang aek Efrat na mambaen bonom angka tobing-tobingna i.

JESAYA 21:15

Angke bangso na lari sian podang na sintak do halahi, sian sior na tangging dohot sian sude parmaraan ni porang.

JESAYA 34:17

Ia sandiri do na mambagi-bagi luat i di halahi jana ganop be marsijagit bagianna. Disi noma halahi maringanan salolot-lolotna, jana halahi noma nampuna tano i marsundut-sundut.

JESAYA 40:15

Anggo satutuna angka bangso, songon santetek aek do i di bagasan timba; songon sangkibung abu di timbangan. Anggo satutuna songon abuan do borat ni angka pulo.

JESAYA 40:24

Tudos tu suan-suanan simarata do halahi, na baru tubu dope uratna i. Muda jabat diparo Ia haba-haba, dihabangkon do halahi songon durame na mahiang.

JESAYA 41:11

Sapetona, sude halak na bingkas rimasna tu ho, angkon maila jana hodar; angka halak na mangalo ho, angkon songon sisoada jana ripur.

ZEPANYA 2:2

painte so diayak dope hamu songon lapung na diombuskon, painte so ro dope tu hamu muruk ni Tuhan na marapi-purun, painte so ro dope ari hamumuruk ni Tuhan.

MASMUR 65:8

Sude pangisi ni portibi on mabiar jana mangalehen sangap paida-ida pambaenanMu na santak. Sude jolma di na satano on, dibaen Ho marsurak marmoga-moga.

JESAYA 30:28

Pangombus ni hosaNia songon batang aek na mangayupkon. Abis ma angka bangso, jana marujung muse ma angka sangkap ni halahi na jat i.