Tangihon ma sora na gaor-gaor di dolok i – sora ni halak na marlagut bahat sajo, hagaoron ni angka bangso dohot angka harajaan na marlagut. Hatiha mamareso barisan na giot marporang i ma Tuhan Na Markuaso i.
Hatigoran do tali panyuhat ni ojahan i jana hajujuron do tali pandodona.” Paison ni ambolas ma ias sude gabus na gabe sitioponmunu i. Ayupon ni aek magodang ma inganan parlindunganmunu i.
Tapi anggo sinjata na dipaadop tu ho, nada margogo i mamugangi ho. Jana tu sude tuduan, hata ro do di ho hata alusan. Huampini angka naposongKi anso sai monang.” Songon i ma pandok ni Tuhan.
I ma angka na marsinjatahon pana dohot podang; na jingar do halahi jana na so umboto ampun. Songon husasak ni laut na marombak, songon i ma sora ni parlojong ni kudo ni halahi na dipacu laho mamorangi Jerusalem.”
jana huida ma disi ro sian sabola Habincaran sinondang na marsilo-silo na patandahon haroro ni Debata ni Israel. Tarbege ma sora ni Debata songon laut na gumadobur, jana marlinang-linang ma tano on hara ni sinondang ni haroro ni Debata.
Madung marlagut bahat bangso laho mamorangi ho, ale Jerusalem! Pandok ni halahi, “Angkon roncohonon do Jerusalem! Idaonnami ma kota i gabe timbunan ni angka batu!”
Ganop laho mamorsan Poti Parjanjian i, didok si Musa do, “Jongjong ma Ho ale Tuhan, sarsarkon ma sude musuMu, anso sude halak na mangkagigihon Ho maporus.”
“Saulahon adong ma angka tanda tarida di mataniari, di bulan dohot di angka bintang i. Di tano on pe hempot be ma angka bangso jana mabiar be hara ni husasak dohot ombak ni laut.
Dung i ro ma sada sian surusuruan na pitu i na maniop sambong na pitu i, mangkobari dohot au ninna ma, “Beta, anso hupatidahon tu ho sanga na bia baenon manguhumi panggampang godang i, na juguk di ginjang ni aek na bahat.