JESAYA 17:11 - BIBEL JAMITA NA DENGGAN

¹¹ Tapi haru pe manigor martunas suan-suanan i jana marbunga di ari i di na manyuan i ho, hapengani anggo suhana indangkan na adong buaton. Hum hasusaan do taononmu dohot hahanciton na so ra mago.

JESAYA 17:11 ပူးပေါင်းရင်းမြစ်များ

JOB 4:8

Huboto sian alatan na mamangkur ladang hajahatan, jana na manyabur hamagoan songon same ni suan-suanan, laing na manyabi do di parmaraan dohot di hasusaan!

MASMUR 90:6

martumbur ma i manyogotna i jana mangerbang, tapi gabe malos do i muda dung potang.

JESAYA 17:5

Songon saba na dung nisabi noma Israel, jana songon lungun ni ladang na di Rura Refaim muda dung salpu sabion.

JEREMIA 5:31

Angka panurirang manghatahon gabus jana angka malim mangajarkon hagiotna sambing. Jana i do na diparhagiot ni bangsongKu. Tapi muda ro ari parpudi, aha ma sibaenonmunu?”

HOSEA 8:7

Alogo do disabur bangsongKi, jadi manyabi halingsungsung ma halahi! Nada manggorsing ladang ni gandum ni halahi, gabe nada adong be topung suhana baen sipanganon. Tapi muda laing manggorsing ladang i, gabe abiskonon ni angka bangso-bangso na asing do gandumna i.

HOSEA 9:16

Songon suan-suanan na so marbatu, jana na mahiang uratna, tudos tusi do anggo Israel. Nada adong untunganna tapi haru pe adong dakdanak ni halahi, bunuonKu do angka dakdanak haholongan ni halahi i.”

JOEL 1:17

Di tano na harsang, same marmatean. Nada adong be gandum na nisimpan. Rumar talobat gabe marlohaan.

HAMALIMON 26:20

Sude halojaonmu nada adong gunana, angke tanomunu nada marsuha, jana suan-suananmu nada marbatu.

SURAT NI SI PAULUS TU PARLAGUTAN ROM 2:5

Tapi hara ni jogal ni rohamu na so ra muba, ditamba ho do rimas tu dirimu sandiri di ari haririmas dohot hapataran ni uhuman ni Debata na tigor i.

PANGARATAION 28:39

Suananmunu ma angka kobun anggur jana pature-tureonmunu ma i, hape nada adong putihonmunu parbatuna sanga inumonmunu aek ni anggurna, angke papanganan ni ulok-ulok do bona ni anggur i.