JESAYA 17:10 - BIBEL JAMITA NA DENGGAN

¹⁰ O Israel, madung dihalupahon ho Debata na paluahon dohot na manjagohon ho songon dolok batu na tohong. Balik do, madung disuani ho angka kobun laho marsomba angka debata.

JESAYA 17:10 ပူးပေါင်းရင်းမြစ်များ

1 JUJUR TAON 16:35

Dok ma, “O ale Debata na palua hami, palua jana palagut ma hami mangulahi. Palua ma hami ale Debata, sian rante ni angka bangso panjaja! Pujionnami ma goarMu na badia i, hum tu Ho sajo do sidohononnami tarimakasi.”

MASMUR 106:13

Hape tibu do ale Tuhan, dihalupahon halahi pambaenanMu; nada mangido sipaingot halahi, di angka tindakanna.

MASMUR 106:21

Dihalupahon halahi do Debata na paluahon halahi, na dung patupahon angka pangalaho na godang di Mesir,

MASMUR 18:2

Tuhan do parondinganku, benteng na togu di au. Tu Debata do au marsilaung, gabe sonang au marlindung. Songon parince digupgupi Ia au, dijago Ia au tongtong anso sai sonang au.

MASMUR 31:2

Tangihon ma tangiangku. Palua ma au manigor. Ho noma da dolok batu inganan parlinggomanku, dohot benteng na togu, inganan haluaan di au.

MASMUR 65:5

Dialusi Ho do hami marhite na mangalehen hamonangan di hami na sian karejoMu na godang i, ale Debata, haluaannami! Ho do da arop ni roha ni angka bangso sanga na di dia pe i di tano on.

MASMUR 79:9

Ale Debata, sipaluanami, urupi ma hami hara ni goarMu na godang i. Sesa ma angka dosanami, palua ma hami hara ni goarMi.

MASMUR 85:4

Marpangulahi ma rohaMu mida hami, ale Debata sipalua hami, ulang be muruk Ho tu hami.

MASMUR 9:17

Hamatean do bagian ni halak pardosa, angka bangso na so manghabiari Debata.

JESAYA 12:2

Debata do da haluaanku, porsaya tuSia do au. Nada adong na mambaen au mabiar, angke Tuhan Debata do hagogoanku dohot ende-endengku, Debata do na paluahon au, Ia do haluaanku.

JESAYA 17:9

Di ari i, gabe ropuk-ropuk jana mamolngit ma angka kota na togu partahananna, songon kota na nitadingkon ni halak Hewi dohot Amori di na maporus halahi sian halak Israel.

JESAYA 18:5

Dompak so musimna mamutik angka batu ni hayu, dung marurusi angka bungana jana dompak so mamutik batu ni anggur di bonana, roncohonon ni musu ma Sudan, songon pangkorot ni piso di angka ranting sian bona ni anggur.

JESAYA 25:4

Ho do parlojongan ni halak na pogos dohot na gale, di Ho do halahi sonang di hamamasa ni susa pe. Sian alogo na jorbut diondingi Ho do halahi. Sian pandoit ni na milas dilinggomi Ho do halahi. Ompot mambaen serangan halak na jungkat songon haroro ni bade di ari nonat,

JESAYA 26:4

Sai haporsayai ma tongtong Tuhan, harana Tuhan Debata do dolok batu na manongtong.

JESAYA 30:29

Tapi anggo hamu, marjop ni roha jana marendei ma hamu songon na masa di borngin ni pesta ugamo. Marmoga-moga ma hamu songon halak na ribur mardalan didongani sora ni suling laho manaek tu dolok ni Tuhan, na mangondihon Israel.

JESAYA 33:2

Tuhan, ibo ma rohaMu di hami, marpos ni roha tu Ho do hami. Sai jagohon ma hami sian ari tu ari jana palua ma hami di hamamasa ni hasusaan.

JESAYA 44:8

Ulang enek rohamu, ale bangsongKu; diboto ho do sian nahinan lalu tu saonnari, madung maralatan hian Au sanga aha na giot tarjadi; hamu ma na gabe saksingKu. Adong ma he Debata asing sian Au? Nada adong Dolok Batu na asing, na Hutanda!”

JESAYA 51:13

Hara ni i dihalupahon ho ma Tuhan na manompa ho, na pahembangkon langit jana mamayakkon ojahan ni tano on, hara ni i mabiar jana gamang ho sasadari, maradopkon pangamuk ni na mamparkanciti, di na singkop ia giot pangabiskon ho. Di dia ma he lakna pangamuk ni na mamparkanciti i?

JESAYA 61:10

“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.

JESAYA 62:11

Lopus tu sandok ujung ni portibi on dilehen Tuhan tona on, “Dok ma tu boru Sion, ‘Ligi da, ro ma disadu Tuhan sipalua. Dohot Ia laing dohot muse do da angka halak na nipaluaNia.’ ”

JEREMIA 12:13

Disabur bangsongKi gandum, tapi duri do sabionna. Marloja-loja halahi, hape nada marsuha karejona i. Gilap do murukKu gabe nada mandapot na nikarejohon ni halahi.

JEREMIA 17:13

Tuhan, Ho do pos ni roha ni Israel bangsoMi, angkon gabe maila do sude na manadingkon Ho. Na giot kehe ma halahi tu inganan ni jolma na mate i; angke Ho do mual ni aek hangoluan madung ditadingkon halahi, ale Tuhan.

JEREMIA 2:32

Adong ma he bujing-bujing na manghalupahon barang parhiasanna? Sanga boru na manghalupahon bayo na mambuatsa? Hape anggo Au madung dihalupahon hamu mamungka sian hatiha na so taretong be honokna.

JEREMIA 3:21

Tarbege do sora ni na gaor di puncu ni angka dolok; i ma sora ni halak Israel na martangisan jana mangido-ido hara ni na dung mardosa halahi jana lupa tu Tuhan Debata ni halahi.

JEHESKIEL 22:12

Adong muse do sigararon mamunu jolma, siincop mudar dohot na mamoro angka donganna sabangso. Madung dihalupahon halahi sudena Au. Au Tuhan Debata, madung mandok songon i.

JEHESKIEL 23:35

Didok Tuhan Debata i ma, “Hara ni na dihalupahonmu Au jana dihudukkon ho, manaon parkancitan noma ho patunda ni gogo ni hagiotmu dohot parhamainonmu.”

HOSEA 4:6

Hamu angka malim nada parduli hamu di Au, gabe songon i muse ma bangsongKu nada parduli be tu Au, lopus marjaya halahi. Ditulak hamu do angka pangajaranKu. Jadi Au pe tulahonKu noma hamu, jana nada Huokui angka dakdanakmunu gabe malim di Au.

HOSEA 8:14

Dipajongjong halak Israel angka bagas godang hape lupa halahi tu Panompa ni halahi. Dibangun halak Juda angka kota na marbenteng, hape paijuronKu ma api laho manyurbu lopus abis angka bagas godang dohot angka kota ni halahi i.”

JOEL 1:17

Di tano na harsang, same marmatean. Nada adong be gandum na nisimpan. Rumar talobat gabe marlohaan.

HAMALIMON 26:16

uhumonKu ma hamu. ParoonKu ma bala tu hamu, nyae dohot arun na so haubatan, gabe mapitung ma hamu jana marhancit ngolumunu. Saburonmunu ma same, tapi nada daionmunu suhana, angke angka musumunu giot ro patunduk hamu jana manyabi na nisuanmunu.

HAMALIMON 26:20

Sude halojaonmu nada adong gunana, angke tanomunu nada marsuha, jana suan-suananmu nada marbatu.

AMOS 5:11

Dipisat hamu do halak na pogos jana dirampas hamu dohot gandumna. Hara ni i, nada be ingananmunu angka bagas batumunu na jeges-jeges i na nipajongjongmunu jana nada inumonmunu be anggur na sian kobun anggur na nisuanmunu.

HABAKUK 3:18

Sai tongtong noma au marjop ni roha di bagasan Tuhan, jana maria-ria di bagasan Debata Sipalua au.

ZEPANYA 1:13

Hona rampas ma sinadongan ni halahi jana roncohonon ma bagas ni halahi. Pajongjongon ni halahi ma bagas, tapi nada ingananna. Karejohonon ni halahi ma kobun anggur tapi nada inumonna anggurna.

PANGARATAION 28:30

Muda nada dioloi ho Tuhan Debatamunu i, martunangan ma ho, – tapi halak na asing do mambuat tunanganmunu i. Pajongjong bagas ma ho – hape nada ingananmunu bagas i. Suananmunu ma kobun anggur – hape nada ho mangankon batu ni anggur i.

PANGARATAION 32:15

Gabe maradong bangso ni Tuhan, tapi sai tagi mangalo, ditulak halahi do Sipalua na gumogo. Mamokmohi halahi, butongan sipanganon. Ditadingkon halahi do Debata Na Manjadihon.

PANGARATAION 32:18

Ditadingkon halahi do Debata Sipalua, Tuhan silehen ngolu dihalupahon.

PANGARATAION 32:31

Diboto musu ni Israel sandiri do na so margogo debatana i, nada alona Debata ni Israel na hebat i.

PANGARATAION 32:4

Tuhan ma da na mangondihon ho gumogo, sude dalanNa tigor jana sanggam do. Setia do Debatamu jana ias rohaNa, na denggan dohot na patut do dibaen Ia.

PANGARATAION 6:12

denggan ma jagohon hamu anso ulang jabat lupa ho tu Tuhan na dung paluahon ho sian Mesir, ingananmu diparhatoban.

PANGARATAION 8:11

“Jamot ma hamu, anso ulang jabat dihalupahon hamu Tuhan Debatamunu; sian sude parentaNia na Hulehen tu hamu sadari on, ulang adong sada pe na nipasidingmunu.

PANGARATAION 8:14

jamot ma hamu anso ulang gabe manyombong hamu jana lupa tu Tuhan Debatamunu na dung paluahon hamu sian Mesir, ingananmunu diparhatoban.

PANGARATAION 8:19

Jago ma hamu! Ulang lupa hamu tu Tuhan Debatamunu, sanga marbalik tu angka debata na asing laho mamele dohot mangoloi tusi. Muda dibaen hamu na songon i, Hupaingot ma hamu sadari on pasti pusaon ni Tuhan hamu.