JESAYA 17:1 - BIBEL JAMITA NA DENGGAN

¹ Didok Debata, “Nada marrumangkon kota be Damaskus, tapi hum na sego-sego sajo noma.

JESAYA 17:1 ပူးပေါင်းရင်းမြစ်များ

PAMUNGKAAN 14:15

Dibagi-bagi si Abram ma disi halaknia i piga-piga rombongan; diporangi halahi ma musu i borngin-borngin jana ditaluhon halahi ma musu i. Dikojar ia dope halahi lalu tu Hobah di Utara ni Damaskus.

PAMUNGKAAN 15:2

Tapi didokkon si Abram ma, “Iale Tuhan Debata, aha ma he guna ni upaMi di au, anggo so na adong anakniba? Hum si Elieser halak Damaskus i ma na manean au.

1 RAJA-RAJA 11:24

jana gabe kapala ni garombolan ma ia. (Di hatiha na nitaluhon ni si Daud ma si Hadadeser, jana di na nibununia halak Siria angka dongan ni si Hadadeser, disi ma parlarinia.) Kehe ma si Reson dohot angka parangannia i tu Damaskus, disi ma ia maringanan. Laing disi ma diangkat angka parangannia i ia gabe raja Siria.

2 RAJA-RAJA 16:9

Dioloi Raja Tiglat-Pileser do pangidoan ni si Ahas i, diroro ia ma kota Damaskus lalu dirampas ia. Dioban ia ma halak kota i tu Kir gabe taban, jana dibunu ia ma anggo Raja Resin.

1 JUJUR TAON 18:5

Di na ro tentara na dikirim ni halak Siria laho mangurupi Raja Hadadeser, dialo si Daud ma halahi jana dimatehon 22.000 halak.

2 JUJUR TAON 28:23

Mangalapi hamagoanna dope ia tu dirina dohot tu rayatnia hara ni na mamelehon haul ia tu angka debata ni halak Siria i na manaluhon ia. Dipikir ia, “Madung diurupi angka debata ni Siria i antong angka raja-raja ni Siria, jadi muda hupelehon haul tu halahi, betak na tolongannia muse do iba.”

2 JUJUR TAON 28:5

Hara ni na mardosa Raja Ahas, gabe dipadiar Tuhan Debatania ma ia ditaluhon raja ni Siria na maroban muse bahat halak Juda gabe taban tu Damaskus. Laing dipadiar Tuhan muse ma ia ditaluhon Raja Pekah anak ni si Remalya na sian Israel, na mamunu 120.000 halak parajurit ni Juda angka na garang di bagasan sadari. Dipadiar Tuhan, Debata ni ompu ni halahi i do sudena i tarjadi, dibaen nada dipardulihon rayat ni Juda be Tuhan.

JESAYA 10:9

Hurampas do angka kota Kalno dohot Karkemis, Hamat dohot Arpad. Hurampas muse do kota Samaria dohot Damaskus.

JESAYA 13:1

On ma tona ni Debata na nijagit ni si Jesaya anak ni si Amos, taringot tu Babel:

JESAYA 15:1

On ma Tona Ni Debata salaho tu Moab. Madung dironcohon kota Ar dohot Kir di bagasan saborngin, jana mamolngit ma Luat Moab.

JESAYA 19:1

On ma tona salaho tu Mesir. Ro do Tuhan tu Mesir manengget ombun na hipas. Humitir ma angka gana-ganaan ni Mesir di joloNia jana menek ma roha ni halak Mesir marnidasa.

JESAYA 25:2

Angka kota dibaen Ho gabe lobu, angka bentengna i sarge manghagopu. Bagas Godang na nipajongjong ni musu madung soada nada patureon be i salolot-lolotna.

JESAYA 37:26

Na so jungada dope he dibege ho, na Husangkapi hian do i sian narobi? Jana saonnari ma i Hupatulus. Au do da na mangalehen kuaso di ho laho mangaroncohon angka kota na marbenteng gabe tinggal sego-segona.

JESAYA 7:16

Harana painte so diboto anak i manulak na jat bope mamili na denggan anggo luat ni raja na dua na nihabiaranmi, gabe tarulang noma i.

JESAYA 7:8

harana Damsik i ma kota sabungan ni Aram, jana Resin i ma raja ni Damsik. Di bagasan onom pulu lima taon on, mabola ma Efraim jana nada gabe bangso be.

JESAYA 8:4

Harana painte so tuk umur ni dakdanak i laho mandok ‘Amang’ dohot ‘Inang’, sasude sinadongan ni Damaskus dohot sude barang na nirampas ni Samaria, haldungon ni raja Asur ma i.”

JEREMIA 49:2

Tapi dapot do i hatihana baenonKu halak na mangingani Raba, kota sabungan ni Luat Amon i, umbege surak-surak ni parporangan. Gabe tading sego-segona noma kota i jana angka huta pagaran na humaliang i pe abis masurbu. Dung i buaton ni halak Israel ma mangulahi tanona i sian angka jolma na mangarampassa na salpu i.

MIKA 1:6

I do umbaen na nidok ni Tuhan: “BaenonKu ma Samaria gabe timbunan ni batu di tonga padang dohot panyuanan ni bona ni anggur baenon ni halak. AmbungkononKu tapor-tapor ni kota i tu bagasan holbung jana bungkaronKu angka jongjonganna i.

MIKA 3:12

Hara ni hajahatanmi, pangkuran noma Sion songon ladang. Jerusalem gabe timbunan ni angka batu, jana dolok ni Bagas Na Badia gabe gasgas.

ZAKARIA 9:1

On ma tona ni Tuhan dompak tano Hadrak, jana maradian di Damaskus. Harana Tuhan do nampuna angka kota Aram dohot sude angka marga ni Israel.

BAENON NI ANGKA RASUL 9:2

mangido surat kuaso anso tola ia kehe tu angka bagas paribadatan ni halak Jahudi di Damaskus laho manangkupi angka halak na mangihutkon dalan ni Tuhan na dapot ia, halaklahi bope dadaboru, anso dioban ia halahi tu Jerusalem.

PANGARATAION 13:16

Angkon palaguton sude sinadongan ni halak kota i, jana dipagukguk di tonga ni alamanna i, lalu disurbu ma sude kota i dohot sasude na di bagasanna songon haul tu Tuhan Debatamunu. Dung sidung i sudena angkon tinggalkonon do i songon lobu jana nada tola be ulahan mambangunsa.