JESAYA 16:9 - BIBEL JAMITA NA DENGGAN

⁹ Saonnari manangisi bona ni anggur Sibma noma au songon na manangisi Jaeser. Marilu-ilu au baen di Hesbon dohot di Eleale, dibaen nada adong panen hara ni porang.

JESAYA 16:9 ပူးပေါင်းရင်းမြစ်များ

JESAYA 9:3

Tuhan, dilehen Ho do jop ni roha godang, padumpangkon halahi tu na torang. Hara ni denggan ni rohaMu marmoga-moga halahi, songon halak na marjop ni roha di na palagutkon suha ni karejona sanga di na marbagi taban.

JEREMIA 40:10

Au sandiri maringanan di Mispa do, jana au ma da mangwakili hamu muda pala sai ro angka halak Babel i tuson. Tola do hamu palagutkon dohot manyimpan anggur, buah-buahan dohot miak zetun, dohot maringanan di angka kota siingananmunu.”

JEREMIA 40:12

Jadi ditadingkon halahi be ma angka inganan parserahan ni halahi, kehe ma halahi tu Juda. Didapotkon halahi ma si Gedalya di Mispa, jana dipalagut halahi ma anggur dohot buah-buahan bahat sajo.

JEHESKIEL 27:31

Hara ni ho dicukur halahi uluna mamake abit goni hara ni gok ni arsakna. Lungun noma partangis ni halahi jana diandungi halahi bagianmi.

JEHESKIEL 32:18

“Ale anak ni jolma, mangandung ma ho hara ni rayat na di Mesir. Tongoskon ma halahi tu inganan ni jolma na mate rap dohot angka luat na gogo-gogo na asing i.

HAKIM-HAKIM 9:27

Kehe ma halahi mamutik anggur di angka kobun anggur, lalu mambaen anggur siinumon jana mambaen pesta. Mangan minum ma halahi di inganan pamelean ni debata ni halahi lalu disumpai halahi ma si Abimelek.