JESAYA 16:7 - BIBEL JAMITA NA DENGGAN

⁷ Mangandungi ma Moab hara ni pardangolanna. Martangisan ma halahi sude muda taringot tu sipanganon na tabo na somal dipangan halahi di kota Kir-Hareset. Mandele ma halahi jana humolos.

JESAYA 16:7 ပူးပေါင်းရင်းမြစ်များ

2 RAJA-RAJA 3:25

angka kota ni halahi pe dironcohon ma. Sandok ladang na napu na nibolus ni halahi, didangguri halahi ma dohot batu. Ujungna sude ladang gok batu noma. Disumpol halak Israel muse ma sude mual ni aek jana ditabai halahi ma bona ni suan-suanan. Hum kota Kirhareset noma na tinggal, i ma kota sabungan ni Moab. Ujungna dihobuk muse ma kota i, didangguri angka pandangguri ma dohot batu.

1 JUJUR TAON 12:40

Sian angka marga na dao di Utara, i ma Marga Isakar, Zebulon dohot Naftali marroan be ma marobani sipanganon: topung, batu ni ara, kismis, anggur dohot miak zetun. Halode ma dibaen marobansa dohot unto, bagal dohot lombu. Laing maroban lombu do halahi dohot biri-biri sisambolon baen panganon. Sudena i pataridahon jop ni roha ni rayat i ma di Israel sudena.

1 JUJUR TAON 16:3

lalu dibagi-bagihon ia ma panganon tu halak sude. Sude halak na adong disi maruli roti, juhut panggang dohot kue kismis.

JESAYA 16:11

Hara ni arsakku hutangisi do Moab, jana huarsakkon do Kir-Heres.

JESAYA 8:19

Tapi muda di dokkon halak tu hamu: “Pangido ma piruang tu angka tondi dohot tu angka datu na marhusipi jana mubit-ubit,” alusi ma: “Nada he patut sada bangso mangido piruang tu debatana? Sanga na angkon do mangido piruang tu jolma na dung mate domu tu haporluan ni jolma na mangolu?”

JEREMIA 48:20

Alusan ni halahi ma, ‘Madung madabu Moab jana gabe marlayas, hara ni i tangisi hamu ma da ia. Pabotohon ma sapanjang Batang aek Arnon paboa na dung maropuk Moab.’ ”

JEREMIA 48:31

Patunda ni i tangisanku noma ganop be sian hamu, tangisanku noma angka halak na di Kirheres, kota hagodanganmunu i.