JESAYA 16:2 - BIBEL JAMITA NA DENGGAN

² Songon unggas na diayak sian asarna, songon i ma bujing-bujing ni Moab pahae-pahulu di topi ni Batang aek Arnon.

JESAYA 16:2 ပူးပေါင်းရင်းမြစ်များ

2 RAJA-RAJA 3:4

Jadi adong do parmahanan ni biri-biri ni si Mesa raja ni Moab. Ganop taon, sai dilehen ia do anak ni biri-biri 100.000 dohot imbulu ni 100.000 biri-biri jantan songon pajakna tu raja ni Israel.

PODA 26:2

Songon unggas na habang di awang-awang jana hum na mamolus sajo, nada tarbaen hona bura halak muda na so marsala do.

PODA 27:8

Halak na manadingkon bagasna, tudos tu unggas na maninggalkon asarna.

JESAYA 13:14

Halak na asing na maringanan di Babel lari ma i tu luatna be; marserak noma halahi songon ursa na marlojong sian parburu sanga songon biri-biri sahulanan na so marparmahan.

JEREMIA 48:20

Alusan ni halahi ma, ‘Madung madabu Moab jana gabe marlayas, hara ni i tangisi hamu ma da ia. Pabotohon ma sapanjang Batang aek Arnon paboa na dung maropuk Moab.’ ”

JEREMIA 48:46

Marjaya ma Moab! Halak na manginganisa na marsomba tu Debata Kamos ditimpaskon, jana angka dakdanak ni halahi madung ditaban jana dioban.

JEREMIA 48:9

Lehen ma habong tu Moab anso kehe ia habang; angka kotana angkon gabe lobu, nada adong na manginganisa.”

BILANGAN 21:29

Iale halak Moab na marjaya! Marmara ma ho bangso na mardebatahon Kamos! Dipadiar debatamu ho gabe mangungsi. Dadaborumunu ditaban raja Amori.

PANGARATAION 2:36

Dipadiar Tuhan Debata do hita mangarampas kota i sudena, mamungka sian Aroer, di topi ni Batang aek Arnon, dohot kota na di tonga ni rura i, di sude dalan na tu Gilead. Nada adong kota na matogutu tembokna di hita.

PANGARATAION 3:12

“Dung gabe hita nampuna tano i, hupasahat ma tu Marga Ruben dohot Gad luat na di Utara ni kota Aroer na di lambung ni Batang aek Arnon, dohot deba tano partoran Gilead dohot angka hutana.

PANGARATAION 3:8

Di hatiha i ma tabuat sian raja ni halak Amori na dua i tano na di Habincaran ni Batang aek Jordan, dohot Batang aek Arnon lalu tu Dolok Hermon. (

JOSUA 13:16

Lalu do tano ni halahi tu Aroer (na di topi ni Batang aek Arnon) dohot kota na di tonga-tonga ni rura i lopus tu napa na gincat sudena na humaliang Medeba;

HAKIM-HAKIM 11:18

Dung i ditoruskon halahi pardalananna mamolus parhorsihan, tapi nada mamolus be sian daerah ni Edom dohot Moab, tapi mangaliati ma dalan ni halahi lopus lalu tu Habincaran ni Moab, di bariba ni Batang aek Arnon. Marbandar ma halahi disi, tapi nada taripar batang aek i harana masuk tu daerah ni Moab noma i.