JESAYA 15:9 - BIBEL JAMITA NA DENGGAN

⁹ Di kota Dibon gabe marrarai aek ni batang aek i hara ni na marcampur mudar. Jana paroonKu dope angka pangalaho na jumorbut maradopkon angka jolma na disi. BaenonKu dope singa laho manyoro angka jolma na kehe sian Moab, dohot na teba di luat i.

JESAYA 15:9 ပူးပေါင်းရင်းမြစ်များ

2 RAJA-RAJA 17:25

Dimulana maringanan halahi disi, nada dipasangap halahi Tuhan, i ma dalanna umbaen na diparo Tuhan angka singa manyoroi deba sian halahi.

JESAYA 15:8

Sanga na di dia pe parbalohan ni Moab, habegean ma sora ni na tangis. Tarbege do pangandungna i di Eglaim dohot Beer-Elim.

JEREMIA 15:3

Au Tuhan, madung Hutontuhon opat pangalaho na jorbut giot masa tu halahi; marmatean ma halahi di parporangan, sarat-saraton ni anjing ma bangke ni halahi, papanganan ni unggas jana pangabison ni binatang panyoro.

JEREMIA 50:17

Didok Tuhan ma, “Tudos do halak Israel dohot biri-biri sahulanan na hona kojar jana na marserak dibaen singa. Mula-mulana ro ma raja ni Asur manyerang halahi, dung i ro muse ma si Nebukadnesar manyingkili holi-holi ni halahi.

HAMALIMON 26:18

Muda dung ditaon hamu sudena i, hape laing so dioloi hamu Au, Hutamba ma uhum tu hamu pitu lipat.

HAMALIMON 26:24

Au ma alomunu manguhum hamu pitu lompit umborat sian parjolo.

HAMALIMON 26:28

mardongan muruk aloonKu hamu. Dung i Huuhum hamu pitu noli dumokdok sian na parjolo i.

AMOS 5:19

Tudos tu halak na marlojong sian singa do pangalahona, hape marsuo dohot gompul. Sanga songon halak na mulak tu bagasna, jana ditungkolkon tanganna tu tembok lalu diturbing ulok!

BILANGAN 21:30

Marmara ma saonnari pomparanna. Sian Hesbon tu Dibon daona. Sian Nasim tu Nofah donokkon ni Medeba.”