JESAYA 15:4 - BIBEL JAMITA NA DENGGAN

⁴ Mangangguhi ma halak Hesbon dohot Eleale jana habegean do angguk ni halahi i lalu tu Jahas. Salang angka tentara pe humitir do; manyikur be hara ni biarna.

JESAYA 15:4 ပူးပေါင်းရင်းမြစ်များ

PAMUNGKAAN 27:46

Jadi didok si Ribka ma tu si Ishak, “Loja do da au paida-ida angka ripe ni si Esau na sian boru ni bangso na asing i. Anggo dohot noma si Jakob muse mambuat boru ni halak Het, gumonan noma da mate iba.”

1 RAJA-RAJA 19:4

jana kehe ma ia dalanan pat sadari daona tu parhorsihan jana maradian ma ia di toru ni hayu na rumbun. Juguk ma ia disi jana gumonan noma mate ning rohania. “Nada tahan au be on Tuhan,” ning ia tu Tuhan. “Buat ma da hosangkon, dumengganan noma au mate!”

JEREMIA 20:18

Biasi he angkon sai tubu au? Hum anso marhancit dehe jana hasusaan? Dohot anso ngolungku marsalpuan hum di bagasan hahaila?

JEREMIA 48:21

“Madung didabu uhuman di angka kota na di luat ni napa na gincat: Tu Holon, Jahas, Mefaat.

JEREMIA 48:34

Martangisan ma halak na di Hesbon dohot Eleale jana tarbege partangis ni halahi i lalu tu Jahas, jana habegean muse do tu angka jolma na sian Zoar lopus tu Horonaim dohot Eglat Selisia. Tangis halahi hara ni na mahiang muse aek di anak ni Batang aek Nimrim.

JEREMIA 8:3

Jadi sanga ise halak na laing mangolu sian bangso na jahat na Husarsarkon on sun tu dia, gumonan noma dihilala halahi mate ulang pado mangolu. Au Tuhan Na Markuaso, madung mandok songon i.”

JUNUS 4:3

Saonnari ale Tuhan, padiar ma mate au, angke gumonan noma au mate ulang pado mangolu.”

JUNUS 4:8

Dung bincar mataniari, diparo Debata ma alogo na milas na mangombus sian Habincaran. Giot tarkatos ma si Junus hara ni pandoit ni mataniari i songon dia na manutung ulunia. Gabe mandele ma ia jana por rohania sugari mate. Ning ia ma, “Gumonan noma da iba mate ulang pado mangolu!”

BILANGAN 11:15

Muda laing songon i do baenonMu Tuhan tu au, ibo ma rohaMu, gonan ma au bunu anso ulang hutaon be parkancitan na niampehonMon tu au.”

BILANGAN 21:23

Tapi nada diloas Raja Sihon boluson ni halak Israel luatna i. Dipalagut ia ma tentarania lalu kehe tu Jahas di halongonan laho mangalo halak Israel disi.

BILANGAN 21:28

Jungada ma sanoli di kota i, tentara ni si Sihon maju songon api. Kota Ar di Moab dironcohonsa. Angka tor saginjang ni Arnon ditolonsa.

PANGARATAION 2:32

Jadi ro ma si Sihon dohot sude parangannia laho mamorangi hita di lambung ni kota Jahas,

JOSUA 13:18

Jahas, Kedemot, Mefaat,

HALUMBAAN 9:6

Anggo na lima bulan i maradu mate ma nian giot ni jolma i, hape nada tarbaen halahi mate; por roha ni halahi nian anso mate, hape dao do hamatean i sian halahi.

HAKIM-HAKIM 11:20

Tapi nada dipaloas si Sihon halahi. Dihara ia do sude tentarania lalu mambaen markas di Jahas, dung i diporangi halahi ma Israel.