JESAYA 15:2 - BIBEL JAMITA NA DENGGAN

² Manangkok ma tu dolok halak Dibon laho mangandungi di inganan pamelean ni angka debata. Di bagasan hancit ni roha andungan ni halak na di Moab ma kota Nebo dohot Medeba. Marcukur ulu ma halahi dohot janggut tanda ni na marhabot ni roha.

JESAYA 15:2 ပူးပေါင်းရင်းမြစ်များ

2 SAMUEL 10:4

Jadi gabe ditangkup si Hanun ma suruan ni si Daud i; dicukur ia ma janggutna i sabariba, digotap ia pakeanna i mamungka sian panggulna i, dung i baru ma disuru ia halahi kehe.

1 JUJUR TAON 19:4

Jadi ditangkup si Hanun ma suruan ni si Daud i, dicukur ma janggut ni halahi sasabariba, diponggol ma pakean ni halahi mamungka sian tonga-tonga lalu tu pangkal ni hae-haena, dung i disuru ma halahi kehe.

JOB 1:20

Jadi jongjong ma si Job, jana disibakkon ia ma pakeannia tanda ni marsakna. Dicukur ia ma ulunia, marsomba ma ia mandok,

JESAYA 14:31

Martangisan ma hamu, jana marsurahi mangido tolong, hamu ale angka kota ni Pilistin! Humitir ma hamu sugari nian mabiar! Marbual-bual do abuan sian Utara tanda ni haroro ni tentara na garang-garang; nada adong sahalak pe sian halahi parbiar.

JESAYA 15:3

Mamake abit goni ma halak di dalan-dalan i tanda ni habot ni roha; di tano lapang dohot di tarup ni bagas, mangandungi jana martangisan halak.

JESAYA 16:12

Marloja-loja halak Moab manganangkohi tor tu inganan paribadatan ni halahi laho martangiang, hape nada adong gunana.

JESAYA 16:7

Mangandungi ma Moab hara ni pardangolanna. Martangisan ma halahi sude muda taringot tu sipanganon na tabo na somal dipangan halahi di kota Kir-Hareset. Mandele ma halahi jana humolos.

JESAYA 22:12

Suruon ni Tuhan, Tuhan Na Markuaso i ma hamu tangis dohot mangandungi, marcukur ulu dohot mamake abit goni di hatiha i.

JESAYA 3:24

Gabe muap busuk ma angka na huskus i, tali ma gonti ni bobat, ulu ni halahi na marobuk na jeges i gabe palpalon noma, angka pakean ni halahi na jeges-jeges i pe gontion ma dohot pakean na mardarang-derung; jana tihas ma gonti ni hajegeson i.

JEREMIA 3:21

Tarbege do sora ni na gaor di puncu ni angka dolok; i ma sora ni halak Israel na martangisan jana mangido-ido hara ni na dung mardosa halahi jana lupa tu Tuhan Debata ni halahi.

JEREMIA 47:2

Didok Tuhan, “Ligi da, mardalan do aek sian Utara jana mangalantap songon aek magodang na mangalingkup tano i dohot isina, angka kota dohot halak na manginganisa. Mangangguhi ma halak mangido tolong jana mangandungi ma rayat sudena.

JEREMIA 47:5

Dondonan ni arsak na godang ma halak Gasa; Askelon manguntam. Sadia honok ulaning halak Pilistin na teba i sai manyaroso?

JEREMIA 48:1

On ma na nidok ni Tuhan Na Markuaso i, Debata ni Israel taringot tu Moab, “Marjaya ma halak Nebo, madung marumpak kotana i. Dirampas do Kiryataim jana dironcohon bentengna i, gabe maila ma antong halak na maringanan disi,

JEREMIA 48:18

Hamu halak Dibon, mijur ma hamu sian inganmunu na sangap i, di tano i ma hamu juguk dohot di abuan i. Dibaen madung lalu na manyegohon tanomunu Moab, jana roncohononna noma bentengmu sudena.

JEREMIA 48:31

Patunda ni i tangisanku noma ganop be sian hamu, tangisanku noma angka halak na di Kirheres, kota hagodanganmunu i.

JEREMIA 48:35

Giot antahonKu halak Moab manutung haul di angka inganan pamelean ni halahi jana antahonKu halahi mamelehon haul tu angka debata ni halahi. Au Tuhan, madung, mandok songon i.

JEREMIA 49:3

Hamu ale halak Hesbon, tangis ma hamu dibaen madung maronco kota Ai! Hamu angka dadaboru na sian kota Raba, mangandungi ma hamu! Marabit goni ma hamu tanda ni siluluton. Marlojongi ma hamu pahae-pahulu gok ponjot ni roha. Obanon noma Milkom debatamunu i tu habuangan rap dohot angka malim dohot angka pamimpinna.

JEREMIA 7:29

Didok Tuhan, “Ale halak Jerusalem, marsiluluton ma hamu! Gusting ma obukmu jana ambungkon ma i! Endehon hamu ma ende andung di puncu ni dolok di partoran. Au Tuhan, dibaen hamu gabe gusar saonnari gabe Hutulak hamu sudena.

JEHESKIEL 27:31

Hara ni ho dicukur halahi uluna mamake abit goni hara ni gok ni arsakna. Lungun noma partangis ni halahi jana diandungi halahi bagianmi.

JEHESKIEL 30:2

“Ale anak ni jolma, manyurirangi ma ho jana dokkon ma, “Songon on ma hata ni Tuhan Debata, mangandung ma ho: I ale! Madung ro arina.

JEHESKIEL 7:18

Marabit goni ma halahi jana humitir ma sude pamatangna i. Cukuron ma ulu ni halahi jana pailaon halahi.

HAMALIMON 13:40

Muda adong sada halaklahi na palpalon sabola sian pudi sanga sabola sian jolo di uluna, nada ramun halahi hara ni palpalna i.

HAMALIMON 21:5

Sada halak malim nada tola cukuronnia sanga di dia pe di ulunia, nada tola pangkasonnia janggutnia sanga manggurati pamatangnia dohot barang na tajom laho paboahon na marsak ia.

AMOS 8:10

PaubaonKu ma angka ari pestamunu gabe siluluton, jana angka ende-endemunu gabe andung. BaenonKu ma hamu marcukur obuk dohot mamake abit goni tanda ni arsak. Gabe songon na tobang-tobang na manangisi parmate ni anakna sisada-sada ma hamu. Marujung ma ari i di bagasan arsak na lobi godang.

BILANGAN 21:28

Jungada ma sanoli di kota i, tentara ni si Sihon maju songon api. Kota Ar di Moab dironcohonsa. Angka tor saginjang ni Arnon ditolonsa.

BILANGAN 21:30

Marmara ma saonnari pomparanna. Sian Hesbon tu Dibon daona. Sian Nasim tu Nofah donokkon ni Medeba.”

BILANGAN 32:3

“Tano di kota Atarot, Dibon, Jaeser, Nimra, Hesbon, Eleale, Sebam, Nebo dohot Beon, na dung diingani halak Israel marhite pangurupi ni Tuhan denggan situtu inganan i parpahan-pahanan, jana bahat sajo do pahan-pahanannami,

BILANGAN 32:38

Nebo, Baal-Meon (digonti do goar ni kota on dohot Sebam). Angka kota na nipauli ni halahi mangulahi digonti halahi dohot goar na imbaru.

PANGARATAION 14:1

“Bangso ni Tuhan Debatamunu do hamu. Jadi muda marsiluluton hamu salaho tu halak na monding, ulang ma jomahi hamu kulitmunu, sanga dicukur hamu ulumunu sian jolo songon na nibaen ni angka bangso na asing.

PANGARATAION 34:1

Dung i kehe ma si Musa sian napa ni Moab jana manangkok ma ia tu Dolok Nebo, tu puncut ni Dolok Pisga na di Habincaran ni Jeriko. Disi ma dipatuduhon Debata luat i sude tusia, i ma: Tano Gilead di Utara lopus tu kota Dan;