JESAYA 15:1 - BIBEL JAMITA NA DENGGAN

¹ On ma Tona Ni Debata salaho tu Moab. Madung dironcohon kota Ar dohot Kir di bagasan saborngin, jana mamolngit ma Luat Moab.

JESAYA 15:1 ပူးပေါင်းရင်းမြစ်များ

2 RAJA-RAJA 3:25

angka kota ni halahi pe dironcohon ma. Sandok ladang na napu na nibolus ni halahi, didangguri halahi ma dohot batu. Ujungna sude ladang gok batu noma. Disumpol halak Israel muse ma sude mual ni aek jana ditabai halahi ma bona ni suan-suanan. Hum kota Kirhareset noma na tinggal, i ma kota sabungan ni Moab. Ujungna dihobuk muse ma kota i, didangguri angka pandangguri ma dohot batu.

JESAYA 11:14

Rap mamorangi noma halahi tu halak Pilistin na di Hasundutan jana mangarampasi angka bangso na di Habincaran. Taluhonon ni halahi ma bangso Edom dohot Moab, dohot bangso Amon pe tunduk ma tu halahi.

JESAYA 13:1

On ma tona ni Debata na nijagit ni si Jesaya anak ni si Amos, taringot tu Babel:

JESAYA 14:28

On ma tona na nipabotohon di taon hamamate ni Raja Ahas.

JESAYA 16:11

Hara ni arsakku hutangisi do Moab, jana huarsakkon do Kir-Heres.

JESAYA 16:6

Didok bangso Juda ma, “Madung hami bege sanga songon dia ginjang ni roha ni Moab. Hami boto do na gakgak halahi jana na bunggal, hape hatana na teal i na so marisi bagi aha do i.”

JESAYA 16:7

Mangandungi ma Moab hara ni pardangolanna. Martangisan ma halahi sude muda taringot tu sipanganon na tabo na somal dipangan halahi di kota Kir-Hareset. Mandele ma halahi jana humolos.

JESAYA 25:10

Ondihonon ni Tuhan ma Dolok Sion, tapi anggo Moab dege-degeonNia do songon durame di inganan ni rompak.

JESAYA 25:12

RumpakkononNia ma angka benteng ni Moab dohot angka tembokna na gincat-gincat i pe lopus magopu songon abuan.

BILANGAN 21:28

Jungada ma sanoli di kota i, tentara ni si Sihon maju songon api. Kota Ar di Moab dironcohonsa. Angka tor saginjang ni Arnon ditolonsa.

PANGARATAION 2:18

‘Sadari on bolusonmunu ma Luat Moab, mamolus sian dalan Ar.

PANGARATAION 2:19

Jadi madung donok hamu tu tano ni halak Amon, pomparan ni si Lot. Ulang hahua hamu sanga porangi hamu halahi, harana sian tano na dung Hulehen di halak i, saotik pe nada adong na giot lehenonKu di hamu.’ ” (

PANGARATAION 2:9

Didok Tuhan tu au, ‘Ulang hahua hamu halak Moab pomparan ni si Lot i, jana ulang porangi hamu. Na dung Hulehen do kota Ar di halahi jana sian tano ni halahi i, saotik pe nada lehenonKu i di hamu.’ ” (