JESAYA 14:7 - BIBEL JAMITA NA DENGGAN

⁷ Ujungna gabe aman jana dame noma sude portibi on, jana marende ma sude jolma marjop ni roha.

JESAYA 14:7 ပူးပေါင်းရင်းမြစ်များ

MASMUR 47:1

Martopapi ma hamu marjop ni roha, hamu angka bangso sudena! Puji hamu ma Debata mardongan surak-surak!

MASMUR 98:1

Endehon hamu ma ende na imbaru di Tuhan, angke hahomangan situtu do pambaenanNia. Marhite kuaso dohot hagogoonNia sandiri dapot Ia do hamonangan.

PODA 11:10

Jagar do kota muda marrasoki halak na jujur; muda mate halak na jahat, marsurak-surak halak na bahat.

JESAYA 21:2

Madung dipatuduhon tu au taringot tu na jorbut na giot masa, halumbaan taringot tu hajahatan dohot hasesegona. Maju ma hamu parangan ni Elam, roro ma! O hamu parangan ni Madai, hobuk hamu ma angka kota i! Na giot paujungonKu noma sude pardangolan na nibaenan ni Babel.

JESAYA 49:13

Marende ma ho, o langit, marsurak ma ho ale portibi, marsurak angka dolok marendei. Ro Tuhan mangapoi bangsoNia i, dihaholongi Ia bangsoNia angka na susa.

JEREMIA 51:48

Sandok na adong di langit dohot di tano on marsurak-surak ma marmoga-moga muda dung madabu Babel tu tangan ni bangso na sian Utara i na ro mangaroncohonsa.

JEHESKIEL 35:14

Au Tuhan Debata mandok: Marjop ni roha ma na satano on muda jabat Hubaen sude tanomi gabe padang na mangalungun.

ZAKARIA 1:11

Dipaboa halahi ma sude tu Surusuruan i, “Madung hami bolusi sude sisik ni portibi on, hape na sonang do sude tano on hara ni na dung ditaluhon.”

HALUMBAAN 18:20

Marjop ni roha ma hara ni ia, ale banua ginjang, dohot hamu halak na badia, angka rasul dohot angka panurirang, harana madung diuhumi Debata ia hara ni pambaenannia maradopkon hamu!