JESAYA 14:1 - BIBEL JAMITA NA DENGGAN

¹ Giot asian ni Tuhan ma Israel bangsoNia i, jana manodo halahi mangulahi gabe nampunaNia. Giot baenonNia ma halahi mangulahi maringanan di tano ni halahi sandiri. Marroan ma halak na asing jana maringanan disi rap dohot halahi.

JESAYA 14:1 ပူးပေါင်းရင်းမြစ်များ

ESTER 8:17

Songon i muse di sandok kota dohot propinsi, sanga na di dia tehe disise surat parenta ni raja i, marjop ni roha ma angka halak Jahudi, marsonang-sonang maradu marpestai. Bahat muse dope sian jolma i na masuk gabe bangso Jahudi dibaen mabiar do halahi mida bangso i.

MASMUR 102:13

Giot jongjong do Ho jana manghaholongi Sion, madung dapot hatihana maribo roha Ho tusia.

MASMUR 102:14

Dibaen holong do roha ni angka naposoMu midasa, haru pe madung tinggal sego-sego sajo noma i. Ibo roha ni halahi midasa, haru pe ia madung gabe abu.

MASMUR 143:12

Bunu ma sude na mamparhanciti au, dibaen holong do rohaMu di au. Matehon ma sude na manyosak au, dibaen naposoMu do au.

MASMUR 98:3

Ditiop Ia do janjiNia tu Israel, bangsoNa i, dibaen sai holong do rohaNia jana setia tu halahi. Sude bangso di portibi madung marnida haluaan na sian Debatanta.

JESAYA 19:18

Anggo di hatiha i, pakeon ma hata Ibrani di lima kota ni Mesir. Marsumpa mangasahon goar ni Tuhan Na Markuaso i noma angka halak na maringanan disi. Goaron ma sada sian kota na lima i “Kota Mataniari”.

JESAYA 21:1

Songon on ma alatan taringot tu Babel: Songon halingsungsung na mardonging na mamolus di parhorsihan, songon i ma haroro ni parmaraan sian luat sihabiaran.

JESAYA 27:6

Tu hatiha na giot ro, marurat ma pinompar ni si Jakob.

JESAYA 41:8

Tapi anggo ho ale Israel, naposo todoan ni rohangKu, pomparan ni si Abraham do ho, ale-alengKu.

JESAYA 41:9

Ho na dung Hubuat sian angka sundut ni tano on, jana Hupio sian suhi-suhina. Hudok ma tu ho: ‘NaposongKu do ho, madung Hupili ho jana nada tulahonKu be ho.’

JESAYA 44:1

“Tangihon ma ale Israel, naposongKu, pomparan ni si Jakob bangso na nitodo ni rohangKu.”

JESAYA 45:14

Ninna Tuhan ma tu Israel: “Buat ma di ho arta ni Mesir dohot Sudan. Angka halak Seba na tongam i gabe hatoban, mardalan di pudimu halahi marrante-rante. Marsomba ma halahi, lalu dokkononna, ‘Debata mandongani ho; hum Ia do tutu Debata!

JESAYA 47:1

“Mijur jana juguk ma ho di gincat ni orbuk, ale bujing-bujing, boru Babel! Juguk ma ho di gincat ni tano, jana nada be marhabangsa, ale boru Kasdim! Harana nada be dohonon ho na jogi jana na jeges.

JESAYA 49:10

Nada malean halahi sanga manguas, alogo na milas dohot mataniari na mamilngas pe nada hona tu halahi, Au na manghaholongi halahi, sai mandongani, jana tu angka mual na gok aek toguonKu halahi.

JESAYA 49:13

Marende ma ho, o langit, marsurak ma ho ale portibi, marsurak angka dolok marendei. Ro Tuhan mangapoi bangsoNia i, dihaholongi Ia bangsoNia angka na susa.

JESAYA 49:15

Dialusi Tuhan, ning Ia ma, “Adong ma he lupa sada ina, di anak na nitubuhonna? Dohonon ma he na so holong rohania di anaknia sandiri? Haru pe sugari lupa ina di dakdanakna tapi Au Tuhan, tu hamu nada ra lupa.

JESAYA 49:25

Dialusi Tuhan ma, “Songon i ma na giot tarjadi. Rampason ma mangulahi na nitaban ni angka ulubalang. Jana rampason mangulahi na nisamun ni jolma na togos. Musumu aloonKu; jana angka dakdanakmu paluaonKu.

JESAYA 49:7

Maradopkon halak na tarlobi dipalayas, jana na nihagigihon ni angka bangso, boti na gabe naposo ni angka parkuaso, didok Debata Sipalua ni Israel: “Idaon ni angka raja ma pambaenanKu; jongjong ma halahi mamparsangapi Au. Laing idaon ni angka parkuaso muse ma i, lalu marsinggang ma marsomba halahi.” Tarjadi ma sudena i hara ni Tuhan na setia, Debata Na Badia ni Israel madung manodo naposoNa.

JESAYA 54:3

Pabidangonku ma tanomu tu siamun dohot siambirang, kota lobu gabe sumuang niinganan. Madung dijuguhi bangso na asing luatmunu tapi mulak do luat i gabe nampunamunu.

JESAYA 55:7

Sai dipauba parjahat ma ngoluna, jana dipadenggan ma rohana. Sai mulak ma ia tu Tuhan Debata, angke paribo roha do Ia jana manigor do ampunanNa ia.

JESAYA 56:3

Halak na asing na dung margabung dohot bangso ni Tuhan, ulang pola didok, “Nada paloason ni Tuhan da au marsomba tuSia rap dohot bangsoNia.” Halak na dung dipaias indangkon pola marpikir ia na so tarbaen ia gabe anggota ni bangso ni Tuhan, hum hara ni na so bisa be ia marpomparan.

JESAYA 60:10

“Bangunon ni halak sileban ma tembokmu mangulahi, jana angka raja noma mangoloi ho disi. Najolo Huuhumi ho hara ni murukKu, tapi saonnari tumbuk do ho siiboan ni rohangKu.

JESAYA 60:14

Ro ma angka dakdanak ni na mamparkanciti ho marsomba tu jolomu na dung jungada mangalayasi ho mamparsangapi jana tunduk, ‘Sion, Kota Ni Debata Na Badia ni Israel’, ‘Kota Ni Tuhan’, songon i ma ho nigoaran.

JESAYA 66:20

Sian angka luat i obanon ni halahi ma mulak angka kahanggimu sabangso songon silua di Au. Obanon ni halahi ma angka jolma i tu dolokKu na Badia di Jerusalem mangalombut kudo, halode dohot unto, dohot na markareta maradu dohot na marpadati; songon na somal halak Israel maroban tu Bagas Ni Tuhan haul gandum di bagasan inganananna na ias.

JEREMIA 16:15

tapi mangasahon Au Debata na mangolu, na maroban halak Israel ruar sian sada luat na di Utara dohot sude luat na asing sanga na di dia halahi Hupaserak. ObanonKu ma halahi mangulahi mulak tu bona bulu ni halahi, luat na dung Hulehen tu ompu ni halahi.”

JEREMIA 29:14

Tutu do, dumpang hamu ma Au. Palagut-lagutonKu ma hamu sian tonga-tonga ni sandok bangso sian ganop luat inganan parserahanmunu dohot habuanganmunu. ObanonKu ma hamu tu tano asalmunu on jana pasuangonKu pangalahomunu. Au Tuhan, madung mandok songon i.’

JEREMIA 30:8

Didok Tuhan Na Markuaso i do, “Muda dung dapot ari i, tipulkononKu ma auga na dibaen tu tangkuhuk ni halahi i jana rante ni halahi Hutalduskon. Nada be gabe hatoban ni halak na asing halahi.

JEREMIA 31:4

PadengganonKu ma mangulahi parngoluonmunu. Sanoli nari buatonmunu ma rapano jana manortor ma hamu marjop ni roha.

JEREMIA 50:33

Didok Tuhan Na Markuaso i ma, “Rap marhancit do Israel dohot Juda. Sude na manaban halahi manjagoi halahi pir pambaenanna jana nada ra paluahon halahi.

JEREMIA 51:51

Didok hamu do, ‘Dilayasi do hami jana dipaila, nada marbohi hara ni na nijuguhan ni angka halak sileban inganan na badia di bagasan Bagas Ni Tuhan.’

JEHESKIEL 16:60

Tapi ingotonKu do parjanjian na dung Hubaen dohot ho taran di haposoonmu dohot na mambaen parjanjian na hot dohot ho salolot-lolotna.

JEHESKIEL 47:22

jana nampunamunu noma tano i salolot-lolotna. Angka halak sileban na dung hot maringanan di tonga-tongamunu jana na adong dakdanakna na sorang dison, angkon maruli bagian do di tano i. Angkon etongon do halahi songon anggota na gok di bangso Israel, jana angkon dohot do halahi undion anso maruli tano di hatiha dibaen pambagian ni tano i di angka marga-marga ni Israel.

ZAKARIA 1:17

Ulahi muse ma martingting mandok, “Songon on do hata ni Tuhan Na Markuaso, ‘Murrarat dope angka kotangKu baenon jana lobian dipasupasu, jana ulahan ni Tuhan Na Markuaso i ma mangapoi Sion jana mimili Jerusalem.’ ”

MALEAKI 1:11

Dipasangap angka bangso na di tano on do Au sudena. Sanga na di dia ditutung halahi do dupa laho pasangapkon Au jana dihaulkon halahi do angka haul na patut tu Au. Olo! sude do halahi pasangapkon Au!”

LUKAS 1:54

Dilehen Ia pangurupion tu Israel, naposoNia i, angke giot digohi Ia janjiNia tu angka ompunta.

LUKAS 2:32

i ma sinondang na manyondangi angka bangso na asing, jana gabe hamuliaan di bangsoMu, Israel.”