JESAYA 13:8 - BIBEL JAMITA NA DENGGAN

⁸ Didondoni biar ma halahi sudena jana marngeati hancitan, songon ina na manubuhon dakdanak. Marsiligi-ligian ma halahi sak be rohana, marrarai bohina i hara ni ilana.

JESAYA 13:8 ပူးပေါင်းရင်းမြစ်များ

2 RAJA-RAJA 19:26

Umpe margogo angka jolma na manginganisa, tarsonggot jana mabiar be noma halahi. Songon ruput na di padang i noma halahi sanga songon ruput na tubu di tarup ni bagas, na malos dipangombus ni alogo na milas na sian Habincaran.”

MASMUR 48:7

Songon kapal na dumaol-daol diombus alogo.

JESAYA 26:17

Songon dadaboru na giot tubu-tubuan marngeati jana marsurak dibaen hancitan, songon i hian ma hami di adopanMu, ale Tuhan.

JEREMIA 13:21

Giot aha ma he dokkononmu anggo angka jolma na nietong ni rohamunu angka donganmunu, hape manaluhon dohot mangarajai hamu? Musti hancitan hamu songon dadaboru na giot manubuhon dakdanak.

JEREMIA 30:6

Uji hamu ma jolo mamikiri dohot pamanatkon! Tarbaen ma he halaklahi manubuhon dakdanak? Antong anggo songon i, biasi Huida ganop halaklahi marbohi na langan boti jana maniop butuhana dohot tanganna songon dadaboru na giot manubuhon anakna?

JEREMIA 4:31

Tarbege do tu au sora ni angguk-angguk songon sora ni ina na giot tubu-tubuan; songon dadaboru parsaurangan na manubuhon dakdanakna, songon i ma sora ni boru Sion mongkik-ongkik. Gapa-gapa tanganna i jana sai humolos-holos ia, “Marjaya ma au on – hona bunu au dibaen musu!”

JEREMIA 46:5

Tapi bia do ninna Tuhan! “Munduk do halahi Huida hara ni na tarsonggot. Madung dipukul mundur angka tentara ni halahi, biar sajo roha ni halahi, gabe mangido halahi jana nada manaili tu pudi.

JEREMIA 48:41

Rampasonna ma angka kota dohot angka bentengna, jana mabiar ma tentarana i songon ina na giot di api.

JEREMIA 49:22

Songon halihi na habang, songon i ma panyoro ni musu i tu Bosra. Di ari i, mangae ma tentara ni Edom songon dadaboru na giot hipas.”

JEREMIA 49:24

Gabe gale halak na maringanan di Damaskus jana marlojongi hara ni biarna. Hancitan halahi jana mardangol songon dadaboru na giot hipas.

JEREMIA 50:43

Umbege barita i raja Babel gabe manggalei. Didondoni biar ma ia, jana markancit, songon dadaboru na giot di api.

JEREMIA 51:30

Madung maradian tentara ni Babel marporang jana di angka benteng noma halahi tinggal. Ma pola mago habaranion ni halahi jana nada be margogo. Madung hona onjar angka pintu ni horbangan, jana disurbui angka bagas.

JEHESKIEL 20:47

Suru ma ditangihon harangan i sanga aha na Hudok, Au Tuhan Debata mandok tusia, ‘Tangihon! PagaraonKu ma api manyurbu sude hayu na adong di ho, na mahiang dohot na rata. Nada tarintopi api na gara-gara. Mangararati ma i sian Selatan tu Utara, jana hilalaon ni sude jolma do milasna.

HOSEA 13:13

Adong dope hatiha na denggan di Israel laho mangolu nian, tapi songon i ma antong otona gabe nada diparhasaya ari-ari i. Songon dakdanak na giot sorang do ia, tapi nada ra ia haruar sian bortian ni inangna.

JOEL 2:6

Muda mandonok halahi, sude halak mabiar, sude tompana langan jana lombam.

NAHUM 2:10

Gariang, hagariangon dohot parkancitan! Hancit ate-ate hara ni jorbutna. Humitir totna hara ni galena. Bohi i langan hara ni biarna.

JOHANNES 16:21

Muda giot sorang anak ni sada ina, marsak ma rohania hara ni na dung dapot hatihana manaon na hancit ia. Tapi disi sorang dakdanak i, manigor lupa ma ina i di na hancit i; marjop ni roha ma ia angke madung sorang sada dakdanak tu tano on.

1 TESSALONIKA 5:3

Muda hatiha didok halak, “Dame do sude jana marsonang-sonang,” jadi disi ma ompot didondoni hamagoan halahi! Nada tarbaen halahi be malua. Songon hancit ni pangkilalaan ni sada ina na giot hipas do hamamasa ni i.