JESAYA 13:7 - BIBEL JAMITA NA DENGGAN

⁷ Ganop halak hilalaonna ma tanganna gale jana heput.

JESAYA 13:7 ပူးပေါင်းရင်းမြစ်များ

MASMUR 58:7

Padiar ma mago halahi songon aek na maruas, songon ruput na malos na nidegean di dalan.

HARURUAR 15:15

Angka pamimpin ni Edom gabe manyogar halak Moab na gogo i gabe manyikur, angka halak Kanaan pe marroha heput.

JESAYA 19:1

On ma tona salaho tu Mesir. Ro do Tuhan tu Mesir manengget ombun na hipas. Humitir ma angka gana-ganaan ni Mesir di joloNia jana menek ma roha ni halak Mesir marnidasa.

JESAYA 37:27

Nada adong gogo ni angka jolma na maringanan disi; tarsonggot do halahi jana mabiar. Songon duhut na di padang-padang i do halahi sanga songon duhut na tubu di tarup, sanga gandum na malos hatiha so masak dope.

JESAYA 51:20

Di suhi-suhi ni ganop dalan, martinggangan angka anakmu abis be gogona. Songon ursa na hona jorat di bagasan tirangkap, taraso di halahi muruk ni Tuhan na santak.

JEREMIA 50:43

Umbege barita i raja Babel gabe manggalei. Didondoni biar ma ia, jana markancit, songon dadaboru na giot di api.

JEREMIA 51:30

Madung maradian tentara ni Babel marporang jana di angka benteng noma halahi tinggal. Ma pola mago habaranion ni halahi jana nada be margogo. Madung hona onjar angka pintu ni horbangan, jana disurbui angka bagas.

JEHESKIEL 21:12

Mangandung ma ho, ale jolma parsantongkinan, mangarar ma ho jana pio-pio! Angke madung hobas podang i mangalo bangsongKu. Angka pamimpin ni Israel rap dohot bangso i sudena tihamon ni podang i ma lopus marmatean. Jadi tompuk ma andoramu hara ni dangolna,

JEHESKIEL 21:7

Muda disapai halahi sanga hara ni aha umbaen na mangangguhi ho, dokkon ma na marsak ho hara ni barita na giot ro. Barita na mambaen mabiar roha ni halahi, gale tangan ni halahi jana humitir dugul ni halahi hara ni na mandele. Tutu do na dung dapot hatihana jana tarjadi do sudena i. Au Tuhan Debata madung mandok songon i.”

JEHESKIEL 7:17

Sandok jolma gabe gale ma tanganna i jana humitir dugulna i.

NAHUM 1:6

Ise ma he bisa martahan muda muruk Tuhan? Ise ma tarbaen malua sian hamumurukNa? Palalu hosom ma Ia manggasa-gasa masarsar do batu gabe abu di joloNia.

NAHUM 2:10

Gariang, hagariangon dohot parkancitan! Hancit ate-ate hara ni jorbutna. Humitir totna hara ni galena. Bohi i langan hara ni biarna.

NAHUM 2:11

Ma di dia kota i saonnari, kota na tudos tu liang parasaran ni singa i, inganan ni angka anak ni singa dilehen mangan, inganan situjuon ni singa boru-boru dohot jantan, inganan ni anak ni singa sonang so haribo-riboan?

JOSUA 2:11

Disi hami bege barita i, gabe sun ma biarnami. Ma pola mago habaranion nami hara ni hamu. Debata ni langit dohot tano do anggo Tuhan Debatamunu.