JESAYA 13:6 - BIBEL JAMITA NA DENGGAN

⁶ Mangandungi ma hamu, angke madung donok ari ni Tuhan i. Di ari i, paroon ni Tuhan Na Gumincat i ma hamagoan.

JESAYA 13:6 ပူးပေါင်းရင်းမြစ်များ

JOB 31:23

Nada na ra iba mambaen songon i, angke uhuman ni Debata mambaen heput roha disi.

JESAYA 10:25

Santongkin nari, sidung ma uhumanKu hamu, jadi pangabisonKu noma halahi.

JESAYA 10:3

Aha ma na giot baenonmunu di ari panguhuman, jana hatiha hasesego na giot ro sian sihadaoan? Tu ise ma ho kehe mangido pangurupion? Di dia ma he tabunihononmunu hakayoonmunu i?

JESAYA 13:9

Na giot ro ma ari ni Tuhan i, jana di ari i palaluon ni Tuhan i ma hagusaronNa dohot muruk ni rohaNa na tarlobi. Gabe halongonan ma portibi on, jana mago ma sanga ise halak pardosa.

JESAYA 14:23

Gabe ambar noma Babel baenonKu baen inganan ni sipauk. Ias ma haisonKu Babel. Tuhan Na Markuaso do Au, na dung mandok i.”

JESAYA 14:31

Martangisan ma hamu, jana marsurahi mangido tolong, hamu ale angka kota ni Pilistin! Humitir ma hamu sugari nian mabiar! Marbual-bual do abuan sian Utara tanda ni haroro ni tentara na garang-garang; nada adong sahalak pe sian halahi parbiar.

JESAYA 23:1

On ma alatan taringot tu Tirus: Mangandungi ma hamu, ale angka parlaut ni Tirus na mamolusi laut bidang jana na topet marlayar sian Siprus! Harana madung dironcohon Tirus, kota labuanmunu i; angka bagas dohot labuanmunu i madung gabe tinggal na sego.

JESAYA 34:2

Muruk do Tuhan tu sandok bangso dohot tu sude parangan ni halahi. Didabu Ia ma uhuman tu halahi jana pusaonNa ma halahi.

JESAYA 34:8

Disi ma hatihana paluaon ni Tuhan ma Sion jana palalu hosom ma Ia tu angka musuNia.

JESAYA 47:11

Tondongon ni parmaraan ma ho, nada margogo ajimetmi pasidingkonsa. Ro ma parmaraan tu ho, nada bisa so simbilkononmu i marhite manyombahon haul. Ompot ma ro hamamate tu ho, songon na so diambang rohamu.

JESAYA 52:5

Tapi saonnari, aha dope urusanKu di son? BangsongKu madung dirampas songon i sajo. Halahi na markuaso tusia, madung manyombong, songon i ma didok Tuhan, jana goarKu torus dipabile halahi ganop ari.

JESAYA 61:2

Diutus do au laho mamaritahon paboa na tibu noma Tuhan ro paluahon. PaluaonNia ma bangsoNa, jana musu ni halahi taluhononNa. Madung disuru Tuhan muse au laho mangapoi na marsak roha.

JESAYA 63:4

Madung Hutontuhon ari pamaloson; on ma hatihana halahi paluaon.

JESAYA 65:14

Marende ma halahi marjop ni roha, hape anggo hamu ngotngot tangis.

JEREMIA 25:34

Hamu angka pamimpin, dohot angka parmahan ni bangso ni Tuhan! Pagogo hamu ma partangismunu! Margiling-giling ma hamu di abu, dibaen madung dapot hatihana bunuon hamu; sambolon ma hamu songon biri-biri na dibante.

JEREMIA 49:3

Hamu ale halak Hesbon, tangis ma hamu dibaen madung maronco kota Ai! Hamu angka dadaboru na sian kota Raba, mangandungi ma hamu! Marabit goni ma hamu tanda ni siluluton. Marlojongi ma hamu pahae-pahulu gok ponjot ni roha. Obanon noma Milkom debatamunu i tu habuangan rap dohot angka malim dohot angka pamimpinna.

JEREMIA 51:8

Tompu ma madabu Babel lalu sarge. Tangisi hamu ma i, jana jalahi hamu ma ubat tu angka gasana i, betak na ra dope malum.

JEHESKIEL 13:5

Nada dijagohon halahi angka inganan ni tembok na marsegoan jana nada dipauli halahi muse angka tembok i. Jadi nada tarpartahankon anggo Israel, muda ro Tuhan di arina manguhumi.

JEHESKIEL 21:12

Mangandung ma ho, ale jolma parsantongkinan, mangarar ma ho jana pio-pio! Angke madung hobas podang i mangalo bangsongKu. Angka pamimpin ni Israel rap dohot bangso i sudena tihamon ni podang i ma lopus marmatean. Jadi tompuk ma andoramu hara ni dangolna,

DANIEL 5:26

Jana on ma astuanna: Mene; astuanna madung dietong Debata sanga sadia honokna mamarenta raja i jana madung dipaujung Ia.

DANIEL 5:9

Mur tamba biar muse ma roha niraja i jana mur langan; angka halak na godang-godang i pe nada dibotosa be sanga aha sibaenonna.

JOEL 1:11

Angka partani gabe maila parkobun anggur pe tama tangis! Angke mangabis gandum dohot eme darat taru hais, jana parbatu sibuaton pe madung dangis.

JOEL 1:13

Hamu ale angka malim na markobasi di langgatan, pake hamu ma abit goni anso martangisan. Masuk ma tu Bagas Ni Tuhan marbornginma laho mangandung disi, angke nada adong be haul anggur dohot gandum.

JOEL 1:15

Nada sadia honok nari ari ni Tuhan dapot ne ma, disi ma hatihana Na Markuaso i parohon mara. Na jorbut sun do ari i dibaen maroban arsak dohot hasegoan do i.

JOEL 1:5

Ngot ma, o angka parmabuk jana tangis ma hamu! Tangis ma hamu ale angka parminum anggur na baru, angke madung dirampas anggur i sian pamanganmunu!

JOEL 2:1

Palu ma sarune di Sion jana marsurak ma di dolok ni Debata na badia i. Humitir ma sude pangisi ni luat angke dapot ne ma ari ni Tuhan, angke madung donok ari i.

JOEL 2:11

Mangaronggur ma sora ni Tuhan mangalehen tanda, jana tunduk do tuSia parangan i sude. Na bahat do paranganNia! Santak gogo ni tentara na nipimpinNa! Ari na godang jana na jorbut do ari ni Tuhan! Ise he na bisa mangambati i?

JOEL 2:31

Manggolap ma mataniari jana bulan pe marrara songon mudar dompak so dapot ari ni Tuhan i, i ma ari na godang jana sihabiaran!

AMOS 5:18

Na marjaya situtu ma da hamu na painte-intehon ari ni Tuhan i! Aha ma he guna ni ari i di hamu? Hum ari na golap sajo do ari i, nada ari na torang.

ZEPANYA 1:14

Madung donok ari paruhuman ni Tuhan, olo da, madung donok sajo do, lalu ne ma i manigor. Gok hapaeton do ari i, salang angka ulu balang pe angkon gabe mangangguki.

ZEPANYA 1:7

Mian ma hamu di jolo ni Tuhan Debata! Angke madung donok ari ni Tuhan. Tutu madung dipasingkop Tuhan sihaulkonon i jana madung diparbadiai angka na diontangNia i.

ZAKARIA 14:1

Dapot ne ma ari paruhuman ni Tuhan. Rampason ma Jerusalem jana dibagi-bagi ma di jolo ni matamu na dapotna i.

MALEAKI 4:5

Ligi ma suruonKu ma tu hamu Panurirang Elia, patujolo ni ari ni Tuhan Na Markuaso jana na godang i.

JAKOBUS 5:1

Hamu angka halak na mora! Tangihon hamu ma sipaingotkon. Tangis ma hamu jana mangandungi, harana manaon parkancitan ma hamu!

HALUMBAAN 18:10

Jana jongjong ma halahi sian na dao hara ni biar ni roha di parkancitan i, jana didok halahi ma, “Marjaya; marjaya ma kota na godang i – kota Babel na gogo! Di bagasan sajom do ro panguhumanmu!”