JESAYA 13:5 - BIBEL JAMITA NA DENGGAN

⁵ Na marroan sian angka luat sihadaoan do i sian angka ujung ni tano on. Di hamuruhonNa i giot pusaon ni Tuhan do sude portibi on.

JESAYA 13:5 ပူးပေါင်းရင်းမြစ်များ

2 SAMUEL 1:27

Madung marurus angka soridadu, angka sinjata pe marsegoan!”

JESAYA 10:5

Didok Tuhan ma, “Hupake do Asur songon potuk-potuk laho mamukul angka halak na giot simuruhanKu.

JESAYA 13:17

Ligi ma, “PabangkitonKu do bangso Madai laho mamorangi Babel. Nada mampan tu halahi na mangalehen perak sanga sere baen suruk.

JESAYA 24:1

Segohonon ni Tuhan ma tano on, lopus gabe harsang jana mamolngit. Margaba-gobi ma baenonNia sisik ni tano on jana sarsarkononNia noma na manginganisa.

JESAYA 26:20

Masuk ma hamu tu bagasmunu i ale bangsongKu, lalu tutupkon ma pintuna i. Martabuni ma hamu sangombas lopus mombun rimas ni Tuhan.

JESAYA 30:27

Tarida do sian na dao kuaso dohot hagodangan ni Tuhan. Api dohot timus patuduhon rimas ni rohaNia. Mandok hata Ia, jana angka hataNia i manutung songon api.

JESAYA 34:2

Muruk do Tuhan tu sandok bangso dohot tu sude parangan ni halahi. Didabu Ia ma uhuman tu halahi jana pusaonNa ma halahi.

JESAYA 48:14

Marlagut ma hamu sude jana tangihon ma, ise dehe sian tonga-tonga ni halahi na paboahon sasudena i? Ia, na dihaholongi ni Tuhan i do na giot patuluskon hagiot ni Tuhan maradopkon Babel, jana na patuduhon hagogoon ni tangan ni Tuhan maradopkon halak Kasdim.

JESAYA 5:26

Baenon ni Tuhan ma sada tanda giot mamio bangso sian na dao. Mandosik ma Ia mamio halahi sian angka ujung ni tano on. Marroan ma halahi tibu jana hipas.

JESAYA 66:14

Muda diida hamu na songon i tarjadi, marjop ni roha ma hamu; jana gabe margogo boti matorkis hara ni i. Jadi gabe botoonmunu ma, Au Tuhan, mangurupi sanga ise na burju mangoloi Au jana palaluonKu ma rimas ni rohangKu tu angka musungKu.”

JESAYA 7:18

Di ari i piohonon ni TUHAN ma halak Mesir dohot halak Asur, jadi ro ma bangso na dua i songon parharkar ni lanok dohot loba mangarongomi angka rura na margaba-gobi dohot rigang-rigang ni batu; tutupan ni halahi ma sandok potpot na marduri dohot inganan na marduhut.

JEREMIA 50:25

Madung Hubuka panyimpanan ni sinjatangKu, jana mardongan muruk Huparuar angka sinjata i dibaen Au sandiri Tuhan Debata Na Markuaso, angkon patulusonKu do sada karejo di Babel.

JEREMIA 50:3

Na giot ro ma sada bangso sian Utara mamorangi Babel jana mambaen luat i gabe padang na harsang. Marlojongi ma jolma dohot pahan-pahanan jana nada adong be na ra maringanan disi.”

JEREMIA 50:9

Husosoi pe angka bangso na gogo-gogo na adong di Utara anso diporangi halahi Babel. Aturon ni halahi ma barisan laho martempur mangalo Babel lalu manaluhonsa. Angka parsior na malo-malo do halahi jana anak ni pana ni halahi nada unjung na so mangonai.

JEREMIA 51:11

Madung dijajang Tuhan angka raja na sian Media, hara ni na giot roncohononNia Babel. Songon i ma dalanna dibaen Ia laho mamalos parbuatan ni angka jolma na mangaroncohon bagasNia i. Didok komandan ni parangan parporang i ma, “Patajom be anak ni pana! Parade parince!

JEREMIA 8:19

Tangihon! Marsaringar sude luat on parngiar ni bangsongku na tangis manyapai, “Na so di Sion be ulaning Tuhan i? Di dia do ulaning Rajana i saonnari?” Dialusi Tuhan, Raja ni halahi, “Biasi marsomba ho tu angka debata na so adong sanga aha gunana? Biasi dipahancit ho rohangKu marhite na marsomba angka gana-ganaan?”

JEHESKIEL 22:31

Hara ni i, Hupalalu ma saonnari rimasKu maradopkon halahi, jana songon api pangabisonku ma halahi patunda ni sude pangalaho ni halahi. Au Tuhan Debata madung mandok songon i.”

MATEUS 24:31

Dipalu ma tarompet na godang, suruon ni Anak Ni Jolma i ma angka surusuruanNia tu panjuru na opat i di tano on palagutkon bangsoNia, sian topi ni langit na sada lalu tu topi ni langit na sada nari.”