JESAYA 13:22 - BIBEL JAMITA NA DENGGAN

²² Marauang angka anjing harangan dohot sorigala sian palas-palas ni bagas siomagodangna dohot sian bagas ni Babel. Dapot ne ma hatihana, jana umurna nada dipaginjang.”

JESAYA 13:22 ပူးပေါင်းရင်းမြစ်များ

MASMUR 44:19

Hape ditadingkon Ho do hami di bagasan hagolapan, na so margeldok di tonga-tonga ni binatang harangan.

JESAYA 14:23

Gabe ambar noma Babel baenonKu baen inganan ni sipauk. Ias ma haisonKu Babel. Tuhan Na Markuaso do Au, na dung mandok i.”

JESAYA 25:2

Angka kota dibaen Ho gabe lobu, angka bentengna i sarge manghagopu. Bagas Godang na nipajongjong ni musu madung soada nada patureon be i salolot-lolotna.

JESAYA 32:14

Salang bagas godang i pe tadingkonon do i dohot kota sabungan i gabe mamolngit. Angka benteng dohot angka bagas panjago kota i gabe tinggal tapor-taporna noma i salolot-lolotna. Halode riar dohot angka biri-biri marroha-roha jana manjampali ma disi.

JESAYA 34:13

Angka bagas godang bope angka hutana na martembok, gabe hatubuan ni ramba na marsuga noma i jana diingani anjing harangan dohot sipauk.

JESAYA 34:14

Humadeap ma disi angka binatang panyoro; marsialus-alusan angka begu, jana disi ma begu borngin manjalahi donganna.

JESAYA 35:7

Pasir na milas gabe ambar, tano na harsang aekna marjabar-jabar. Na somal inganan ni anjing harangan, gabe hatubuan ni duhut dohot pandan.

JESAYA 43:20

Hupadalan batang aek di parhorsihan anso dapotan aek bangso na Hupili i. Gabe dohot ma binatang harangan pasangapkon Au, sorigala dohot unto pe pujionna noma Au.

JEREMIA 48:16

Madung singgip parmaraan godang tu Moab, nada sadia honok nari sego ma i.

JEREMIA 51:33

Nada pola sadia honok nari taluhononna ma halahi jana didege-dege musuna songon gandum di inganan pardegean. Au Tuhan Na Markuaso, Debata ni Israel, madung mandok songon i.”

JEREMIA 9:11

Didok Tuhan, “Gabe lobu baenonKu Jerusalem inganan partabunian ni sorigala. Mamolngit ma angka kota ni Juda, inganan na so adong be pangisina.”

ANDUNG 4:3

Salang induk ni sorigala, dipasusu do anakna, hape anggo bangsongku na kejam do tudos songon pambaen ni unggas unto di halongonan.

MIKA 1:8

Dung i ning si Mika ma: “Hara ni i do umbaen na marsak au jana tumatangis hara ni arsak ni rohangku, kehe ma au mardalan nada marsolop jana nada marpakean. Sai marauang ma au songon sorigala jana sai mangandungi songon unggas unto.

HABAKUK 2:3

Suratkon ma i, angke nada saonnari dope hatihana. Tapi manigor ro ma hatihana i, jana musti tarjadi sanga aha na Hudokkon i tu ho. Haru pe laing honok dope idaon, tapi painte sajo ma! Pasti do ro hatiha ni i jana nada dipalambat-lambat.

ZEPANYA 2:14

Gabe inganan parpunguan ni binatang ma kota i. Modom-modom ma disi nasa ragam ni binatang harangan. Angka lali dohot barung pe marborngin ma di ginjang ni angka tiangna. Mangkuling ma si pauk sian jandela jana unggas gawak mangkuling di ginjang ni pintu. Madung disegoi sude parhayu ares.

PANGARATAION 32:35

Palaluon ni Tuhan ma hosomNa, anso didabu tu halahi uhumanNa; ro do hatihana madabu halahi; ma pola donok arina maropuk halahi.

2 PETRUS 2:3

Hara ni na ahut tu dirina, caritohonon ni angka guru pargabus i ma tu hamu angka carito na nibaen ni halahi sandiri anso dapotan untung halahi sian hamu. Tapi anggo panguhuman laho manguhum halahi madung tibu dipasingkop jana hamagoan na dung ditontuhon pe tu halahi madung paintehon tu halahi.