JESAYA 13:18 - BIBEL JAMITA NA DENGGAN

¹⁸ Bunuon ni halahi do angka na poso dohot siorna songon i dohot pana. Nada masa ibo ni roha di halahi maradopkon dakdanak na baru sorang jana nada holong roha ni halahi mida dakdanak.

JESAYA 13:18 ပူးပေါင်းရင်းမြစ်များ

2 RAJA-RAJA 8:12

“Biasi tangis tuan i?” ning si Hasael manyapai. “Angke huboto do hajahatan na giot baenonmu tu halak Israel,” ning si Elisa. “Giot surbuonmu ma angka kotana na martembok, bunuonmu ma angka halak na poso na jumogi, pingkohanmu ma angka dakdanak na baru sorang jana bolaanmu ma butuha ni angka ina na denggan pamatangna.”

2 JUJUR TAON 36:17

Digorakkon Tuhan ma roha ni raja ni Babel anso mamorangi halahi. Dibunu raja i ma doli-doli ni halak Juda, dohot ma i na di bagasan Bagas Ni Debata. Sada halak pe nada adong na ibo rohania midasa, na matobang sanga na poso, halaklahi sanga dadaboru, na marnyae sanga na horas. Dipasahat Debata do halahi sudena tu raja ni Babel i.

MASMUR 127:3

Anggo satutuna, arta pusako ni Tuhan do dakdanak halaklahi, silehen-lehen ni Debata do halahi.

JESAYA 13:16

Idaon ni halahi sandiri ma angka dakdanak ni halahi na menek-menek i diropuk, bagas ni halahi hona harpus dohot angka daboru ni halahi dipaksa marmainan.”

JESAYA 47:9

Hape hum santongkin, di bagasan sadari sajo, tarjadi ma pangalaho na dua i rap ro. Haru pe dipake aji dohot jampi, laing dirampas do halaklahimi dohot anakmi.

JESAYA 5:28

Tajom do anak ni pana ni halahi jana siorna i ripe manembakkon. Sisilon ni kudona i songon pir ni batu loting, jana parputar ni roda ni karetana i songon hipas ni halingsungsung.

JEREMIA 18:21

Hara ni i, padiar ma mate tangkuraparon angka dakdanak ni halahi sanga mate dipangan podang. Padiar ma angka dadaboru ni halahi agoan halaklahi dohot dakdanakna; padiar ma marmatean angka halaklahi baenon ni nyae masa jana angka doli-dolina marmatean di parporangan.

JEREMIA 5:16

jana angka na garang do sitiop sior ni halahi; na mamatehon sajo do halahi nada mananda ibo ni roha.

JEREMIA 50:30

Angka doli-dolina i pe angkon bunuon do di angka dalan na di kota i dohot tentarana i pe sude diputusi ma di ari i. Au Tuhan, madung mandok songon i.

JEREMIA 50:42

Pana dohot podang do sinjata ni halahi; jingar jana na so umboto ampun do i. Songon sora ni laut na marombak songon i ma sora ni kudona na dipacu anso maju mamorangi Babel. Madung hobas halahi marporang mangalo luat i.

JEREMIA 51:22

Hupake do ho laho mambunu halaklahi dohot dadaboru, na matobang bope na poso, bujing-bujing dohot doli-doli.

JEREMIA 6:23

I ma angka na marsinjatahon pana dohot podang; na jingar do halahi jana na so umboto ampun. Songon husasak ni laut na marombak, songon i ma sora ni parlojong ni kudo ni halahi na dipacu laho mamorangi Jerusalem.”

JEHESKIEL 9:10

Nada be ibo rohangKu mida halahi. Angkon baenonKu tu halahi sanga aha na nibaen ni halahi tu halak na asing.”

DANIEL 7:5

Binatang na paduahon tompana songon gompul. Jongjong di patna pudi i do ia, jana dioban ia tolu holi-holi ni rusuk di antara ni iponnia i. Hubege ma sora na mandok tusia, “Tole bo, papangani ma juhut sanga sadia giotmu!”

NAHUM 2:1

Ale Ninive, madung ro panyaroso, giot manyegohon ho! Jago ma angka benteng partahananmi! Denggan ma jago hamu angka dalan! Markobas ma hamu giot mangalo. (

NAHUM 3:10

Haru songon i pe, laing dioban do Tebe tu habuangan. Di sude sirpang ni dalan dibalbali do angka anakna lopus marmatean. Angka halak na godang na disi, ditambat dohot rante jana dibagi-bagi angka na manangkup i.