JESAYA 13:13 - BIBEL JAMITA NA DENGGAN

¹³ Humutur ma baenonKu langit i jana tano on humuntal sian ingananna di ari i, Au Tuhan Na Markuaso patuduhon kuasongKu.

JESAYA 13:13 ပူးပေါင်းရင်းမြစ်များ

JOB 9:6

Dibaen Ia lalo lopus gumuncang portibi, jana marambalangan ma panungkol ni tano i.

MASMUR 18:7

Dung i humutur ma tano bope bona ni dolok humutur, harana muruk ni Debata madung gurgur.

MASMUR 88:16

Magopu au patunda ni parpiar ni murukMu, abis au hara ni jorbut ni panyarosoMu.

JESAYA 2:19

Di haroro ni Tuhan laho manghutur tano on, marmasuhan ma halak tu bagasan angka liang di angka dolok batu sanga manghuar lubang di bagasan tano anso malua sian hamumuruk ni Tuhan dohot sian kuasoNia na marmulia i. Anggo dung dapot do ari i, tadingkononkon ma songon i sajo angka gana-ganaan perak dohot sere na nibaen ni halahi baen turpuk ni monci dohot arip-arip.

JESAYA 21:1

Songon on ma alatan taringot tu Babel: Songon halingsungsung na mardonging na mamolus di parhorsihan, songon i ma haroro ni parmaraan sian luat sihabiaran.

JESAYA 23:11

Madung dipatoltol Tuhan tanganna di ginjang ni laut jana ditunggalingkon angka harajaan. Diparenta Ia do Kanaan anso dironcohon angka benteng ni Penisia.

JESAYA 24:1

Segohonon ni Tuhan ma tano on, lopus gabe harsang jana mamolngit. Margaba-gobi ma baenonNia sisik ni tano on jana sarsarkononNia noma na manginganisa.

JESAYA 24:18

Sanga ise na marlojong hara ni biarna, madabu ma tu tirangkap, jana na so hona tu tirangkap hona jorat ma. Udan potir diparo sian langit jana humuntal ma ojahan ni tano on.

JESAYA 24:19

Marotak ma tano, maropuk jana humutur.

JESAYA 34:4

Maropuk ma mataniari, bulan dohot angka bintang gabe abu, dibalun ma langit songon na mambalun karotes, jana mangkadampuk ma angka bintang i songon pardampuk ni angka bulung sian hayu anggur sanga hayu ara.

JESAYA 47:1

“Mijur jana juguk ma ho di gincat ni orbuk, ale bujing-bujing, boru Babel! Juguk ma ho di gincat ni tano, jana nada be marhabangsa, ale boru Kasdim! Harana nada be dohonon ho na jogi jana na jeges.

JESAYA 51:6

Tatap ma tu langit, tailihon ma tu tano, mago ma langit i songon timus. Buruk do tano on songon abit, mate sude na mangingani i songon rongit. Tapi anggo haluaan na Hulehen i, hot do salolotna, hamonanganKu nada adong ujungna.

JESAYA 9:19

Muruk situtu Tuhan Na Markuaso i jana panguhumNa pe songon api na marsigorgor jana bangso i ma songon purunan siabiskononna. Umpe adong sahalak na maribo ni roha mida kahanggina.

JEREMIA 51:1

Didok Tuhan, “TongosonKu ma alogo panyego-nyego na mangombus adop Babel dohot adop halak na maringanan disi.

ANDUNG 1:12

“O hamu angka halak na mamolus di dalan, ligi pe da jana parrohahon. Adong dehe godang ni parkancitan songon na hutaon saonnari, hara ni muruk ni Tuhan i?

JOEL 3:16

Mangorong ma Debata sian Sion, dipatubegehon Ia ma soraNia sian Jerusalem. Humutur langit, dohot tano pe mangihut. Tapi laing tong do Tuhan mambela bangsoNa.

MATEUS 24:29

“Nada sadia honok dung ro hasusaan di hatiha i, gabe golap ma mataniari, bulan i pe nada marsinondang be. Mardabuan ma angka bintang sian langit, marsursaran ma sude angka hagogoon na di parlangitan i.

MATEUS 24:35

Anggo langit dohot tano on mago do, tapi anggo hatangKi angkon hot do salolot-lolotna.”

2 PETRUS 3:10

Tapi anggo Ari haroro ni Tuhan na padua nolihon i, songon haroro ni panangko do i. Anggo di Ari i mago ma langit mardongan sora na gogo, jana mosok ma sude angka na adong di langit jana mago muse ma tano on dohot sude isina.

HALUMBAAN 20:11

Dung i huida ma sada habangsa na godang, jana na bontar. Huida muse do Ia na juguk di habangsa i. Mago ma langit dohot tano sian joloNia lopus nada haidaan.