JESAYA 13:11 - BIBEL JAMITA NA DENGGAN

¹¹ “ParoonKu ma mara tu portibi on jana uhumanKu ma sude halak na jahat hara ni angka dosa ni halahi. Sanga ise siginjang roha Hupatutoru, halak na gakgak dohot na kejam uhumonKu.

JESAYA 13:11 ပူးပေါင်းရင်းမြစ်များ

JOB 40:12

Olo, tatap ma da halak na sombong, patunduk ma! Ropukkon ma halak na jahat di ingananna.

PODA 11:31

Dapotan upa do di tano on halak partigor. Jadi, pasti dapot uhuman do na jahat dohot pardosa.

PODA 8:13

Biar mida Tuhan dos do i dohot na magigi mida hajahatan; nada huhagioti ginjang ni roha dohot hagakgakan. Goyak do rohangku mida pangalaho hajahatan, dohot hata-hata na mambaen haliluan.

JESAYA 11:4

Markite-hite hatigoran do ditimbang ia parkaro ni halak na pogos; diondihon ia hak ni halak na gale lopus dapot, halak parsala diuhumi hara ni parentania, halak na jahat dipusa ia.

JESAYA 14:21

Pungkaon ma na mambante! Marmatean ma angka anakmu hara ni dosa ni ompu ni ompumu. Umpe sahalak be sian halahi na giot mamarenta di tano on sanga mamungka angka kota.”

JESAYA 14:5

Madung diantak Tuhan pangarajaion ni angka parkuaso na jahat

JESAYA 2:11

Dapot ma hatihana parenjepon halak na gakgak, halak siginjang roha patunduhon, jana Tuhan i sandiri noma sipasangapon. Anggo di ari i patutoruon ni Tuhan noma sude sanga ise na markuaso, na ginjang roha dohot halak na gakgak.

JESAYA 2:17

Patutoruon ma halak na gakgak, jana papatuon ma halak na ginjang roha. Mago noma angka gana-ganaan sian sisik ni tano on. Anggo di ari i hum sasada Tuhan noma sipasangapon.

JESAYA 22:14

Dipataridahon Tuhan, Tuhan Na Markuaso i do diriNa tu au jana didok, “Sanga na bia pe nada Huampuni be anggo hajahatan ni halahi i, lopus mate be halahi. Tuhan, Tuhan Na Markuaso do mandok i.”

JESAYA 23:9

Tuhan Na Markuaso i, Ia do na mambaen haputusan i. Diputuskon Ia ma laho paujungkon ginjang ni roha ni halak na disi hara ni sude suha na dapot ni halahi jana patorukkon angka halak na sumangap sian tonga-tonga ni halahi.

JESAYA 24:21

Di hatiha i, uhuman ni Tuhan ma angka na markuaso di awang-awang na so martopi i dohot angka raja na di tano on.

JESAYA 25:3

Pujion ni angka bangso na gogo ma Ho, angka bangso na jungkat mabiar mida Ho.

JESAYA 25:5

songon alogo na milas di logo ni ari. Madung dibaen Ho musunami manguntam, baba ni parjahat pe mangkohom songon ari na milas dipalambok ombun.

JESAYA 26:21

Na giot mijur ma Tuhan sian ingananNa di banua ginjang laho manguhumi pangisi ni tano on hara ni dosa ni halahi. PatorangonNa ma sude pamunuon na nibaen ni halahi di na buni. Nada tutup-tutupan ni tano i be angka na mate hona bunu i.

JESAYA 29:20

I ma ujungna barita ni angka jolma na mamisat halak na asing dohot ganop halak pardosa,

JESAYA 29:5

Hape na giot mago do sude parangan ni alomu songon abu sanga songon lapung diombuskon alogo. Na so niambang-ambang ompot ma

JESAYA 3:11

Marjaya ma halak na jahat! Parmaraan angkon mandondoni halahi. Harana baloshononkon ma tu halahi hombar tu pambaenanna sandiri.

JESAYA 5:15

Sandok jolma i angkon nipaila, jana halak na ginjang roha niparenjep.

JESAYA 65:7

hara ni angka dosa ni halahi dohot dosa ni ompu ni halahi. Ninna Tuhan, “Dipabile halahi do Au marhite na manutung hamonyan di inganan parsombaan tu angka debata di dolok, jana dilayasi Au. UhumanKu do halahi marguru tu pangalaho ni halahi na salpu i.”

JEREMIA 48:29

Ginjang ni rohamunu antong santak! Madung hubege do sanga songon dia bulbul, ginjang ni roha, gakgak dohot tealmunu!

DANIEL 4:34

“Dung salpu hatiha sipitu taon i, hupadorgak ma tu langit gabe sumuang ma torang rohangku. Jadi hupuji ma Na Gumincat i. Hupasangap jana hupagodang ma na Tongtong Mangolu i, Mamarenta noma Debata salolot-lolotna. Markuaso do Ia sapanjangna.

HABAKUK 2:4

Jana ingot ma: halak na gakgak nada tigor rohana, tapi anggo halak na tigor sian haporsayaanna, i do na giot mangolu.”