JESAYA 12:2 - BIBEL JAMITA NA DENGGAN

² Debata do da haluaanku, porsaya tuSia do au. Nada adong na mambaen au mabiar, angke Tuhan Debata do hagogoanku dohot ende-endengku, Debata do na paluahon au, Ia do haluaanku.

JESAYA 12:2 ပူးပေါင်းရင်းမြစ်များ

2 SAMUEL 7:24

Dibaen Ho do bangso Israel i gabe bangsoMu sandiri sapanjangna, jana Ho ma ale Tuhan na gabe Debata ni halahi.”

JOB 13:16

Betak malua iba baenon ni habaranionniba, angke anggo parjahat nada puluk i mangadop tu Debata!

MASMUR 112:8

Nada sak rohania, nada heput muse ia, angke pos do rohania, sai na talu do musunia.

MASMUR 118:14

Tuhan do hagogoanku dohot na hupapuji-puji, madung dipalua Ia do au.

MASMUR 118:21

Hupuji do Ho Tuhan, dibaen madung dioloi Ho tangiangku; madung dilehen Ho hamonangan di au.

MASMUR 27:1

Tuhan do hatiuran ni ngolungku dohot sipalua au, nada adong habiaranku. Tuhan do benteng parondinganku, nada pola humitir au.

MASMUR 65:6

Marhite kuasoMu na sumurung i, dipajongjong Ho angka dolok.

MASMUR 68:20

Debata na paluahon do anggo Debatanta Debata, Tuhanku mangalehen haluaan sian hamatean.

MASMUR 68:21

Satutuna ropuhan ni Debata do ulu ni musuNia, i ma ulu ni halak na laing hot mangolu di bagasan dosa.

MASMUR 83:18

Anso diboto halahi hum Ho do Tuhan Na Gumincat, Tuhan, na mangarajai sandok portibi.

HARURUAR 15:2

Tuhan do na gogo mangondihon au sasadaSa do na dung paluahon au. Ia do Debatangku, pujionku ma Ia, Debata ni daompung, huendehon ma hagodanganNa.

JESAYA 10:24

Didok Tuhan, Tuhan Na Markuaso i do tu bangsoNia na maringanan di Sion, “Ulang mabiar hamu mida halak Asur, haru pe dipisat halahi hamu, songon na nibaen ni halak Mesir tu hamu najolo.

JESAYA 17:10

O Israel, madung dihalupahon ho Debata na paluahon dohot na manjagohon ho songon dolok batu na tohong. Balik do, madung disuani ho angka kobun laho marsomba angka debata.

JESAYA 27:5

Tapi ampot angka musu ni bangsongKi, tu Au parlindungan dijalahi, padiar ma ro halahi mardame tu Au, tutu do ra ma halahi mardame tu Au.”

JESAYA 32:2

Tarsongon inganan parondingan sian alogo jana songon parlinggoman sian bade. Tudos tu batang aek na mardalan di parhorsihan do halahi, songon batu mamak na godang parsilaungan di tano na harsang.

JESAYA 33:22

Sandok perlengkapan na di parau ni halahi i, nada marguna sudena i; nada tarpahirbang angka layarna i! Rampasanta ma sude sinadongan ni musunta, jana hara ni bahatna salang halak na lumpuon pe dapot bagian. Tuhan i sandiri noma na gabe rajanta; mamarenta ma Ia tu hita jana paluaonNia ma hita sian musunta.

JESAYA 38:20

Ale Tuhan, madung dipamalum Ho au, jadi salolot di ngolunami, endehononnami ma pujian di BagasMi lalu mamiltik hasapi.”

JESAYA 45:17

Hape anggo Israel paluaon ni Tuhan, jana malua ma halahi salolotna. Rayatna i nada palayason salolot-lolotna dohot satorusna.’ ”

JESAYA 49:5

Saonnari songon on hata ni Tuhan, na manjadihon au mamungka sian bortian anso gabe naposoNa, laho paulakkon si Jakob tuSia, jana anso dipalagut Israel tuSia, hara ni i dipasangap ma au di jolo ni Tuhan, jana Debata ma gabe hagogoonku, didok Ia ma:

JESAYA 50:10

Ale hamu na pasangap Tuhan Debata, jana na mangoloi hata ni naposoNia, betak na golap do dalan na nibolusmunu, tapi laing porsaya ma tu Tuhan, Ia ma pangasahon hamu!

JESAYA 51:12

“Au, Au ma da na mangapoi hamu. Biasi pola mabiar ho, mida jolma parsantongkinan dohot tu Anak Ni Jolma na diambungkon songon duhut.

JESAYA 61:10

“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.

JESAYA 62:11

Lopus tu sandok ujung ni portibi on dilehen Tuhan tona on, “Dok ma tu boru Sion, ‘Ligi da, ro ma disadu Tuhan sipalua. Dohot Ia laing dohot muse do da angka halak na nipaluaNia.’ ”

JESAYA 65:18

Marjop ni roha jana marmoga-moga ma hamu salolotna, hara ni sude na Hutompa i. TompaonKu ma Jerusalem na imbaru gok jop ni roha, jana na maringanan disi marjop ni roha.

JESAYA 7:14

Hara ni i Tuhan sandiri ma mangalehen sada tanda di hamu: Sasintongna, sada halak anakboru angkon mardenggan pamatang jana manubuhon sada anak, jana goaronnia ma Anak i “Immanuel”.

JEREMIA 23:6

Muda dung mamarenta ia, malua ma halak Juda jana Israel mangolu ma di bagasan sonang. Goaron ma raja i ‘Tuhan do hasintonganta.’

JEREMIA 3:23

Nada adong gunana marsomba gana-ganaan hami di puncu ni angka dolok! Hum sian Tuhan Debatanami do pangurupion anggo tu Israel.

DANIEL 3:28

Jadi didok raja i ma, “Puji ma Debata na nisomba ni si Sadrakh, si Mesakh dohot si Abednego. Disuru Ia do surusuruanNia laho paluahon naposoNa na tolu on na porsaya tuSia. Dilaosi halahi do parentangku jana gumonan mate ulang pado marsomba sanga mangoloi tu debata sanga na dia pe asing sian Debata ni halahi sandiri.

HOSEA 1:7

Tapi haholonganKu do halak Juda, jana paluaon halahi marhite goar ni Tuhan, Debata ni halahi. PaluaonKu do halahi, sior sanga podang, parhohas ni porang sanga kudo dohot halak na mangalombutsa.”

JOEL 2:23

Ale rayat ni Sion, marjop ni roha ma hamu! Marmoga-moga jana marsurak-surak ma hamu, hara ni sude denggan basa na sian Tuhan Debatamu! Di hatiha musim gugur tuk dilehen Ia udan di hamu. Di musim ngali diduruskon Ia udan, dohot di hatiha ni sabion laing songon na salpu.

JUNUS 2:9

Tapi anggo au endehononku ma puji-pujian di Ho jana huhaulkon haul tu Ho. Patulusonku do sude na hujanjihon. Ho do ale Tuhan na paluahon.”

HABAKUK 3:18

Sai tongtong noma au marjop ni roha di bagasan Tuhan, jana maria-ria di bagasan Debata Sipalua au.

SURAT NI SI PAULUS TU PARLAGUTAN ROM 1:16

Dibaen nada maila au hara ni Jamita Na Denggan i, angke i do hagogoon ni Debata na markarejo laho paluahon sudena halak na porsaya; na parjolo i ma halak Jahudi, dung i muse angka bangso na asing.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.

HALUMBAAN 7:10

Marsora na gogo ma halahi pio-pio, “Haluaan ma di Debatanami na juguk di habangsa i, dohot di Anak Ni Biri-biri i!”

1 SAMUEL 2:1

Dung i martangiang ma si Hanna, ning ia ma, “Dipajop Tuhan do rohangku, pambaenanNia do na pasonang tondingku. Huincahi musungku; gabe martua ma au, angke tutu do na dung diurupi Debata au.