JESAYA 11:3 - BIBEL JAMITA NA DENGGAN

³ Jop ni rohana do marpangoloion tu Tuhan, nada manguhumi ia rambus laos sajo sanga marguru tu hata ni halak sajo.

JESAYA 11:3 ပူးပေါင်းရင်းမြစ်များ

2 SAMUEL 14:17

Pos do rohangku rajanami laing janji ni raja i noma na manjamin haluaanku angke na songon surusuruan ni Debata do raja i na tuk gogo paasingkon na denggan dohot na jat. Sai didongani Tuhan Debata ni raja i ma antong nian raja i!”

2 SAMUEL 14:8

“Mulak ma ho,” ning raja i mangalusi, “Huurus pe parkaro i.”

1 RAJA-RAJA 3:28

Dung dibege halak Israel haputusan ni si Salomo taringot tu parkaro i, gabe homang ma halahi jana dipasangap halahi ma si Salomo. Tangkas ma tarida, na dung dilehen Debata disia habisuhon laho manimbang parkaro di bagasan hatigoran.

1 RAJA-RAJA 3:9

Hara ni i ale Tuhan, lehen ma di au habisuhon na porlu di au laho mamarenta bangsoMon di bagasan hatigoran jana anso tangkas di au paasingkon dia na denggan, jana dia na jat. Muda nada songon i, songon dia ma tarbaen au mamarenta bangsoMu na godang on?”

JOB 12:11

Songon dilaniba na sai giot mandai na lambok, laing songon i do pinggolniba sai giot tumangi na nidok.

JOB 34:3

Diboto halak do sipanganon na tabo muda dung didaisa, dohot hata pandohan na bisuk muda dung dibegesa.

PODA 2:5

Muda songon i botoonmu ma sanga aha arti ni biar maradopkon Tuhan jana maruli parbinotoan ma ho taringot tu Debata.

PODA 2:9

Muda dioloi ho do au, ale anakku, botoonmu ma sanga aha na tigor, na jujur dohot na denggan. Laing botoonmu muse ma sanga na songon dia ho patut mangolu.

JESAYA 33:6

jana lehenonNia ma hasonangan tu bangso i. Sai na ondihononNia do bangsoNa jana baenonNia halahi marbisuk dohot marbinoto. Pasangapon ni halahi ma Tuhan; i noma arta ni Sion.

JEHESKIEL 45:8

Gabe tano ni angka parkuaso na mamarenta di tano Israel ma i, anso ulang sai dipisat halahi be rayat i, tapi anso dilehen halahi salobi ni tano i gabe bagian ni angka marga-marga ni Israel.

MIKA 4:3

Putuskonon ni Tuhan ma parkaro antara ni bahat bangso na adong di tano, antara ni angka harajaan na gogo, na donok pe dohot na dao. Topaon ma podang gabe bajak piso parpangkas manggonti tombak. Nada be marsiporangan angka bangso, nada be markobas kehe manyaroso.

LUKAS 2:52

Mur honok mur magodang ma Jesus jana mur marbisuk boti jop roha ni Debata dohot jolma diSia.

JOHANNES 2:25

Nada porlu baenon ni halak hatorangan tuSia taringot tu jolma, harana diboto Ia sandiri do sanga aha na adong di bagasan roha ni jolma.

JOHANNES 7:24

Ulang ma marojahan tu na tarida sajo hamu muda manguhumi halak, tapi uhum na tigor ma baen hamu.”

IBRANI 5:14

Anggo panganon na pir, tu halak na dung magodang do i, harana madung malo ia paasingkon sanga dia na denggan dohot mandok sanga dia na jat.

1 SAMUEL 16:7

Tapi didok Tuhan ma tu si Samuel, “Ulang marguru ho di ginjang ni pamatang dohot di jogi ni rupana; nada i por ni rohangKu. Nada songon parsuhat ni jolma parsuhatKu. Anggo jolma siida rupa do, tapi anggo Au marnida roha do.”