JESAYA 11:12 - BIBEL JAMITA NA DENGGAN

¹² PajongjongonNia ma sada mandera laho patandahon tu angka bangso bahaso na nipalagutNia mangulahi bangso Israel dohot Juda na marserak i di na opat mata angin jana maroban halahi mulak.

JESAYA 11:12 ပူးပေါင်းရင်းမြစ်များ

MASMUR 107:3

Dipalagut Ia sian angka luat, sian Habincaran dohot sian Hasundutan, sian Utara dohot sian Selatan.

MASMUR 147:2

Mulak ma suang Jerusalem baenon ni Tuhan, obanonNia noma mulak angka halak na tarbuang.

MASMUR 60:4

Dilehen Ho do dalan di halak na marsitutu marugamo, anso laing bolas malua sian uhuman,

MASMUR 68:22

Didok Tuhan, “Hamu bangsongKu, Huoban do musumu sian Basan, Huoban mangulahi halahi sian tandolan ni lautan,

JESAYA 11:10

Dapot do hatihana, ro sada raja pomparan ni si Daud na gabe pamusatan ni roha ni angka bangso. Marlagut ma halahi di kota ni harajaan jana mangalehen sangap tusia.

JESAYA 18:3

Hamu sude angka na maringanan di tano on! Parrohahon hamu ma muda dung dipanaek mandera di puncut ni angka dolok! Tangihon hamu ma muda dipalu sarune!

JESAYA 24:16

Sian angka ujung ni tano on tarbege ma ende puji-pujian di Israel, bangso na tigor i. Hape nada adong arop ni rohangku! Marhancit do au! Laing mangarampok do parjahat, mur martamba jahat dope tehe halahi.

JESAYA 27:13

Paluon ma di hatiha i sarune laho marpio sude halak Israel na hona buang di Asur dohot di Mesir. Ro ma halahi tu Jerusalem marsomba tu Tuhan di dolokNa na badia.

JESAYA 43:6

Huparentahon tu Selatan dohot tu Utara, anso dipaloas jana ulang halahi niambatan. Anso mulak sian angka luat na dao dakdanakKi, padiar marmulahan halahi sian ujung ni portibi.

JESAYA 49:22

Songon on do hata ni Tuhan Debata, “Ligi da. AngkatonKu ma tanganKu songon tanda tu angka bangso, jana pasangonKu ma mandera tu marga-marga ni angka bangso, ompaon ni halahi ma angka anakmu halaklahi jana borumu pe angkon diporsan di ginjang ni abarana.

JESAYA 49:5

Saonnari songon on hata ni Tuhan, na manjadihon au mamungka sian bortian anso gabe naposoNa, laho paulakkon si Jakob tuSia, jana anso dipalagut Israel tuSia, hara ni i dipasangap ma au di jolo ni Tuhan, jana Debata ma gabe hagogoonku, didok Ia ma:

JESAYA 54:7

“Sangombas do Huhudukkon ho, tapi sian holong ni roha na gok mangulahi Hubuat ho.

JESAYA 56:8

Madung marjanji Tuhan Debata na dung pataruhon Israel bangsoNa i mulak sian habuangan, obanonNia muse do angka bangso na asing anso marsada dohot halahi.

JESAYA 59:19

Sian Habincaran lalu tu Hasundutan mabiar be noma halak mida Ia hara ni godang ni kuasoNia. Ro ma Ia songon batang aek na doras sanga songon alogo na gogo.

JESAYA 60:4

Ligi ma humaliang ho sanga aha na tarjadi, marlagut rayat laho mulak mangulahi. Sian na dao marroan angka anakmu, niompaan dohot angka borumu.

JESAYA 62:10

Ruar ma hamu sian horbangan, parade hamu ma dalan di halak na marmulahan. Baen ma dalan godang, paduru batuna, pajongjong ma mandera di angka bangso.

JESAYA 66:19

jana botoon ni halahi ma Au do na manguhumi halahi. Tapi adong do saotik sian halahi na giot paluaonKu. SuruonKu ma halahi mandapotkon angka bangso di luat angka na dao na so jungada dope umbege salaho tu Au sanga marnida hagodangan dohot kuasongKu: Tu Spanyol, Libia, tu Lidia mardongan angka parsior na malo, tu Tubal dohot Junani. Baritahonon ni halahi ma hagodanganKu di tonga-tonga ni angka bangso i.

JEREMIA 23:3

Tapi palagut-lagutonKu ma teba-teba ni bangsongKi sian angka luat inganan habuangan ni halahi. ObanonKu ma halahi mulak tu bona bulu ni halahi jana mur mabahat ma pomparan ni halahi.

JEREMIA 30:17

Haru pe didok musumu, ‘Madung tarbuang Sion, jana nada adong na marnidasa,’ baenonKu horas hamu mangulahi, jana angka bugangmu Huubati.”

JEREMIA 50:4

Didok Tuhan ma, “Anggo di hatiha i marroan ma halak Israel dohot Juda mardongan tangis manjalahi Au, Debata ni halahi.

JEREMIA 51:12

Lehen ma tanda laho manyerang angka tembok ni Babel. Pagomos panjago. Baen pangawal. Markobas ma mambulutkon!” Madung didalankon Tuhan sanga aha na disangkaphonNia maradopkon Babel.

JEHESKIEL 28:25

Didok Tuhan Debata i ma, “Giot palagutonKu ma angka halak Israel sian angka luat na dao inganan na Hubaen parserahan ni halahi, jana botoon ni sude bangso ma bahaso Na Badia do Au. Maringanan di tanona sandiri noma bangso Israel, i ma tano na dung Hulehen tu naposongKu si Jakob.

HOSEA 1:11

PasadaonNa ma mangulahi bangso Israel dohot bangso Juda. Angkaton ni halahi ma sada pamimpin jana mur mabahat ma halahi jana sonang di tano ni halahi. Tutu do, gabe ari na godang ma Ari Ni Jisreel.

HOSEA 2:2

Didok Tuhan ma, “Paboa ma tu inangmu, paboa ma, angke nada dadaborungKu be ia, jana nada halaklahinia be Au; padiar ma dipadao parhamainanna sian bohina, dohot parkarosuan sian adopna.

ZEPANYA 3:10

Salang sian Kasdim na dao i pe marroan ma angka bangsongKu na marserak i jana haulkononna haul tu Au.

ZAKARIA 10:6

“PargogoanKu halak Juda, halak Israel Hupalua. ObanonKu halahi mulak tu tano ni halahi, angke holong do rohangKu mida halahi. BaenonKu ma halahi, songon bangso na so unjung Hugagai. Au ma da Tuhan Debata ni halahi, sandok tangiang ni halahi Huparrohahon mangulahi.

ZAKARIA 8:7

Songon on do hata ni Tuhan Na Markuaso, “Ligi ma, paluaonKu ma bangsongKi sian tano Habincaran dohot sian tano Hasundutan ni mata di ari,

JOHANNES 7:35

Dung i didok angka halak Jahudi i ma, “Na giot tudia muse dehe Ia umbaen jabat nada tarbaen hita mandapotkon Ia? Adong he ulaning na giot kehe mandapotkon halak Jahudi na mangaranto di tonga-tonga ni halak Junani i ma Ia jana giot ajaranNia ma angka halak Junani i?

PANGARATAION 32:26

Sai giot pusaonKu do halahi sudena nian, anso ulang be adong tu halahi parningotan.

JAKOBUS 1:1

Tabe ma sian au, si Jakobus, naposo ni Debata dohot Tuhan Jesus Kristus, tu na dua bolas marga i, na di parserahan.

HALUMBAAN 5:9

Dung i diendehon halahi ma sada logu na imbaru: “Hum Ho sajo do na patut mambuat buku on dohot mambuka angka capna i. Angke madung hona bunu Ho, jana hara ni hamamateMi madung ditobus Ho jolma tu Debata sian sandok marga, hata, negara, dohot bangso.

HALUMBAAN 7:1

Dung i huida ma opat surusuruan jongjong di suhi-suhi na opat ni tano on manahan angin na opat i di tano on anso ulang mangombus di darat, di laut sanga tu bona ni hayu aha pe.