JESAYA 10:7 - BIBEL JAMITA NA DENGGAN

⁷ Tapi adong do tahi na asing sian raja Asur, giot sude bangso do roncohononnia.

JESAYA 10:7 ပူးပေါင်းရင်းမြစ်များ

PAMUNGKAAN 50:20

Haru pe na dung satahi hian hamu laho mambaen na jat tu au, hape diuba Debata do hajahatan i gabe tu hadengganan, anso marhaluaan bahat halak na mangolu saonnari markite-hite pangalaho na masa na salpu i.

JESAYA 10:8

Dipaginjang ia ma rohania, ning ia ma, “Raja do sude angka panglimangku!

JESAYA 23:13

Bangso Babel do, jana nada bangso Asur na pasahatkon kota Tirus tu binatang panyoro i. Laing halahi muse do na pajongjongkon angka palas-palas pangkobuhan, mangarumpakkon angka benteng ni Tirus jana padiarkon kota i gabe tinggal sego-segona.)

JESAYA 37:19

Ditutungi jana ditapori halahi angka debatana, dibaen nada i Debata. Hum patung na nibaen sian hayu dohot batu sajo do i antong na nibaen ni tangan ni jolma; hara ni i do umbaen na bisa disegoi jolma.

JEHESKIEL 29:20

Hulehen tano Mesir tusia songon garar ni angka pambaenannia, dibaen madung karejo tentarania i tu haporluanKu. Au Tuhan Debata madung mandok songon i.

DANIEL 11:12

Dung i ginjang ma rohania hara ni hamonangannia i dohot hara ni bahat ni musu dimatehon ia, tapi nada sai torus ia monang.

NAHUM 1:11

Madung ruar sian ho, ale Ninive, sada halak na gok tahi na jahat. Na mambaen tahi do ia laho mangalo Tuhan.

BAENON NI ANGKA RASUL 2:23

Ia na dung dilehen ni Debata tudos tu maksud dohot sangkapNa, madung diparsilangkon hamu di hayu na marsilang jana dibunu markite-hite bangso na geduk.

BAENON NI ANGKA RASUL 2:24

Tapi dipabangkit Debata do Ia jana dipalua sian bernit ni hamatean, angke nada tarbaen hamatean i torus maniop Ia.