JESAYA 10:6 - BIBEL JAMITA NA DENGGAN

⁶ Hutongos do Asur laho manguhumi bangsongKu na marbalik jana na mambaen Au muruk. Husuru do Asur laho mangarampas dohot manangko lalu mangalonca-lonca bangsongKu songon abu na di dalan i.”

JESAYA 10:6 ပူးပေါင်းရင်းမြစ်များ

2 SAMUEL 22:43

Huropuk halahi lamot songon abu marhabangan, hulonca-lonca halahi songon bustak di dalan-dalan.

2 RAJA-RAJA 18:25

Na diambang hamu do lakna hami porangi hamu jana hami taluhon so pola dohot pangurupion ni Tuhan? Tuhan sandiri do marsuru hami mamorangi dohot mangaroncohon hamu!”

JESAYA 19:17

Madung dibaen Tuhan Na Markuaso i haputusan taringot tu halahi. Ganop disungguli haputusan i tu halahi, humitir ma halahi maradopkon bangso Juda.

JESAYA 22:5

Tutu nian na dung ditontuhon Tuhan, Tuhan Na Markuaso i do ari on gabe ari hataluan, dohot hagaoron di Rura Halumbaan. Madung dirumpakkon angka tembok ni kota. Marsaringar ma habegean sora ni angguk na mangido tolong di angka dolok.”

JESAYA 24:5

Hodar ma tano on patunda ni na nilaosan ni pangisina angka parenta, na manguba aturan jana manggagai janji.

JESAYA 29:13

Didok Tuhan, “Hum hata-hata sajo do angka jolma i manyomba Au, hape anggo roha ni halahi dao do sian Au. Hum paraturan ni jolma na niapil sajo do anggo ibadat ni halahi.

JESAYA 32:6

Halak na bodo mandok hata ma i songon na bodo, jana na mambaen sangkap na jat. Sanga aha pe na nibaen sanga na nidoknia, laing matua palayaskon Tuhan do i. Na so unjung do ia mangalehen mangan di halak na malean sanga minum tu halak na manguas.

JESAYA 33:1

Marjaya ma angka musunta! Manyamun do halahi jana manyegoi haru pe nian na hona samun halahi sanga disegoi. Tapi nada dapot halahi be hatiha laho mambaen songon i, halahi sandiri noma na hona samun dohot na dihianati.

JESAYA 33:14

Humitir hara ni biarna angka halak pardosa na di Sion. Didok halahi, “Adong dope he sian hita na tahan di bagasan api na mangabiskon on? Adong dope he na tarbaen manahan di api na manongtong i?”

JESAYA 41:25

Madung Hupabangkit sahalak sian Habincaran, sian Utara do ia ro manyerang. Lonca-loncaonnia ma parkuaso songon bustak songon sitopa hudon mangalonca-lonca tano liat.

JESAYA 49:17

Halak na mamorangi ho lopus maropuk, marlojongi ma i humalaput. Halak na giot mambangun ho mangulahi, manigor ro ma i, nada dipalambat be i.

JESAYA 49:25

Dialusi Tuhan ma, “Songon i ma na giot tarjadi. Rampason ma mangulahi na nitaban ni angka ulubalang. Jana rampason mangulahi na nisamun ni jolma na togos. Musumu aloonKu; jana angka dakdanakmu paluaonKu.

JESAYA 5:25

Muruk Tuhan tu bangsoNia i. Madung rade Ia laho manguhumi halahi. Humutur ma angka dolok; marragean ma angka bangke songon rompak di angka dalan. Hape laing muruk dope Tuhan jana laing na giot manguhumi.

JESAYA 5:29

Angka parajuritna i songon singa na baru manangkup soroanna parngaurna, jana muda dilojongkonsa nada adong na bisa paluahonsa sian halahi.

JESAYA 5:5

Antong, songon on noma baenonKu kobun anggurKi: AngkatonKu noma handang na humaliang kobun i, tembok na manjagohon kobun i pe rumpakkononKu noma i, padiaronKu ma angka binatang riar manjampali i lalu mandege-degesa.

JESAYA 63:3

“Huporo angka bangso songon anggur, nada adong na ro mangurupi. Sasada Au do mangkarejohonsa; di bagasan murukKu Hudege-dege halahi. Mamincar mudarna i, mangaehi bajungKi, pahodarkon sude pakeanKi.

JESAYA 63:6

Di rimas ni rohangku na jorbut i Hulonca-lonca angka jolma i. Hugopu halahi lopus malantuk, mamincar mudarna i sap tu tano.”

JESAYA 7:17

Paroon ni TUHAN ma raja ni Asur, jadi daionmu ma angka ari na gok hasusaan, ho dohot rayatmu, umjorbut sian na dung jungada dibolus hamu mamungka sian dung mabola harajaan Israel dohot Juda.

JESAYA 8:4

Harana painte so tuk umur ni dakdanak i laho mandok ‘Amang’ dohot ‘Inang’, sasude sinadongan ni Damaskus dohot sude barang na nirampas ni Samaria, haldungon ni raja Asur ma i.”

JESAYA 8:8

Masuhan ni halahi ma Juda songon aek magodang na mangalantap jabat liput abara jana mambaen bonom sasudena; jana habongna na mangirbang i ma manutupi sude luatmu; ale Immanuel!”

JESAYA 9:17

Madung marbalik bangso i jana marpangalaho na hodar, jana hata ni halahi sude jahat do. Jadi hara ni i, sian tonga-tonga ni angka doli-doli umpe sahalak na giot malua baenon ni Tuhan. Inda ra Ia maribo ni roha mida angka na mabalu dohot na so marama so marina. Tapi laing torus dope Tuhan muruk jana sai giot manguhumi.

JESAYA 9:19

Muruk situtu Tuhan Na Markuaso i jana panguhumNa pe songon api na marsigorgor jana bangso i ma songon purunan siabiskononna. Umpe adong sahalak na maribo ni roha mida kahanggina.

JEREMIA 25:9

‘PiohononKu ma sude bangso na sian Utara, songon i muse naposongKu si Nebukadnesar raja ni Babel. ArahononKu ma halahi marporang mangalo Juda dohot halakna i sude dohot bangso na humaliangsa. PatimpasonKu sude bangso on rap dohot angka bangso hombarna jana padiaronKu malala sapanjangna. Tarsonggot ma halak na midasa jana panyogiton. Au Tuhan, madung mandok songon i.

JEREMIA 3:10

Dung dipambaeni sudena i, dipaula-ula Juda na so setia i ma mulak tu Au, tapi nada sian bagasan rohania na giot mulak i. Au, Tuhan, madung mandok songon i.”

JEREMIA 34:22

ParentahononKu ma anso mulak halahi tu kota on, jadi serangon ni halahi ma, masuhanna lalu surbuonna. Giot baenonKu angka kota ni Juda songon halongonan na so diingani ni jolma. Au Tuhan, madung mandok songon i.”

JEREMIA 4:14

O Jerusalem, ambungkon ma hajahatan sian bagasan rohamu anso dipalua ho. Sadia honok nari angka pikiran na jahat i sai simpan-simpanonmu di bagasan rohamu?

JEHESKIEL 29:20

Hulehen tano Mesir tusia songon garar ni angka pambaenannia, dibaen madung karejo tentarania i tu haporluanKu. Au Tuhan Debata madung mandok songon i.

JEHESKIEL 38:12

Tangkoon jana rampasonmu ma barang ni halak kota na marsegoan na salpu i. Na dipalagut sian ganop bangso do halak na manginganisa, na dung gabe mararta dohot marpahan-pahanan na bahat saonnari jana inganan ni halahi pe di pusat ni tano on.

JEHESKIEL 38:13

Sapa-sapa ma tu ho halak Seba dohot Dedan maradu angka parboniaga na di angka kota ni Luat Spanyol songon on, ‘Na giot mangarampas dohot manangko sere, perak, pahan-pahanan dohot barang-barang dehe umbaen diarahon tentarami lalu maroban sudena i?’ ”

MIKA 7:10

Ligion ni musungku ma i gabe maila ma ia jana ditutupi bohina, ia do na mandok tu au, “Di dia do Tuhan Debatamu?” Tapi anggo saonnari idaon ni halahi ma sanga na bia baenon ni Tuhan maradopkon au, jana maila ma halahi. Ligionku ma ia di dege-dege songon bustak di dalan.

HABAKUK 1:12

O Tuhan, nada he sian najolo Ho do Debatangku? Na badia jana na manongtong do Ho Debata. Tuhan, Debatangku jana pangondianku, ditodo Ho do bangso Babel i jana dibaen Ho margogo situtu laho manguhumi hami.

ZAKARIA 10:5

Monang ma halak Juda songon angka ulu balang na mangalonca-lonca musu songon bustak di dalan. Marporang ma halahi hara ni Au, Tuhan mangurupi halahi, jana taluhonon ni halahi ma parangan ni musu angka na markudo i sude.

MATEUS 15:7

O hamu angka pangalancap! Tutu do na nidok ni si Jesaya hian taringot tu hamu, di na nidoknia,