JESAYA 10:4 - BIBEL JAMITA NA DENGGAN

⁴ Mate di bagasan porang sajo ma bagianmunu, sanga disarat-sarat songon halak na tartaban. Tapi laing na muruk dope Tuhan jana sai giot manguhumi.

JESAYA 10:4 ပူးပေါင်းရင်းမြစ်များ

JESAYA 22:2

Sude kota marsurak-surak gok hariburon dohot jop ni roha. Angka tentaramunu na mate di parporangan i nada mate hara ni na marporang.

JESAYA 24:22

Rap palaguton ma halahi sude songon tahanan na di bagasan liang. Hurungon ma halahi di bagasan hurungan lopus dapot hatihana niuhuman.

JESAYA 34:3

Nada kuburkonon angka bangke ni halahi tapi padiaron do i marbusuhan jana bau. Marrara ma angka dolok hara ni na marlapu mudar.

JESAYA 5:25

Muruk Tuhan tu bangsoNia i. Madung rade Ia laho manguhumi halahi. Humutur ma angka dolok; marragean ma angka bangke songon rompak di angka dalan. Hape laing muruk dope Tuhan jana laing na giot manguhumi.

JESAYA 66:16

Sanga ise halak di portibi on na tardapot marsala, uhumanNia ma i marhite api dohot podang, jana bahat do na giot mate hona uhum.

JESAYA 9:11

Madung dipatubu Tuhan tu roha ni musu laho mangalo halahi.

JESAYA 9:12

Rampason ni bangso Siria na sian Habincaran dohot bangso Pilistin di Hasundutan ma Israel. Tapi laing muruk dope anggo Tuhan jana sai giot manguhumi.

JESAYA 9:16

Madung dipalilu jana digaor angka pamimpin ni bangso i rayat i.

JESAYA 9:17

Madung marbalik bangso i jana marpangalaho na hodar, jana hata ni halahi sude jahat do. Jadi hara ni i, sian tonga-tonga ni angka doli-doli umpe sahalak na giot malua baenon ni Tuhan. Inda ra Ia maribo ni roha mida angka na mabalu dohot na so marama so marina. Tapi laing torus dope Tuhan muruk jana sai giot manguhumi.

JESAYA 9:20

Di sude luat i marsirampas ma halak jana dipangan be ma sanga aha sipanganon na dapot, hape nada marnabutong. Salang dakdanak ni halahi sandiri pe dipangan halahi!

JESAYA 9:21

Marsiporangan ma halak Manase dohot halak Efraim, jana rap mamorangi ma i tu Juda. Tapi laing muruk dope Tuhan jana sai giot manguhumi.

JEREMIA 15:2

Muda disapai halahi tu ho, sanga na tu dia halahi kehe, songon on ma dokkon alusna, ‘Didok Tuhan, na ditontuhon parmatena hara ni nyae padiar ma mate hara ni nyae. Na kehe tu hamatean, tu hamatean ma! Na kehe tu podang, tu podang ma! Na kehe tu tangkuraparon, tangkuraparon ma! Na kehe tu tabanan, tu tabanan ma!’

JEREMIA 37:10

Haru pe umpamana ditaluhon hamu sude tentara ni Babel i lopus tading hum angka jolma na margasai di bagasan angka bandar ni halahi, laing jongjong do halahi manyurbu sude kota on.”

JEREMIA 4:8

Antong hara ni i, tangis jana mangandungi ma hamu, pake hamu ma abit goni tanda ni arsakmunu. Angke nada sumurut dope sian Juda muruk ni Tuhan na marnyala-nyala.

HOSEA 9:12

Tapi haru pe adong dakdanak na sorang jana na dipagodang-godang, buatonKu do halahi; sahalak pe nada Hupaloas mangolu. Marjaya ma hamu ale bangso Israel, muda jabat Hutadingkon hamu!”

HAMALIMON 26:17

Au do alomunu, gabe ditaluhon hamu jana halak na mangkagigihon hamu, gabe mangkuasoi hamu. Gok biar ma hamu, gabe marlojong hamu haru so adong mangayak-ayak.

PANGARATAION 32:30

Biasi talu saribu dibaen na sada jana saratus ribu dibaen na dua alona? Na ditadingkon Tuhanna do halahi dipalapas Debata na gumogo i.