JESAYA 10:26 - BIBEL JAMITA NA DENGGAN

²⁶ Au Tuhan Na Markuaso, giot sambohonKu halahi dohot loncing-loncing, songon panggosangKu di halak Midian di Dolok Batu Oreb. UhumanKu do Asur songon panguhumKu di Mesir.

JESAYA 10:26 ပူးပေါင်းရင်းမြစ်များ

JESAYA 9:4

Madung diropuhi Ho tinggala sian takkuhukna dohot lanja-lanja sian abarana, madung ditaluhon Ho bangso na mambaen susa bangsoMu, songon panaluhonMu di halak Midian na jolo.

HAKIM-HAKIM 7:25

Tartangkup ma dibaen halahi dua halak pamimpin ni bangso Midian, i ma si Oreb, dohot si Zeeb, lalu dibunu ma si Oreb di Batu Oreb, jana si Zeeb dibunu di inganan pamoroan anggur ni si Zeeb. Torus do halak Efraim mangkojar halak Midian i, lalu maroban ulu ni si Oreb dohot si Zeeb tu si Gideon di bariba ni Jordan na di bagian Habincaran.

2 RAJA-RAJA 19:35

Laing di borngin i ro ma Surusuruan Ni Tuhan tu parbandaran ni halak Asur mamatehon 185.000 halak paranganna. Ancogotna i manyogot marragean ma angka bangke i!

HARURUAR 14:16

Buat ma tungkotmu, pahortang ma tu ginjang ni laut i. Gabe mabola ma aek i, jana tarbaen halak Israel ma manaripari laut i mardalan di tano na mahiang.

HALUMBAAN 19:15

Ruar ma sian pamanganNia i sada podang na tajom, jana podang i ma baenonNia manaluhon angka bangso jana parentaonNia ma halahi dohot tungkot bosi. PoroonNia ma anggur di panggilingan ni anggur haririmas ni Debata Parkuaso Na Sumurung i.

HALUMBAAN 11:18

Madung muruk do angka bangso, tapi madung ro haririmasMu, dohot hatiha anso ni uhum halak na mate i. Dung i anso dilehen Ho upa di angka naposoMu, i ma angka panurirang, di angka na badia dohot angka na manghabiari goarMu, angka na menek dohot na magodang, jana segohononMu ma angka na manyego-nyego tano on.”

JESAYA 11:16

Dapot halak Israel na teba i ma dalan godang laho ruar sian Asur, songon na masa di hatiha ni ompu-ompu ni halahi ruar sian Mesir.

JESAYA 10:24

Didok Tuhan, Tuhan Na Markuaso i do tu bangsoNia na maringanan di Sion, “Ulang mabiar hamu mida halak Asur, haru pe dipisat halahi hamu, songon na nibaen ni halak Mesir tu hamu najolo.

MASMUR 83:11

Baen ma pamimpin ni halahi songon si Oreb dohot si Seeb, taluhon ma parkuaso ni halahi songon si Sebah dohot si Salmuna,

MASMUR 35:23

Jongjong ma Ho mangampini parkarongku, o ale Debatangku jana Tuhanku, urupi ma au!

JESAYA 30:31

Tarsonggot ma halak Asur muda dibege halahi sora ni Tuhan jana taraso ma panguhumiNia na borat i.

JESAYA 9:3

Tuhan, dilehen Ho do jop ni roha godang, padumpangkon halahi tu na torang. Hara ni denggan ni rohaMu marmoga-moga halahi, songon halak na marjop ni roha di na palagutkon suha ni karejona sanga di na marbagi taban.

JESAYA 30:30

Patubegehonon ni Tuhan ma soraNia na tongam i jana ganop halak hilalaonna ma hamuruhonNia na sogen i. ParoonNia ma api na mangabiskon, udan potir, ambolas dohot bade.

JESAYA 30:32

Di na mangarasoi angka pukul-pukul i halahi, marsonang-sonang ma halak ni Tuhan mardongan musik gondang dohot hasapi. Ia sandiri do marporang mangalo halak Asur.