JESAYA 10:20 - BIBEL JAMITA NA DENGGAN

²⁰ Dapot ma hatihana, bangso Israel na teba i nada be marguru tu bangso na markuaso na giot mangago halahi, tapi tu Tuhan, Debata Na Badia ni Israel noma.

JESAYA 10:20 ပူးပေါင်းရင်းမြစ်များ

2 RAJA-RAJA 16:7

Disuru si Ahas ma partonaan tu si Tiglat-Pileser raja ni Asur mandok songon on, “Naposomu na burju do au; jadi hara ni i, ro ma ho paluahon au sian raja ni Siria dohot Israel na topet mamorangi au.”

2 RAJA-RAJA 19:31

Adong ma angka jolma na malua di Jerusalem dohot di ginjang ni Dolok Sion, angke madung ditontuhon Tuhan anso tarjadi songon i.”

2 JUJUR TAON 14:11

Jadi martangiang ma si Asa tu Tuhan Debatania, “Tuhan, hum Ho do na tarbaen mangurupi na gale maradopkon na gogo. Urupi ma hami saonnari, ale Tuhan Debatanami! Marpangunsandean tu Ho do hami jana mangasahon goarMu haruar ma hami marporang mangalo pasukan na santak bahat on. Tuhan, Ho do Debatanami. Ulang ma padiar diriMu ditaluhon sada jolma.”

2 JUJUR TAON 28:16

Dipungka angka halak Edom muse ma mangulahi mamorangi Juda jana ditangkup halahi ma bahat jolma. Jadi hara ni i mangido ma Raja Ahas tu si Tiglat-Pileser raja ni Asur anso manongos bantuan.

2 JUJUR TAON 28:20

Jadi ro ma si Tiglat-Pileser, raja ni halak Asur i, tapi nada na giot mangurupi si Ahas ia, sabalikna mur mambaen hasusaan do tusia.

ESRA 9:14

Jadi, bia muse dope hami pasidungkon angka parentaMu jana marsibuatan boru hami dohot angka jolma na jahat i? Muda laing hami baen dope antong songon i, ma pasti sun murukMu, gabe roncohononMu hami jana nada padiaronMu sahalak pe mangolu.

JESAYA 1:9

Sugari sura nada dipalua Tuhan Na Markuaso i piga-piga halak, anggo Jerusalem i madung mago sude, sarupa tu Sodom dohot Gomora.

JESAYA 11:11

Di ari i, sanoli nari giot pakeon ni Tuhan ma kuasoNia jana obanonma bangsoNia na teba i di Asur dohot Mesir, di angka luat ni Patros, Sudan dohot Elam, di Babel, Hamat dohot di angka pulo na di laut.

JESAYA 11:16

Dapot halak Israel na teba i ma dalan godang laho ruar sian Asur, songon na masa di hatiha ni ompu-ompu ni halahi ruar sian Mesir.

JESAYA 37:4

Madung disuru raja Asur pangarajai inumonnia laho pabilehon Debata na mangolu i. Nada binoto betak na dung ditangihon Tuhan Debata do hata na pabilehon i, jana giot uhumanNia halahi na mandokkon i. Hara ni i, martangiang ma ho tu Debata manangiangkon angka halak hita na mangolu i dope.”

JESAYA 46:3

Ale pomparan ni si Jakob, tangihon ma Au, hamu sude na malua sian tonga-tonga ni bangsongKu. Mamungka sian bortian, Hutuhuk hamu; mamungka sorang, Huhunti hamu.

JESAYA 50:10

Ale hamu na pasangap Tuhan Debata, jana na mangoloi hata ni naposoNia, betak na golap do dalan na nibolusmunu, tapi laing porsaya ma tu Tuhan, Ia ma pangasahon hamu!

JESAYA 6:13

Salang sugari adong saparsampulu halak nari sian bangso na tading di luat i, i pe angkon dimatehon. Angkon songon hayu baringin na di taba halahi, hum tungkona noma tinggal. Sian tungko i ma muse ruar tunas, na badia.”

JEREMIA 3:23

Nada adong gunana marsomba gana-ganaan hami di puncu ni angka dolok! Hum sian Tuhan Debatanami do pangurupion anggo tu Israel.

JEREMIA 44:14

Sian halak Juda na teba i na kehe tu Mesir laho maringanan disi, sahalak pe nada adong na malua sanga mangolu. Sahalak pe sian halahi nada adong be na mulak tu Juda, haru pe lungun sajo roha ni halahi. Tutu do nada adong be na mulak sian halahi asing ni na mangungsi piga-piga halak.”

HOSEA 14:3

Mulak ma hamu tu Tuhan jana palalu hamu ma tangiang on gabe songon haul tuSia, “Tuhan, sesa ma sude dosanami jana jagit ma tangiangnami on, gabe pujionnami ma Ho laing songon na dung hami janjihon i.

HOSEA 5:13

Torang do diboto bangso Israel dohot bangso Juda hajorbuton na masa di halahi, gabe kehe ma Israel tu Asur laho mangido bantuan sian raja bolon i. Hape nada haurupan raja i sanga tarpadenggan na masa tu halahi.

MIKA 5:3

Markarejo ma ia jana marmahani halahi markite-hite hagogoon ni Tuhan i dohot markite-hite hamuliaan ni goar ni Tuhan Debatania sandiri. Mangolu di bagasan sonang ma bangsona i, dibaen okuon ni jolma na satano on do hagodangannia,

ZEPANYA 3:13

Halak Israel na malua i, nada mambaen jahat be sanga na tu ise pe; nada margabus be halahi jana nada paoto-otohon. Sonang ma halahi jana dame, jana nada mabiar sanga na tu ise pe.”