JESAYA 10:18 - BIBEL JAMITA NA DENGGAN

¹⁸ Angka harangan godang dohot angka ladang na napu segohonon noma i sudena, tudos tu jolma na nisegohon ni nyae na mamatehon.

JESAYA 10:18 ပူးပေါင်းရင်းမြစ်များ

2 RAJA-RAJA 19:23

Ditongos ho ma utusan laho mambual bahaso na nipatundukmu angka dolok na humincat di Libanon marhite sude kareta porangmi. Naginjang ma rohamu bahaso na nitabamu angka bona ni sampinur na gumincat dohot na jumeges jeges jana dibolusi ho angka haranganna na gumodang.

2 RAJA-RAJA 19:28

Madung Hubege taringot tu ginjang ni rohami. Saonnari Huharihiri ma igungmi jana Hukokang pamanganmi anso Huela ho mulak mamolus dalan na nibolusmi di na ro ho.”

JESAYA 10:16

Dibaen madung manyombong halak Asur, paroon ni Tuhan Na Markuaso i ma nyae laho manguhumi angka perwira na mamokmohi saonnari. Hona arun na lobi milas ma halahi songon api na torus manutungi.

JESAYA 32:19

Sego ma angka harangan jana marrumpakan ma angka kota.

JESAYA 37:24

Ditongos ho ma suruanmu mamburas, na dung nitaluhonmu marhite sude kareta porangmi angka dolok pargincat na di Libanon. Manggodang ma ho mandok na dung ditaba ho angka bona ni sampinur na gumincat dohot na jumegesna disi, jana dibolusi ho angka harangan godang na tumobangna i.

JESAYA 9:18

Songon api na gara mangankon ramba dohot potpot na marduri songon i do hajahatan ni bangso i. Songon parmosok ni harangan do pargarana i martimbual timusna i.

JEREMIA 21:14

Tapi uhumanKu ma ho patunda ni parbuatanmu. SurbuonKu ma bagas godangmi, jana puntung muse ma sandok na adong di Humaliangna. Au Tuhan, madung mandok songon i.”

ZAKARIA 12:6

Anggo di ari i, baenonKu ma angka ripe ni Juda songon api di harangan sanga di ladang ni gandum na gumorsing; putusan ni halahi ma angka bangso na humaliang halahi. Tapi anggo halak na maringanan di Jerusalem tongtong do sonang di bagasan kota.