JESAYA 10:16 - BIBEL JAMITA NA DENGGAN

¹⁶ Dibaen madung manyombong halak Asur, paroon ni Tuhan Na Markuaso i ma nyae laho manguhumi angka perwira na mamokmohi saonnari. Hona arun na lobi milas ma halahi songon api na torus manutungi.

JESAYA 10:16 ပူးပေါင်းရင်းမြစ်များ

2 JUJUR TAON 32:21

Jadi disuru Tuhan ma sada surusuruan mamatehon angka parajurit dohot angka perwira ni Asur i. Jadi ila sajo ma roha ni raja ni Asur i mulak tu tanonia. Sanoli dompak di bagasan bagas ni debatania i ia, ro ma sanga na piga halak sian angka anaknia sandiri mamunu ia dohot podang.

MASMUR 106:15

Jadi gabe dilehen Ho sanga aha na nipangidona, tapi laing dipaihut Ho muse do nyae na jorbut tu halahi sudena.

MASMUR 78:31

muruk ma Debata jana dialo ma halahi; dibunu Ia ma halak Israel na poso jana na barani.

JESAYA 10:18

Angka harangan godang dohot angka ladang na napu segohonon noma i sudena, tudos tu jolma na nisegohon ni nyae na mamatehon.

JESAYA 17:4

Didok Tuhan, “Muli dapot do i hatihana marujung bungaran ni Israel, jana hamoraonna i digonti dohot hapogoson.

JESAYA 26:11

Ale Tuhan, di paherbang Ho do tanganMu, tapi nada diida halahi i; padiar ma maila halahi mida holong ni rohaMu di bangsoMi. Padiar ma marhancit halahi hara ni na hona uhum na niparadeMu di halahi.

JESAYA 31:9

Maporus ma rajana i hara ni biarna, jana angka perwirana i tarsonggot situtu, gabe ditadingkon halahi noma mandera ni parporangan.” Madung didok Tuhan songon i, nampuna api na di Sion dohot tataring na di Jerusalem.

JESAYA 37:29

Madung Hubege do sanga songon dia ginjang ni rohami. Saonnari Hubaen harihir di igungmu dohot kokang di babamu, anso Hutarik ho mulak mamolus dalan na nibolusmu di na laho ro.”

JESAYA 37:36

Laing di borngin i, ro ma Surusuruan ni Tuhan tu parundung-undungan ni halak Asur i jana dibunu ma 185.000 halak parajuritna. Ancogotna i manyogot-nyogot, marampar ma angka bangkena i.

JESAYA 5:17

Dung i angka biri-biri angkon manjampali di si songon di padangna sandiri jana angka hambeng manjalahi sipanganonna di bagasan ronco-ronco ni tembok ni halak na kayo.

JESAYA 8:7

Jadi hara ni i, Au, Tuhan, paroonKu ma raja ni Asur dohot sude tentarana i laho mamorangi Juda. Nada haambatan be i songon pangalantap ni Batang aek Efrat na mambaen bonom angka tobing-tobingna i.

JESAYA 9:4

Madung diropuhi Ho tinggala sian takkuhukna dohot lanja-lanja sian abarana, madung ditaluhon Ho bangso na mambaen susa bangsoMu, songon panaluhonMu di halak Midian na jolo.

JESAYA 9:5

Sipatu ni tentara na mangolat dohot bajuna na margulu mudar, gabe bagian ni api lopus puntung sasudena.

JEREMIA 21:14

Tapi uhumanKu ma ho patunda ni parbuatanmu. SurbuonKu ma bagas godangmi, jana puntung muse ma sandok na adong di Humaliangna. Au Tuhan, madung mandok songon i.”

JEREMIA 48:14

Biasi didokkon halaklahi ni Moab, ‘Na gogo do hami, tentara na barani na dung tammat di bagasan parporangan?’

JEHESKIEL 34:16

JalahanKu ma na mago i, obanonKu mulak na lilu i, na margasa balutonKu, na marnyae ubatanKu; tapi anggo na mokmok dohot na gogo i abiskononKu, angke parmahan na mambaen na denggan do Au.

NAHUM 1:12

Jadi didok Tuhan ma tu Israel, bangsoNia i, “Haru pe gogo halak Asur i jana bahat bilanganna, tapi pangabisonKu do halahi sudena. Ale bangsongKu, Au do mambaen hamu marhancit, tapi nada ulahanKu be mambaen songon i.

ZEPANYA 2:13

Dung salpui pakeon ni Tuhan ma kuasoNia laho mangaropukkon Asur. Jana baenonNia Ninive gabe halongonan, gariang songon parhorsihan.

ZAKARIA 7:4

Dung i ro ma parenta ni Tuhan Na Markuaso i tu au songon on,

BAENON NI ANGKA RASUL 12:23

Santongkin i manigor ro ma Surusuruan Ni Tuhan manampeleng si Herodes, hara ni na so nihormatannia Debata. Dipapangani binga ma ia lalu mate.